و انتوا فاهمينها ازاى ؟؟؟؟؟؟؟؟؟؟؟
السلام عليكم و رحمة الله و بركاته
قصة بتتكرر فى عائلات كتيرة و فى كل وقت لأن الظروف الاقتصادية بقت صعبة جدا و ما بقاش كتير ناس ميسورة خاصة مع الزواج اللى بيشطب على جيوب الأهالى من الطرفين
القصة و ما فيها هى اعتماد الشاب على حديث رسولنا الكريم(اذا جاءكم من ترضون دينه و خلقه فزوجوه) و يدخل الباب بكلمة مش معايا يكفى و الأهل يقولوا احنا بنشترى رجل ،
:( المهر أساسا ما بقاش حد بيدفعه عشان بيشتركوا فى تجهيز الشقة.. تمام .
:(:(الشبكة : دبلة و محبس أصل اللى معايا ما يكفيش : و ماله يابنى ما يجراش حاجة
:(:(:(حفلة خطوبة : الحمد لله على العروسة
:(:(:(:(هدايا أو مواسم (للى بيعترف بيها ): طناش يا معلم ــ أصل انا ما اعرفش
:(:(:(:(:(فى الفرش : اللى هقدر عليه هجيبه : و ماله ياحبيبى ( ده كلام الأم و الأب عاوزين يفرحوا ببنتهم و ما يتقلوش على الشاب كفاية دينه و أخلاقه)
:(:(:(:(:(:(حفل زفاف : مش هعمل أصل الشقة خدت كل فلوسى ـــ بناقصه يابنى الفرح فى القلب
:(:(:(:(:(:(:(و بالتالى مفيش شهر عسل .. منيييييييييين يا حبيبتى انتى عارفة البير و غطاه ـــ خلاص يا حبيبى العسل هنا فى بيتنا و احنا مع بعض
و يعدى يا اخوانا أول اسبوع .. اتنين .. ايه شهر عشان الرجال ما يزعلوش و نلاقى معاملة (................) وحشة جدا قسوة و اهانة و ان كان عاجبك
L-)عارفين ليه لأن اللى بيجى سهل بيروح سهل .. عادى زى ما اتجوزتها اتجوز غيرها (أصل الجوازة ما كلفتهوش حاجة) و مسلسل الغلاسة الزوجية يبدأ ولا أكلها عاجبه ولا نظام البيت ولا لبسها ولا شكلها ، و يروح يشتكى للقريبين منه : صاحبه ، أمه ، أخوه الكبير أو أخته ، و هكذا
:-wهم الرجالة فاكرين الحكاية كدة ؟؟ اشتراها بالرخيص فخلاص مش فارقة معاه؟؟؟
:-$و راح فين الدين اللى دخلت من بابه (أفتؤمنون ببعض الكتاب و تكفرون ببعض) فين المودة و الرحمة؟؟؟؟ فين العهد اللى أخدتوه على نفسكم أمام الله ( و أخذن منكم ميثاقا غليظا) ربنا وصفه بانه غليظ فين ده ؟؟؟
=((=((بجد ده ما يرضيش ربنا ولا يرضى أى حد عاقل
L-)ولما الأهالى يقولوا :أضمن حق بنتى يبقوا بيغالوا فى المهور و الطلبات و الشباب يشتكوا طب ماهو من عمايلكوا..
:-?الرجل فاهمها تساهل يعنى رخص البنت ـــ و الأهل فاهمين ده بيستروا بنتهم طالما هو ابن حلال 8-}
:-/:-/يا ترى انتوا فاهمينها ازاى؟؟؟؟؟؟؟؟؟؟
أنا بسأل لأن صديقة لى حصل لها كل ده و بعد كام شهر اتطلقت عشان ما استحملتش الاهانة ..
و الأدهى لما الزوجة تحمل يبقى لازم تسكت عشان تعيش
ده موال طوييييييييييل
هكرر السؤال تانى
:-/:-/انتوا فاهمينها ازاى؟؟؟
>:D<فى انتظار آراءكم.. تقبلوا احترامى>:D<
