السلام عليكم
ازيكم يا جماعة
حبيت اتكلم معاكم ف موضوع
ليه الناس كلها بقت بتخدع وبتغش ؟؟
يعني مثلا لما نلاقي موضوع عن الصلاة
تلاقي الكل نفس الرد
وبيقول انا بصلي الحمد لله وكل صلاة بميعادها
وبمواعيدها كمان ؟؟ يا راجل
في ناس كتير اوي مش بتصلي
طب ليه ميقولوش ان هما مش بيصلوا
يمكن يسمع كلام من حد وربنا يهديه ويصلي
ليه بقينا اسلام بلا مسلمين ؟؟
ليه منحاولش نقرب من ربنا ؟؟
وهنبقى اسعد ناس ف الدنيا
ده مثال
نقول
مثال تاني..
لما يكون في توبيكـ عن الميك اب و حاجات التجميل
تلاقي اي بنت تدخل تقول انا الحمد لله ع طبيعتي و مش بحط حاجة
مع اني عارفة اني في منهم مش بيحطوا حاجة بجد
انا بتكلم ع الناس التانية
وفيها ايه لو تقولي اه انا بحط ميك اب
هو حاجة وحشة ؟؟
ولا هتفتكري ان الناس هتقول البنت دي شكلها وحش وبتحط ميك اب عشان تبقى حلوة
ولا عشان يقولوا عليكي بنت محترمة يعني ؟؟
طب ومين قال ان اللي بتحط ميك اب مش محترمة
ليه الناس بتحكم ع الواحد من مظهره
و احنا عارفين ان المظاهر بتخدع
طب وليه الانانية بقت موجودة
حتى الحب بقى كله كلام بس
و نادر ما تلاقي حد بيحبك بجد
طب ليه ؟؟
وليه الناس بتتغير ؟؟
ليه كل واحد عايز يعرف التاني عشان مصلحته بس
وفي امثلة تانية كتير
واهو كل واحد عارف نفسه بقى
ليه الناس بتكدب وبتغش وبتخدع ؟؟
ليه مش بنتكلم بصراحة ؟؟
ليه الواحد ميبقاش عنده شخصية ويقول رأيه بصراحة ؟؟
ليه لازم نكدب ؟؟
عشان بنقول يعني يللا هو نت .. في حد شايف حاجة
طب مع نفسكـ ؟؟
برضو بتكدب ع نفسك ؟؟
شايف نفسكـ انك كده احسن واحد ف الدنيا ؟؟
راضي عن نفسك ؟؟
راضي عن كل حاجة بتعملها ؟؟
واسئلة كتيييير
هنلاقي اجابة ليها ولا ؟؟
مش هقول غير بس ربنا يهدينا كلنا يااااااارب
ويارب الموضوع يعجبكم و ما اكونش طولت عليكم
