ممكن... تخرم خرم صغير

انت يا عم

فوق

قافل عينك ليه

اسمعنى

مطلوب منك على وجه السرعة

تخرم خرم صغنون

صغنون قووى

قووى

فى الحيطة السد اللى بانيها قدامك دى

و حاططها قدام عينيك

قدام قلبك ...

قدام رجليك ..

فوقفتك مكانك ..

لا قادر تشوف

و لا قادر تتحرك

و لا حتى تحس ...

أ ُُخرم خرم صغير ..

يمكن يدخل منه

خط رفيع

من نور

من ريحة زكية مالية الكون

او يمكن صوت.. بيغنى

لعصفور مليان الوان

حتى و لو كان زيك محبوس

محبوس بس بغير ارادته بين جدران

اخرم خرم صغير جوه الحيطة

الحيطة اللى بنتها بايدك

تعرف منها ان زى مابره ساعات بيكون فيه

ضلمه .. فيه نور

تعرف ان الدنيا مش بتكون ضلمة علاطول

و ان ممكن يخش لك منها ...أمل بسرور ..



بنور يشق ظلمة كون

ممكن يجيك الخير لحد رجليك

و يجعل الجمال حواليك

يحرسك و يقويك ...




اخرم خرم صغير تانى جنب عنيك

و اتجرأ و بص فيه و اعرف ..

انك لو بصت من الخرم ده هتشوف ناس عايشين كويسين .

بيزعلوا و بيفرحوا

بيحبوا و بيكرهوا

عايشين التناقض

بس مش بوشين ...

عيش وياهم

اطلع بره السور

و اعرف ان الضربة اللى مبتقتلش

بتقوى

و الدمعة اللى بتجرى بتطهر القلب و العين

و ان حتى الحزن له جماله ... انك تعرف بعد طعم
السعادة

و اعرف ان الفشل خطوة

تعرفك طريق النجاح

و التوهة خطوة

تعرف فيها تشغل عقلك و تتعلم متوهش ابدا بعدها

اعرف ازاى تبص للاشياء

و تشوفها بعين واحد فنان

يفهم معانى للخط و الالوان

و تشوف بان السواد ..انعكاس لكل الالوان

و ان الليل حلم و امل .. بصبح و فجر يشق الاكوان

و اعرف ان بعد الحزن فرج ..

و الفرج فرح ...

و الفرح ..انسان


هتندم يمكن على كل دقيقة قضيتها وراء حائطك
معزول

جرب و اخرم خرمك و قولى ...


هتحس يا ترى بايه ؟؟


و لو جربت هتخسر ايه ...؟

كلامك صح اكيد
ها اكسر الحيطة دلوقتي:D
تسلمي ع الموضوع

رااااااااااااائع جدا جدا جدا ..
بس كدة هنبوظ الحيطة من كتر الاخرام ،
وممكن نكسر الحيكة زى ما "على" قال .. =D>
تسلمى و و و و
http://img206.imageshack.us/img206/2850/6397jpgxe8.gif

اقتباس:

---

المشاركة الأصلية كتبت بواسطة علي مدكور

كلامك صح اكيد

ها اكسر الحيطة دلوقتي:D

تسلمي ع الموضوع

---

اكسر وانا حجيب الشاكوش وجيالك هههههه
ميرسي يا جميل علي تواجدك منور الموضوع

اقتباس:

---

المشاركة الأصلية كتبت بواسطة affaan

رااااااااااااائع جدا جدا جدا ..

بس كدة هنبوظ الحيطة من كتر الاخرام ،
وممكن نكسر الحيكة زى ما "على" قال .. =D>
تسلمى و و و و

http://img206.imageshack.us/img206/2850/6397jpgxe8.gif

---

الله وانت بتدفع حاجه من جيبك
اكسر اكسر بلاش كسل ههههه
منور يا جميل بتواجدك المميز

انا بيتهيقلي من كتر الاخرام وقعت البيت :D

اقتباس:

---

المشاركة الأصلية كتبت بواسطة young divel

انا بيتهيقلي من كتر الاخرام وقعت البيت :D

---

ههههههههههههههههه
وماله يقع ونخرم في حيطه الجيران ايه يعني
ميرسي يا قمر علي المرور المميز ونورتي

الله كلام جميل ويقوى القلب

وبيدى احساس اجمل
علشان نقدر نخرم الحيطه
والف شكر على الموضوع

واللي عندهم حيطه صلب يعمل ايه

وحاول انه يكسرها قبل كده وعمل حاجات كثيرة علشان يتغير ومعرفش يعمل ايه

تسلمووووووووو على الكلام الحلو ده

اقتباس:

---

المشاركة الأصلية كتبت بواسطة عصام نت

الله كلام جميل ويقوى القلب

وبيدى احساس اجمل
علشان نقدر نخرم الحيطه
والف شكر على الموضوع

---

الله يخليك
ومشكور يا جميل علي المرور المميز