يا رب استرها ... موضوع مهم ...شاركوني....

بسم الله الرحمن الرحيم

حاجات غريبه

النهرده يا جماعه ..

حديد التسليح بقي 6600 جنيه مصري وقبضو علي سته تجار يقومون بتخزين الحديد

احمد عز معاه حصانه ومحدش عارف يكلمه ..

العيش بقي اشتراك شهري يعني كل مواطن يقوم يدفع خمسه جنيه كل شهر ويأخد بخمسه وسبعون قرش كل يوم يعني 15 رغيف والناس بتموت بعض علي الطوابين

في القليوبيه 2موتو بعض علي الطابور و7 مصابين

القمح قفلو البيع والشراء وعملوله تسعيره وبسبب كده سعر الاراضي ولع يعني عندنا فدان الارض الزراعي بدل مكان بــ75الف جنيه زاد 100000 الف جنيه من حوالي شهر

وبالتالي سعر بيع السماد الزراعي تضاعفت اسعاره ..

والنهارده البنزين مش موجود في البنزينات لا 80 ولا حتي 90 ونسأل الناس اللي هما اصحاب البنزينه بيقولو ان الحصص بتاعه البنزين بتاعتهم قلت الي النصف وده معناه ان البنزين هيرفع

وسعر بيع برميل البترول وصل الي 122 دولار امريكي .. الول مره سعره يوصل الي هذا السعر ..

وتخيلو معايا ان اتر البترول الخام بيطع منه 30% بنزين و 30% والباقي بيطع زفت وهباب قطران ..

يعني لو حسبنا سعر اللتر البنزين اللي الحكومه بتدعمه هيكون بحوالي 10 جنيه مصري ..

الدهب وصل سعره الي 150 جنيه مصري للجرتم الواحد وتدخل اي بيت اهل العروسه يقلولك احنا عوزين مش اقل من ربع كيلو دهب

ندخل ي السلع الغذائيه ..

كيلو الحمه وصل سعره في القاهره ال 50 جنيه في احد الناطق ..

وكيلو الفراخ البيضاء وصل سعره الي 17 جنيه ..

والزيت بقي 17 جنيه ..

وفكرين زمان كان فيه عيش فينو اسمه كيزر يعني فينو صغنون زمان كان 20 رغيف فينو كيزر بــ1 جنيه مصري دلوقتي 7 ارغفه من العيش الفينو الكيزر بـــ1 جنيه ..

كيلو السكر بقي 3 جنيه ..

وتقول الحكومه فين تقولي الحكومه بتكرم المنتخب الوطني كل يوم وعصام هرب وعصام جه تاني ..

عماله تقولي حقوق المرأه وحقوق الطفل ..

عماله تقولي المرأه بقت مره قاضي ومره مأزون شرعي ..

عماله تعمل اعلانات للضرائب ومتتهربوش منها ..

عماله تقولي الموظفين ميعملوش اضراب كده عيب ..

عماله تفرض ضرائب علي الشقق اللي هما وزعوها للناس محدودين الدخل ..

وتسأل الريس فين يقولولك الريس راح مشوار يحل مخالفات بين الريس الفلاني ومراته ..

وتقولي رأيس الوزراء فين يقلولك الوزير راح مشوار لحد اليساحل الشمالي يفتتح معرض هناك بتاح حلاوه ..

وفي الصعيد بعد موزعو الاراضي علي الفالحين الذين كانو لا يمتلكون اي شيء والفالحين باعو اللي وراهم وقادامهم علشان يعمروا الاراضي جيين دلوقتي يخدو منهم الاراضي علشان يعملو مطار ..

وتيجي تسمع النشره بتاعه الساعه تسعه يقولك المزيع ان الامن مستتب وكل شي زي العسل ..

يا تري العيب فينا ولا العيب في الحكومه ..

يا تري الاسعار هتفضل ترتفع لحد مالناس تقوم علي الحكومه وتعمل انقلاب وكل واحد يروح لحاله ..

ولا الناس هتقفل علي نفسهم بيوتهم لحد ميموتوا من الجوع ولا ايه الحكايه ..

كان معكم magman من موقع الحدث masrawycafe

اللهم اني بلغت اللهم فشهد ..

فما رأيكم ...

اقتباس:

---

كيلو الحمه وصل سعره في القاهره ال 50 جنيه في احد الناطق ..

---

لا حول ولا قوة الا بالله

<< لا تعليق >>

اقولك الاصعب .. :|

اقتباس:

---

الدهب وصل سعره الي 150 جنيه مصري

---

الدهب يوم الجمعه كان 148 .. السبت 149 .. الاحد 150 . و من يوم الاتنين الدهب 151

يعنى كل يوم بيزيد ..

اقتباس:

---

وفكرين زمان كان فيه عيش فينو اسمه كيزر يعني فينو صغنون زمان كان 20 رغيف فينو كيزر بــ1 جنيه مصري دلوقتي 7 ارغفه من العيش الفينو الكيزر بـــ1 جنيه ..

---

انت هتهزر ولا ايه .. الاربع ارغفه بجنيه مصرى مش السبعه ..

. . . . . . .


بجد بجد بجد بجد

الواحد مش عارف يقول ايه .. !!

طب قول ان فى ناس تقدر تعيش و تكمل الشهر على خير ..

امال الناس الفقيره اللى هى اصلا كان كل حلمها رغيف عيش و طبق فوول

تعمل ايه ؟؟

و يقولك فى شغل و الشباب هى اللى (( بتستهبل و مش عاجبها ))

ال مش عاجبها ال ..


والله الواحد بيسمع الكلام دا و بيحس بكل امراض الدنيا عنده ..


اما بقى عن الحديد ..


طبعا دا ناتج عنه بلوة ..


عارف يعنى ايه شاب يروح يشترى شقه 80 متر يقولوه 250 الف جنيه .. ؟؟ !!


حااااااااااااااااجه تخنق بجد ..

و على رايك بيكرمو المنتخب و يدو ل 11 لعيب قد كدا ..


و فى ناس مش لاقيه عيش حاف ..


ربنا يستر على رايك :-$

عندك حق والله يا
ورقة
الواحد يسيب البلدى احسنله

مش عارف ارد عليكم اقول ايه ....

نلتقي بعد فاصل ..

لما احضر كلام اقوله ..

شكرا لتفاعلكم ...

الحمد لله اولاً علي كل حاجة
بس يا ابني لو كل واحد في مكانه يراعي ربنا مش ها يبقي في كل ده
والموضوع اللي انت بتتكلم فيه ده مش عايز ردود عليه.........ده عايز مواضع تترد عليه
بس اللي اقدر اقوله
حسبي الله ونعم الوكيل في كل واحد بيسرق ولو حاجة صغيرة من الشعب الطيب الغلبان ده
تسلم يا معلم

اقتباس:

---

المشاركة الأصلية كتبت بواسطة magman

بسم الله الرحمن الرحيم

حاجات غريبه

النهرده يا جماعه ..

حديد التسليح بقي 6600 جنيه مصري وقبضو علي سته تجار يقومون بتخزين الحديد

احمد عز معاه حصانه ومحدش عارف يكلمه ..

---

يا محمد سعر الحديد دلوقتي مش مشكلة المشكلة دلوقتي زي ما انت قولت تجار الحديد بيشلوه ومفيش حد عايز يبيع...
النهاردة سمعت خبر ان في سبع تجار اتسجنوا بسبب الموضوع ده
وسايبين التاجر الكبير :^O
وكمان مشكلة المصالح الحكومية دلوقتي محدش راضي ياخد اي مناقصة!!
وعندنا واحد ممكن تكون انت سمعت عنه كان واخد مناقصة لبناء مستشفي من الحكومة بعد اسعار الحديد الحاليه الراجل جاتله جلطه ومات!

اقتباس:

---

المشاركة الأصلية كتبت بواسطة magman

العيش بقي اشتراك شهري يعني كل مواطن يقوم يدفع خمسه جنيه كل شهر ويأخد بخمسه وسبعون قرش كل يوم يعني 15 رغيف والناس بتموت بعض علي الطوابين

في القليوبيه 2موتو بعض علي الطابور و7 مصابين

---

يبني هما يستاهوا !! هما لسه حد معاه فلوس يشتري عيش!:D

كمان انا عايز اوضح نقطه ...
العيش المفروض بياجي لحد البيت علشان كده بندفع اشتراك 5 جنيه! دلوقتي انت بتروح وتقف بردو في الطابور علشان تسلم العيش وياريته يتاكل في الآخر بيبقي استغفر الله العظيم...

اقتباس:

---

المشاركة الأصلية كتبت بواسطة magman

النهارده البنزين مش موجود في البنزينات لا 80 ولا حتي 90 ونسأل الناس اللي هما اصحاب البنزينه بيقولو ان الحصص بتاعه البنزين بتاعتهم قلت الي النصف وده معناه ان البنزين هيرفع

وسعر بيع برميل البترول وصل الي 122 دولار امريكي .. الول مره سعره يوصل الي هذا السعر ..

وتخيلو معايا ان اتر البترول الخام بيطع منه 30% بنزين و 30% والباقي بيطع زفت وهباب قطران ..

يعني لو حسبنا سعر اللتر البنزين اللي الحكومه بتدعمه هيكون بحوالي 10 جنيه مصري ..

---

فعلاً غريبه دي
انا النهاردة كنت في القاهرة لاحظت ضغط جامد على البنزينه فكنت قاعد في كفتريا فبسئل الراجل بيقولي علشان البنزين هيرفع الناس بتمون..
شعب غريب فعلاً هيملي الـتانك قبل ما العرض يخلص :-SS
... الموضوع ده هيكون ليه وقته لما يغلي ان شاء الله في القريب العاجل...

اقتباس:

---

المشاركة الأصلية كتبت بواسطة magman

الدهب وصل سعره الي 150 جنيه مصري للجرتم الواحد وتدخل اي بيت اهل العروسه يقلولك احنا عوزين مش اقل من ربع كيلو دهب

---

انا بالنسبة لموضوع الدهب ده حاسس ان العيب بيكون مننا ..
يعني اللى عطى للدهب أكتر من حقه هو اهل العروسة مثلاً..
ربنا يهدي ويكون في عون الناس اللى هتتجوز..
أنا من رأيي ان الناس بعد كده تتعامل بملغ معين متفق عليه بين الطرفين مش دهب وكلام فاضي
او مبلغ معين للدهب مش وزن يعني العرف يقول هشتري بكذا دهب مش قد كذا...

اقتباس:

---

المشاركة الأصلية كتبت بواسطة magman

ندخل ي السلع الغذائيه ..

---

اقتباس:

---

المشاركة الأصلية كتبت بواسطة magman

كيلو الحمه وصل سعره في القاهره ال 50 جنيه في احد الناطق ..

وكيلو الفراخ البيضاء وصل سعره الي 17 جنيه ..

والزيت بقي 17 جنيه ..

وفكرين زمان كان فيه عيش فينو اسمه كيزر يعني فينو صغنون زمان كان 20 رغيف فينو كيزر بــ1 جنيه مصري دلوقتي 7 ارغفه من العيش الفينو الكيزر بـــ1 جنيه ..

كيلو السكر بقي 3 جنيه ...

---

يا محمد انا هقولك على نكته بالنسبة للأكل ده ..

كان في مرة في صياد..
اصطاد سمكه الراجل شكر وحمد ربه على الرزق اللى جاله ..
خد السمكة وروح البيت بيديها لمراته قالها اقلينا السمكة دي
قالتله منين الزيت بـ15 جنيه ومفيش زيت

قالها خلاص اشويها

قالتله الرده دلوقتي بـ4 جنيه ومش موجوده

المهم الراجل بص للسمكة كده وصعبة عليه رجعها البحر

السمكة قالت تـحيا مـصر ..

...

شكراً MagMan علي الموضوع الجميل ده كالعادة...

ومنتظر رد باقي الأعضاء الغلابة :)

عارف يا ماجمان .. انا ردي حيكون مختلف شويتين
أحسن فينــا .. لإننــا شعب أتعود علي كدا .. لإننــا خلاص مبقناش زي زمان
(كلامي مفهوم طبعا)
كل اللي بنعمله .. كلام و كله كلام

يجي مرشح في الانتخابات .. و يقول و يعيد و كله ينتخبة .. مش مهم بقي بيكسب إزاي
بس الناس بينتخبوه .. بفلوس .. برغبتهم .. خلاص هما اتعودوا علي كدا

الشاب فينا دلوقتي .. مش حاسس بحاجة .. و لو حس باللي بيجري
هيهرب في حضن والديه .. إن للأسف مبقاش فيه رجالة بمعني رجالة

زمان الشعب كان بينحط في الصخر .. دلوقتي الشعب بينحط علي النت
أنا لو كنت مسؤول عن جماعة كل ما أعمل فيهم حاجة يتكلموا و بس
و ما بيعملوش حاجة .. و الله قسم مني قدامك لأزود اللي بأعمله
ما هو خلاص مفيش حد بقي بيقولي (بتعمل ايه)

:: طبعا كلامي مفهوم أوي و ربنا يستر علينا كلنا بموضوعك اللي حيجبنا ورا الشمس ::
:-SS

الله يكون في عون الناس فعلا
وكأنك بتوصف الحال عندنا كمان
هو حالة غلاء عالمية مش في بلد واحد بس
لكن في دول معدل الدخل عندها عالي ممكن تتحمل موجة الغلاء الفظيعه الحالية

وفي دول بتدعم الشعب لسد الفرق في الغلاء
انما نحنا وانتم في الهوا سوا والحال من بعضه
عذرا لتدخلي لكن فعلا هو موضوع مؤلم جدا وبنعاني منه متلكم تماما

اقتباس:

---

المشاركة الأصلية كتبت بواسطة ورقه

اقولك الاصعب .. :|

الدهب يوم الجمعه كان 148 .. السبت 149 .. الاحد 150 . و من يوم الاتنين الدهب 151

يعنى كل يوم بيزيد ..

---

انت متابعه يعني ...

ربنا يعافينا ...

اقتباس:

---

المشاركة الأصلية كتبت بواسطة ورقه

انت هتهزر ولا ايه .. الاربع ارغفه بجنيه مصرى مش السبعه ..

---

الحمد لله ان السبعه عندنا بجنيه ...
. . . . . . .

اقتباس:

---

المشاركة الأصلية كتبت بواسطة ورقه

طب قول ان فى ناس تقدر تعيش و تكمل الشهر على خير ..

امال الناس الفقيره اللى هى اصلا كان كل حلمها رغيف عيش و طبق فوول

تعمل ايه ؟؟

والله الواحد بيسمع الكلام دا و بيحس بكل امراض الدنيا عنده ..

---

ده يروح يموت نفسه احسن ..

ربنا معانا ...

اقتباس:

---

المشاركة الأصلية كتبت بواسطة ورقه

اما بقى عن الحديد ..

طبعا دا ناتج عنه بلوة ..

عارف يعنى ايه شاب يروح يشترى شقه 80 متر يقولوه 250 الف جنيه .. ؟؟ !!

حااااااااااااااااجه تخنق بجد ..

و على رايك بيكرمو المنتخب و يدو ل 11 لعيب قد كدا ..

و فى ناس مش لاقيه عيش حاف ..

ربنا يستر على رايك :-$

---

الله معانا ..

مرسي ليكي ورقه علي كلامك الجميل وتفاعلك معانا ...