بسم الله الرحمن الرحيم
السلام عليكم ورحمة الله وبركاته
منتدانا مليان بالنجوم
نجوم فى الشعر نجوم فى القصة نجوم فى عالم الموضة نجوم فى النقاش
نجوم فى كل المجالات وفى كل الاقسام
نجوم يمكن مش واضحين وسط الكوكبة من النجوم اللى عندن
هو مين النجم؟
النجم هو اللى قلمه بينور صفحات منتدانا
هو اللى بيسجل بقلمه صفحة بنتعلم منها
احنا بقى هنتكلم مع دول
هاقولكم الفكرة جت ازاى ؟
فكرة برنامجنا جت من اننا كل يوم بنلاقى عضو جديد انضم لينا
بس كتير منهم وانا على فكرة كنت واحدة من دول اول مادخلت المنتدى
حسيت انى داخلة مكان كل اللى فيه اصحاب
حسيت انى غريبة وسطهم
ايوة الموضوع مخدش وقت طويل يمكن ماطولش عن يوم
بس لو كان فيه عضو معندوش الصبر انه يستنى ويجرب ويشوف اننا كلنا عيلة واحدة وانه بمجرد تسجيله اصبح فرد فى عيلتنا
تفتكر هيعمل ايه؟
؟اكيد هيفكر يسيبنا وساعتها هنخسر قلم جميل مبدع وفكر مميز
طيب ليه مانحاولش نكسب العضو ده ونظهر ابداعه
ونخليه يحس انه واحد مننا بجد
اكيد ده هيفرق كتير معاه واكيد ده هيعود بالنفع علينا كلنا
وده اللى خلانى فكرت فى البرنامج ده
فكرة برنامجنا
كل اسبوع ضيف جديد هيكون مشرف ادارى عضو جديد مش هتفرق معانا الالوان
طالما انت بتفكر وبتبدع فانت النجم القادم ومن حقك ان الناس كلها تشوف ابداعاتك وتعرف افكارك
هتيجى وتحكى لنا واحنا هنسمعلك
هنعرف انت مين ودماغك فيها ايه
بتفكر فى ايه
ايه احلامك
ايه هواياتك
هنسلط الضوء على ضيف جديد كل اسبوع
البرنامج هيمشى ازاى؟
-لازم مشاركاتك تكون اكتر من 100 مشاركة علشان تكون واحد من ضيوفنا وده مش لاى شئ غير اننا تكون عرفنا عليك اكتر ونعرف انك معانا
- تتفاعل مع ضيفنا عن طريق الاسأله بعرضها على الضيف وده علشان نخلى الموضوع منظم اكتر ونعرف نتعرف على ضيفنا اكتر
على فكرة نسيت اقول حاجة مهمة
هيكون هنا تصويت على اعضاء لنختار منهم ضيفنا ومن حق الصيف رفض او الموافقة علشان لو هيعتذر هنضطر اننانغير اسماء التصويت نختار نجم تانى ينورنا فى سهرتنا
البرنامج هيكون كل خميس الساعة 9 مساءا بتوقيت القاهرة
استنونا مع اول حلقة من برنامجنا لحظات مع نجم
وانتظروا اول نجم هينور برنامجنا
ولو موافقين على البرنامج
هحط اسماء المرشحين
