محتار تجيب هديه عيد الحب.. كل سنة واحنا فى حب

http://www.3z.cc/sml/32/003.gif
http://www.althkra.net/pic/ep/Z3.gifhttp://www.3z.cc/sml/30/050.gif

أعضاء مصراوى كافيه كل سنة وإنتم طيبين وعقبال مليون سنة نعيشها فى حب وسعاده وراحه بال وكلنا نحقق كل اللى نفسنا فيه يارب وتبقى أحلى سنة عدت علينا يارب

عيد حب سعيدhttp://www.3z.cc/sml/30/0001.gif

طبعا أكيد كل واحد فينا محتار يجيب ايه لحبيبه او لحبيبته انا دورت على الموضوع ده عشان اجيبه ليكم واساعدكم شويه فى اختيار الهدايا طبعا احنا عارفين كويس انها مش بالهدايا لكن اهو تعبير عشان نقولهم اننا فاكرينكم كويس وعمرنا ما هانساكم ابدا ابدا يارب ما تحرمش اى اتنين مع بعض يارب ووفقهم وحقق ليهم كل اللى بيتمنوه مع بعض ويتمم لهم بألف خيروحب وفرحه وراحه بال وسنه تحمل كل معانى الحب يارب

http://www.3z.cc/sml/30/501.gif

http://www.boswtol.com/mastaba/images/234/kamar_4.jpg

دي مجموعة من الأفكار اللي حبينا نقدمهالكم علشان تساعدكم على اختيار الهدية المناسبة....وعلى فكرة احنا جبنا مجموعة كبيرة من الأفكار علشان نحاول نرضي جميع الأذواق وده لأن فيه ناس بتحب الهدايا التقليدية الخاصة اللي بتعبر عن عيد الحب وفيه ناس تانية بتحب الهدايا العادية فحبينا نرضي جميع الأذواق بمجموعة الهدايا دي..

نشوف الهدايا
الهدايا المناسبة للبنات

ولأن البنات أولا في كل شيء فدي مجموعة من الهدايا اللي ممكن تيجي للبنات في عيد الحب....

علبة مجوهرات خشب كبيرة متعددة الطوابق علشان البنت تشيل فيها أي مجوهرات عندها أو أي أوراق مهمة
http://www.boswtol.com/mastaba/images/234/kamar_5.jpg



علبة مجوهرات فضة صغيرة ودي علشان تشيل فيها أي حاجة خاصة أنت هتقدمها زي دبلة الخطوبة مثلا
http://www.boswtol.com/mastaba/images/234/kamar_6.jpg


قطعة إكسسوار زي خاتم أو حلق أو عقد لولي وعلى فكرة ممكن الإكسسوار ده يكون أصلي "ذهب أبيض" أو "أصفر" أو ممكن يكون تقليد يعني على حسب الإمكانيات والفلوس اللي معاك
http://www.boswtol.com/mastaba/images/234/kamar_7.jpg


شنطة ماكياج أو شنطة فيها مجموعة شامبوهات للعناية بالبشرة أو الجسم أو أي حاجة من الحاجات اللي بتهم البنات
http://www.boswtol.com/mastaba/images/234/kamar_8.jpg


شال شيك ولو كانت البنت محجبة ممكن تجيب لها مجموعة من الإيشاربات الشيك
http://www.boswtol.com/mastaba/images/234/kamar_9.jpg

قلب في السلسلة علشان تحط فيه صورتها وصورتك أو ممكن تعمل لها سلسلة فضة أو ذهب وتطبع عليها بالليزر صورتك وصورتها
http://www.boswtol.com/mastaba/images/234/kamar_10.jpg


محفظة جلد طبيعي علشان تفضل فاكراك على طول
http://www.boswtol.com/mastaba/images/234/kamar_11.jpg


الهدايا المناسبة للشباب

ممكن أي بنت تعرف الإنسان اللي هي مرتبطة بيه بيحب إيه وتجيب له الحاجة اللي هو بيحبها أو ممكن تشوف هو محتاج إيه وتجيبه، والهدايا بتكون زي..

كرافت شيك وياريت تكون لونها نبيتي علشان تكون مناسبة لعيد الحب
http://www.boswtol.com/mastaba/images/234/kamar_12.jpg


محفظة جلد طبيعي علشان يفتكرك بيها على طول
http://www.boswtol.com/mastaba/images/234/kamar_13.jpg


زجاجة بارفان ماركة كويسة
http://www.boswtol.com/mastaba/images/234/kamar_14.jpg

ماكينة حلاقة كهربائية هي غالية شوية بس شيك أوي كهدية
http://www.boswtol.com/mastaba/images/234/kamar_15.jpg


كاميرا ديجيتال أو عادية هيفرح بيها أوي خصوصا لو كان بيحب التصوير..
http://www.boswtol.com/mastaba/images/234/kamar_16.jpg


ساعة يد شيك
http://www.boswtol.com/mastaba/images/234/kamar_17.jpg


كوفية حمراء علشان يلبسها كل عيد حب
http://www.boswtol.com/mastaba/images/234/kamar_18.jpg


ميدالية فضة أو كريستال وعلى فكرة مفيش شاب مش بيحب الهدية دي بالذات
http://www.boswtol.com/mastaba/images/234/kamar_19.jpg
هدايا بسيطة بس بتفرح القلب أوي
http://www.boswtol.com/mastaba/images/234/kamar_29.jpg
فيه نوعية تانية من الهدايا البسيطة جدا بس على فكرة على قد ما هي بسيطة إلا أنها بتفرح القلب أوي أكتر من أي هدايا تانية وده لأنها أكتر أنواع الهدايا المرتبطة بعيد الحب وعلى فكرة الهدايا دي ممكن تمشي للبنات والولاد كمان....

بوكيه ورد ويا سلام لو كان أحمر
http://www.boswtol.com/mastaba/images/234/kamar_20.jpg
قلب كريستال
http://www.boswtol.com/mastaba/images/234/kamar_21.jpg
بوكيه فيه مجموعة من الدباديب الصغيرة
http://www.boswtol.com/mastaba/images/234/kamar_22.jpg
دبدوب كبير
http://www.boswtol.com/mastaba/images/234/kamar_23.jpg
علبة شيكولاتة ويا سلام بقى لو كانت من النوع اللي بيحبها أو بتحبها
http://www.boswtol.com/mastaba/images/234/kamar_24.jpg

مج فيه شويه حركات دلع تناسب عيد الحب زي قلوب أي كلمة حلوة بتعبر عن الحب
http://www.boswtol.com/mastaba/images/234/kamar_25.jpg
مخدتين كل واحدة فيهم عليها اسم كل واحد فيكم وكل واحد ياخد المخدة اللي مكتوب عليها اسم التاني
http://www.boswtol.com/mastaba/images/234/kamar_26.jpg
مجموعة بالونات حمراء مخصوصة لعيد الحب
http://www.boswtol.com/mastaba/images/234/kamar_27.jpg
برواز خاص بعيد الحب
http://www.boswtol.com/mastaba/images/234/kamar_28.jpg

بس دي كانت شوية أفكار بسيطة

http://www.3z.cc/sml/30/072.gif

طبعا الهدايا دى لو احنا اشتريناها طب و عايز تعبر اكتر عن حبك وحابب تعمل الهديه بنفسك مافيش مشكله تعالوا نعمل واحده بنفسنا واكيد طبعا هاتكون اجمل واجمل وهاتعبر اكتر
تابع http://www.3z.cc/sml/30/bloem_16.gif http://www.3z.cc/sml/31/011.gif سندس

http://www.3z.cc/sml/32/8.gif

http://www.boswtol.com/mastaba/images/234/kamar_53.jpg

ولأن مفيش أجمل من الهديا اللي احنا بنعملها بنفسنا في يوم زي ده فدي شوية أفكار بسيطة ممكن نعمل زيها بنفسنا...

شموع عيد الحب من صنع إيدينا!
http://www.boswtol.com/mastaba/images/234/kamar_36.jpg

طبعا الشموع من أكتر الحاجات المرتبطة بعيد الحب علشان كده بنلاقي إن ثمن الشموع بيكون غالي جدا في عيد الحب بالرغم من أننا ممكن نعملها بنفسنا ومن غير ما تكلفنا حاجة خالص مش كده وبس ده احنا كمان ممكن نزينها بنفسنا وبكده هتبان كأننا شارينها من أحسن وأفخم محل متخصص في الهدايا..

كل اللي هنحتاج إليه:
• حلة كبيرة وحلة تانية أصغر منها وده علشان نعمل حمام ميه ساخن للشموع.
• شموع قديمة ملونة أو بيضاء.
• فازلين.
• فورمات جاهزة لتشكيل الشمع.
الطريقة:
1. أول حاجة هنعملها هي إننا هنذوب الشموع القديمة اللي عندنا في حمام ميه سخنة وده عن طريق إننا نحط في الحلة الكبيرة الميه ونحطها على النار علشان الميه تسخن وبعد كده نحط الحلة الصغيرة في الحلة الكبيرة ونحط فيها الشمع ونغلي الميه لغاية ما الشمع يذوب تماما.
2. هنجيب فورمات جاهزة لتشكيل الشمع وندهنها بالفازلين وده علشان يكون سهل علينا إننا نخرج الشمع المشكل منها...بعد كده هنثبت الفتيل أو الدوبارة عن طريق ربط الفتيل في قلم رصاص ونضع القلم الرصاص على سطح الفورمة اللي هنحط فيها الشمع وبعد كده نصب الشمع وناخد بالنا إن الفتيل يكون نازل في داخل الفورمة دي.

3. هنسيب الشمع لغاية ما يبرد نهائي وبعد كده نخرجه.
بكده بقى عندنا مجموعة من الشموع الجميلة اللي احنا عاملينها بإيدينا وعلى فكرة احنا لينا حرية الاختيار في عمل أي حجم للشموع احنا عايزينه فمثلا ممكن نعمل نفس الفكرة السابقة ونصب الشموع فورمة صغيرة صغيرة على شكل قلوب أو ممكن نعملها بحجم الشمعة العادية أو ممكن نعملها كبيرة..
على فكرة ممكن نزين الشموع دي بأي شكل احنا عايزينه، ودي شوية أفكار ممكن تساعدنا في تزيين شموع عيد الحب..

شموع بأشكال جديدة
شمعة عريضة ملفوف عليها كارتون ملون مقصوص على
شكل قلب بالإضافة إلى بعض من حبات اللولي اللي احنا
بنركبها بالخيط على الكارتون وبعد كده بنلزقهم على
الشمعة
http://www.boswtol.com/mastaba/images/234/kamar_31.jpg
مجموعة من الشموع العريضة ملزوق عليها أوراق الأشجار
http://www.boswtol.com/mastaba/images/234/kamar_32.jpg
مجموعة من الشموع العريضة منثور عليها مادة ملمعة يأي شكل احنا عايزينه
http://www.boswtol.com/mastaba/images/234/kamar_33.jpg
كمان ممكن نحط الشموع في كاسات شفافة أو كوبايات شفافة
http://www.boswtol.com/mastaba/images/234/kamar_34.jpg

كمان ممكن نعمل الشموع دي ونحطها على حامل فيرفورجيه"حديد"

http://www.boswtol.com/mastaba/images/234/kamar_35.jpg

كارت من صنع إيدينا!

http://www.boswtol.com/mastaba/images/234/kamar_39.jpg

أكيد استحالة نقدم هدية من غير ما نقدم معها الكارت بس المرة دي الكارت غير كل مرة لأن الكارت المرة دي هيكون من صنع إيدينا احنا...

ودي فكرة لكارت ممكن نعمله بإيدينا
http://www.boswtol.com/mastaba/images/234/kamar_37.jpg

كل اللي هنحتاج إليه:
• نصف فرخ ورق كانسون أو كارتون أبيض أو أصفر.
• مجموعة شرائط ستان رفيعة لونها أحمر.
• شريط ستان رفيع لونه أخضر.
• قلم أسود أو أحمر.
• مسدس شمع.
• مقص.

الطريقة:
هنطوي ورق الكانسون نصفين ونجيب شرائط الستان الرفيعة ونلف كل واحدة منهم حوالين نفسها على شكل دائري ونلزقها من الطرف بمسدس الشمع...هنعمل مجموعة من الشرائط دي وده علشان نلزقها بمسدس الشمع على الكارت على هيئة قلب زي ما في الصورة.
هنجيب الشريط الأخضر ونقطعه شرائح رفيعة ونلزق كل شريحة منه بجوار القلب بحيث إنها تدي شكل زي ما في الصورة....
هنجيب القلم الأسود ونكتب أي كلمة حلوة تكون طالعة من قلبنا..

ودي فكرة لكارت تاني ممكن نعمله
http://www.boswtol.com/mastaba/images/234/kamar_38.jpg

كل اللي هنحتاج إليه:

• نصف فرخ ورق كانسون أو كارتون روز أو أي لون احنا نحبه.
• مجموعة مشابك ورق.
• دوبارة "خيط سميك".
• مسدس شمع.
• مقص.
• 2شرائط لزق ملونة.
• مجموعة من القلوب الصغيرة.

الطريقة:

هنطوي ورق الكانسون نصين وبعد كده هنلزق الشرائط الملونة على طرف ورق الكانسون..وبعد كده هنلزق فتلة الدوبارة في طرفي الكارت...ونجيب القلوب الصغيرة ونعلقها باستخدام المشابك في الدوبارة وممكن نكتب أي كملة حلوة طالعة من قلبنا على الكارت ده.

ودي مجموعة تانية من الكروت ممكن نبص عليهم ونحاول ننفذ زيهم
http://www.boswtol.com/mastaba/images/234/kamar_40.jpg
اضغطي على الصورة لمشاهدة مجموعة أخرى من الصور
تورتة عيد الحب من صنع إيدك!

وعلشان عيد الحب يبقى عيد حب يبقى لازم كل بنت تعمل للإنسان اللي بتحبه حاجة من إيديها لأن زي ما كلنا عارفين إن أقرب طريق إلى قلب الراجل هو معدته...مش كده ولا إيه؟!
ودي طريقة عمل تورتة عيد الحب

http://www.boswtol.com/mastaba/images/234/kamar_30.jpg

المقادير للكيكة الإسفنجية:
• 5 بيضات.
• كوب ونصف سكر بودرة.
• 1كوب سمن.
• 3 كوب دقيق.
• 1 معلقة صغيرة فانيليا.
• 1 معلقة صغيرة بيكنج بودر.
• كوب ونصف كاكاو.
الطريقة:
1. هاتي البيض واكسريه في إناء عميق وضيفي إليه السكر والفانيليا واضربيهم مع بعض "بالمضرب الكربائهي" لمدة ربع ساعة أو لغاية ما تلاقي الخليط ده بقى عامل زي الكريمة...
2. بعد كده هاتي الدقيق والبيكنج بودر وضيفيهم لبعض ولو عايزة تعملي كيكة بالشيكولاتة ممكن تضيفي إليهم "الكاكاو"...
3. ضيفي الدقيق والبيكنج باودر بالتدريج إلى البيض والسكر وقلبيهم مع بعض كويس باستخدام معلقة خشب بس خدي بالك إن التقليب يكون بالراحة.
4. بعد كده هاتي قالب كيك على شكل قلب وادهني القاع والجوانب بشوية سمنة ورشي رشة صغيرة من الدقيق علشان الكيكة ماتلزقش منك في الصينية وبعد كده صبي خليط الكيكة فيها....
5. شغلي الفرن لمدة 5 دقائق وبعد كده دخلي صينية الكيكة الفرن وخلي درجة الحرارة متوسطة وسيبيها لمدة 40 دقيقة أو لغاية ما تلاقي وشها احمر....
6. ولو عايزة تتأكدي من إن الكيكة استوت من جوه يبقى ممكن تجيبي سكينة نضيفة وتحطيها في وسط الكيكة، لو خرجت السكينة نضيفة زي ما هي يبقى كده الكيكة استوت من جوه، لكن لو خرجت وفيها أي حاجة يبقى الكيكة ماستوتش..بعد ما تستوي الكيكة خرجيها من الفرن وسيبيها شوية لغاية ما تبرد علشان تقدري إنك تنقليها في صينية تانية مستديرة وخدي بالك وإنتِ بتنقليها إنك تحطيها على وشها بحيث تبقى الناحية اللي تحت فوق واللي فوق تحت.
طريقة تزيين وحشو التورتة:
المقادير:
• زيدة.
• لبن.
• مربى.
• علبة كمبوت أناناس.
• 1/2 كيلو فراولة.
• علبة بودرة كريم شانتيه.
• جوزة الهند مبشورة.
• تشكيلة مكسرات مفرومة "لوز وبندق وجوز وفستق"
• كريز.
• قمع لتزويق التورتة.
الطريقة:
1. طلعي الزبدة من التلاجة وسيبيها لمدة نصف ساعة علشان لما تيجي تستعمليها تلاقيها سايحة شوية...
2. هاتي طبق عميق وحطي فيه اللبن البارد وبعد كده ضيفي إليه علبة بودرة "الكريم شانتيه" واضربيهم مع بعض كويس بالمضرب الكهربائي، لمدة عشر دقائق وبعد كده حطي الكريم شانتيه في الفريزر...
7. هاتي الكيكة وقسميها باستخدام سكينة الحلويات إلى طبقتين، وخدي الطبقة الأولى وحطيها على صينية تانية ورشي عليها ماء الكمبوت..وعلى سطح النصف التاني من الكيكة هتفردي طبقة من الزبدة بعد كده طبقة مربى "أي نوع مربى عندك" بعد كده ضمي الجزئين على بعض.
8. هاتي الكريم شانتيه وغطي الكيكة كلها بيه باستخدام ضهر المعلقة... وهاتي القمع وحطي فيه كريم شانتيه وزوقي الأطراف، وعلى فكرة ممكن تحطي على الجوانب جوز الهند والمكسرات المفرومة اللي عندك.
9. بعد كده هاتي أي نوع فاكهة عندك "فراولة أو تفاح" وقطعيهم إلى شرائح أو قطع الأناناس اللي موجودة عندك والكريز وزوقي سطح التورتة بالشكل اللي إنتِ بتحبيه، بعد كده حطيها في التلاجة لمدة نص ساعة.

http://www.althkra.net/pic/ep/ee6.gif
http://www.3z.cc/sml/30/li_music1.gif
عيد حب سعيد
ويارب دايما ايامكم حب وفرحه وسعاده يارب
هابى فلانتين داى
http://www.3z.cc/sml/30/ff131.gif
عاشقه الرومانسية
سندس
http://www.3z.cc/sml/30/073.gif

هدايا روعه ياسندس
بجد تسلم ايدك

اقتباس:

---

المشاركة الأصلية كتبت بواسطة jewel_lowis

هدايا روعه ياسندس
بجد تسلم ايدك

---

نورتى صفحتى يا انجى كل سنة وانتى طيبه
تسلمى لمرورك يا انوج
http://www.m666m.net/vb/uploaded/2268_1188574314.gif

كل سنه وانتى طيبه يا سندس وكل اعضاء مصراوى بخير
توبيك جميل جدا
وافكاره مميزه جدا
الف شكر لمجهودك الجميل
تســــــــــــــــ ايدك ـــــــــــــــــلم

http://up.qatarw.com/get-2-2009-zgkxedjr.gif

ميرسى ليكى يا سندس على الأفكار الحلوه دى.....
وكل سنه وانتى طيبه وفى حب دايما وكل أعضاء المنتدى فى خير وحب...
تسلمى يا قمر على الموضوع...
http://www.boswtol.com/mastaba/images/234/kamar_4.jpg

اقتباس:

---

المشاركة الأصلية كتبت بواسطة MR.Mahmoud

كل سنه وانتى طيبه يا سندس وكل اعضاء مصراوى بخير

---

اقتباس:

---

المشاركة الأصلية كتبت بواسطة MR.Mahmoud

توبيك جميل جدا
وافكاره مميزه جدا
الف شكر لمجهودك الجميل
تســــــــــــــــ ايدك ـــــــــــــــــلم

http://up.qatarw.com/get-2-2009-zgkxedjr.gif

---

وانت طيب يا محمود ميرسى ربنا يخليك
نورت التوبيك يا باشا
تسلم يارب

اقتباس:

---

المشاركة الأصلية كتبت بواسطة Romance Love

ميرسى ليكى يا سندس على الأفكار الحلوه دى.....

وكل سنه وانتى طيبه وفى حب دايما وكل أعضاء المنتدى فى خير وحب...
تسلمى يا قمر على الموضوع...
http://www.boswtol.com/mastaba/images/234/kamar_4.jpg

---

وانتى طيبة يا حبيبه قلبى ميرسى جدا لمرورك العسل ده
نورتى التوبيك بجد

بجد حاجات تجنننننن
وكل عيد حب وانتي اجمل ياسندس
ميرسي ياحبيبي بجد هدايا حلوة اوي

اقتباس:

---

المشاركة الأصلية كتبت بواسطة بحر الحنان

بجد حاجات تجنننننن

وكل عيد حب وانتي اجمل ياسندس

ميرسي ياحبيبي بجد هدايا حلوة اوي

---

انتى اللى تجننى ياقمر
كل سنة وانتى طيبه ياحبيبه قلبى
نورتى التوبيك