افلام واغانى
***********
قدرة ربنا ما لها حدود
الفيروس بيتنقل بين الحدود
وصناع السلاح معندهم ردود
وباب الخير فى وشهم مسدود
*************
فى السيرك بهلوان بيلعب اكروبات
وفى المعامل علما بتربى مكيروبات
يوم بعد يوم حقن بكل المضادات
والخيبة بينالوها لما تحصل الطفرات
************
دبابات وغواصات وطيارات
صواريخ وقنابل وحتى رشاشات
والفيروس من بينهم كلهم عدى وفات
***************
الفيروس امبارح كان زائر للطيور
والانسان ساعات بيركبه الغرور
فيقف مشلول وعاجز ومش منصور
***************
من سنين قالوا عنها اسبانى
وراجعة للمكسيك شكل تانى
والانسان من طبعه انانى
وتايه وسط الافلام و الاغانى
*************
كلمات
م/ عماد الدين محمد عبد المنعم
