ده حب ولا اعجاب ولا تعود؟

لو في شخص بيحبك اوي بس مش عارف يقول انه بيحبك
لانك عايش حياتك مع حد تاني مايستهلكش
وفضل 3 سنين مستني فرصه عشان يعترف بحبه
رغم انه كان باين من عنيه بس انت ممكن نقول كنت اعمى بحب حد تاني
المهم اعترف بحبه ليك
ولما سألت اصحابك قالولك انه كويس وشخص يعتمد عليه ومش خاين
لكن عيبه ان مشاعره مش للعرض
يعني لو حس بحاجه مش بيحب حد يحس بيها
كتوم يعني
انا بقى خارجه من قصه قديمه وعايزه انساها
وخايفه ادخل في القصه الجدبده دي واظلم الشخص ده معايا
ومش عارفه انا بحبه ولا معجبه بكلام الناس عنه ولا اتعودت على وجوده في حياتي؟
مش عارفه؟؟؟
بس انا حاسه اني بحب وجوده .... بحب كلامه واسلوبه
اما الحب اللي هو دق القلب والسهر والجو ده
انا نسيته
يعني لو حبيت مش هاحب اوي للدرجه اللي كنت بحب بيها قبل كدا
فأنا بقى مش عارفه اتصرف
ياريت حد يرد عليا عشان انا خلاص هاتجنن من الموضوع ده ومش عارفه

بس انا دلوقتي في بيني وبين الشخص ده كلام عادي يعني
هو قالي بحبك وانا سكتت
وقولتلوا خليني افكر في الموضوع لاني مش عايزه اظلمك
ساعدوني بقى

الاعجاب

هو لما تنجذب او تعجب بصفات معينه فى شخص تعرفه وبتتعامل معاه او حتى بتشوفه من بعيد
ممكن تعجبك طريقه كلامه او طريقه تفكيره او خفه دمه او نظرته لمستقبله اولشخصيته الممتازه وبالتالى بتشوف الكثير من مميزاته فبيحصل انك شعور قوى بالاعجاب بيه لدرجه ممكن تخليك تخلط بين هذا الاعجاب وبين الحب
ولكن اللى لازم نعرفه ان الاعجاب ده يجب ان يكون مرحله من مراحل الحب الحقيقى
والعجاب ممكن يكون فى حياتنا العامه يعنى ممكن ان نعجب بشخصيه معروفه فى المجتمع وبالتالى ممكن ان نعجب باكثر من شخص فى وقت واحد
واحيانا يتوهم الشخص عندما يحس بشعور الاعجاب تجاه شخص اخر ويظل يهتم بهذا الشعور حتى تصل لمرحله انك تتخيل شى وهمى فى عقلك وتتخذ بناء عنه خطوه مش فى فمكانها

الحب الحقيقى

اجمل احساس ممكن تحسه او تعيشه فى حياتك وهو عباره عن شعور بتحسه ناحيه شخص معين ومتعرفش ايه السبب لانها غريزه وضعها الخالق فى قلوبتاوبتقدر انك تعبر عنها فى حرفين بس هم ح ب
وعشان تتاكد ان حبك ده حب حقيقى مش مجرد اعجاب وخلاص لازم تمر بجميع مراحل الحب الطبيعيه
اولا الانجذاب العاطفى
ان انت مجرد انك تحس انك منجذب للشخص ده وحاسس انك بتهتم بيه وبتهتم تعرف اخباره اكتر من اى حد تانى


يارب ياقمر اكون قدرت اوصلك
شىءو لو حتى ضغير
اتنمالك الخير و حياة سعيدة
شيرين

اولا عوداً حميداً هبه اتش لمصرواي يارب تكوني بخير وتكوني وفقتي فى الأمتحانات
اما بخصوص سؤالك حابب اقول ردي بس انا عارف ردي ممكن يكون قاسي شوية ومايعجبكيش لا أنتي ولا اي حد بيحلل الامر بذكر الله فيه.
وعشان كده انا هسكت وامري الى الله
المهم عوداً حميدا مرة تانية ويارب ماتغيبي تاني
دمتي بحفظ الله ورعايته
مع تحياتي /
مــــحــــمد

السلام عليكم

ازيك يا هبة انا ممكن اقول راى

انتى قولتى انك مانستيش الاولانى يبقى ماينفعش تشغلى بالك بحد تانى غير لما تنسى الاولانى علشان متظليموهوش معاكى انتى ممكن تفتكرى نفسك بتحبية وانتى ممكن تكونى بتنسى بية حد تانى انتى فهمية كدة وبعدين هو باين انو بيحبك اوى وانتى مش ناوية تحبى اوى تانى فكرى ياهوبا

سورى لو ردى زعلك

ميرسي ياجماعه على الردود
وشكراً ليكم جداً


وميرسي يامحمد على سؤالك بس كان نفسي اسمع ردك

بس انا عرفت هو ايه
واحترمته وهاعمل بيه
شكراً بجد

اختى الكريمة يجب قبل ان تفكرى مجرد التفكير فى الارتباط ان تتخلصى من العقدة الاولى او الحب الاول لكى ينبض قلبك بمشاعر صادقة الى الانسان الذى يريد الارتباط بكى لاءن من الظلم ان ترتبطى بشخص وفى قلبك حنين الى الماضى والله المستعان اتمنى من الله ان يصلح حالك ويهديكى الى الصواب

ميرسي بجد ليك ياسمير
شكراً لمرورك:)

الحب شيئ لا غرادي ينتاب القلب والمشاعر بمعنى لما بحب شخص مشاعري هي اللي بتاخدني إليه ومش بتسيب نقطة للقرار أحبه ولا ما احبوش النقطه دي لما يدخل فيها القرار بيكون للعقل فيها أسرار يعني من الآخر بيكون هوى في النفس بمعنى انا بحبه عشان اخلاقه أو عشان انسان كويس أو عشان متدين أو عشان ممكن يتزوجني ديما الحب الحقيقي بياخدك من عالم في قاع المحيط غلى عالم في أعلى قمم الجبال وهو احساس مش بالتعريف ولا بالكلام هو احساس يعني بيتحس بس لغة الكلام مالهاش دور فيه زي ما قال مصطفى صادق الرافعي في حديث القمر في تعريف الحب الحقيقي
من أحب ورأى حبيبته من فرط إجلاله إياه أحس بها كأنها خيال ملك يتمثل له في حلم من أحلام الجنه ورأى في عينيها صفاء الشريعة السماوية وفي خديها توقد الفكر الألهي العظيم وعلى شفتيها إحمرار الشفق الذي يخيل دائما للعاشق أن شمس روحه تكاد تمسي ورآها في جملة الجمال تمثال للفن الألهي الخالد الذي يدرس بالفكر والتأمل لا بالحس ولاتلمس فأطاعها كإنها إرادتع واستند إليها كأنها قوته وعاش بها كأنها روحه فذلك الذي يشعر بحقيقة الحب ويفهم معناه السماوي وهي والذي يقول لك صادقا مصدوقا إن كل لفظة من لغة الطبيعة في تفسير معنى الحب.

تقبلي تحياتي ولك خالص ودي وتقديري واحترامي
إكرام مجاور

ميرسي يااكرم
مرورك اسعدني جداً:)

انا مش عارفة اقولك ايه بس جربى بس نصيحة متديهوش كل حبك الا لما تتأكدى من حبه فعلا