صديقتى ولكن لستى حبيبتى !!!!!!!!! ادخلو وشاركو برأيكم
http://www.laro7ak.com/userfiles/friendship.jpg
السلام عليكم ورحمه الله وبركاته ،
انا عامل الموضوع انهارده وهو بيتكلم عن الصداقه واختلاطها بالحب ....... انا بصراحه مش شايف اى علاقه بين الصداقه والحب
لما اقول انتى صديقتى معنى كده ان احنا نساعد بعض فى كل الاحوال فرح او حزن ، ضيق او فرج ....... واحنا بنساعد بعض من منطق ان احنا خوات
بس دلوقتى خلاص ...... معنى كلمه انى مصاحب بنت ::
يعنى ماشيين مع بعض وما بعملش حاجه غير انى اتغزل فى جمالها :D
ونمشى مع بعض وخلاص ..... ولما يتسأل مين دى ؟؟ يقولك دى صديقتى
او يقولك الجيرل فريند بتاعتى (( خلاص الواد بقا اوروبى ))
هو ممكن الصداقه تتحول الى حب ؟؟؟؟
حقولك مش فى كل الاوقات ..... بس ممكن
لكن مجيش انا معجب بيها من الاول واقولها خلينا اصدقاء وابقى معاها تحت اسم الصداقه وانا بحبها من الاول لا مش كدة خالص
هى الصداقه ممكن تتحول الى الحب احيانا ..... لكن مش كتير
( انا بتكلم عن الصداقه النابعه من القلب ... مش الصداقه بدافع الاعجاب )
بس للاسف دلوقتى ..... الولد بقا يخلط الصداقه بالحب
والبنت تخلط الصداقه بالحب ..... انا مش بقول كله بس الاغليبه العظمى دلوقتى بيعملو كده
مش معنى انى بساعدك فى كل الاوقات تحت اى ظرف وبقف معاكى فى فرح او حزنك وبتلاقينى جمبك فى اى وقت تحتاجى حد فيه .... كل دة مش معناه انى بحبك ......
اه بحبك بس بحبك حب الصداقه او بحبك زى اختى
مش بحبك زى حبيبتى او انتى حب حياتى مثلا
___________________________________
اتمنى انى اكون وصلت وجهه نظرى ليكم .... وياريت تقولو رأيكم
وعاوز اشوف تفاعل بقا :(
عاوز اعرف رأيكم :D
