عايز مواضيعك تتقري من اعضاء كتير ؟
عايز مواضيعك تتقري من اعضاء كتير ؟
&
اول حاجه طبعا جمال الكلمات والموضوع بتاعها ودا يرجعلك انت
تاني حاجه شكل الكلام وهو مكتوب .. يعني لازم يكون بحجم معين ويكون ملون بألوان جميله
تالت حاجه لو عايز تحط صور في الموضوع لازم تكون الصور دي بتعبر عن الكلام ده وتكون مرتبه ومحطوطه صح
يعني مش شرط صورة القلب اللي بتتكرر كتير حتي لو الاغنيه حزينه ولا فرحه ودي برضو ترجعلك انت
رابع حاجه بئا ودي مهمه جدا برضو انك تختار اسم للتوبيك يكون مميز يشد الاعضاء
خامس حاجه وهي انك تعمل الحجات اللي فوق دي كلها في التوبيك قبل ما تنزله عشان تضمن ان التوبيك هيكون شكله جميل
&
وفي النهايه بتمني نشوف كلنا شكل جديد للقسم
نشوف المواضيع بئت مرتبه وشكلها يساعد اي حد علي انه يقراها للاخر
بمعني اصح انك تجبر اللي دخل موضوعك علي انه يقراه كله ويتأثر بيه ويرد عليك كمان
يعني لو هنكتب اجابه للسؤال اللي في عنوان التوبيك ده
هتكون الاجابه هي
( راعي جمال التوبيك بتاعك وخلي الاعضاء تلاحظ كل حاجه فيه انت عايزها واهم شئ الاسم المميز )
ياريت كلنا وانا اولكم نستفيد من الكلام ده
واللي عنده اي اقتراحات تانيه بخصوص النقطه دي بالذات ياريت يقولنا عليها
