أخر صيحاااااات النكت , ,,,,
هاااي لكل حد هنا
ده يا جدعان اول توبيك ليا في المنتدي و ياااااارب يعجبكوا
و يكون مش مكرر
أصل لو مكرر هعيط عياط و هزعل زعل
مش هرغي كتير و هنط في الموضوع :
*اتنين مساطيل من الكفار واحد فيهم عطس فقال الحمد لله قام التاني قاله
ايه ده !!!! انت نسيت اننا من الكفار قاله صح استغفر الله العظيم
* قاضي بيقول لحرامي غبي يابني ماتتعبنيش معاك الست صاحبة البيت بتقول انها شافتك و انت بتسرق .. قاله كدابه يا بيه دي كانت نايمه
* واحد جاب جهاز كشف الكذب و هو عبارة عن جهاز اللي لو كذبت يضربك كف ,, قام الراجل جه عند ابنه و قاله انت ليه مش روحت المدرسة ؟ قاله انا كنت في المدرسة يا بابا .. قام الجهاز ضرب الواد كف .. و الراجل قاله ايوة كداب انت كنت في السينما النهاردة و مش روحت المدرسة ..و انا في سنك كنت بطلع الاول علي الصف .. قام الجهاز ضارب الراجل .. و اتضايق و ضرب ابنه .. و مراته سمعت الضرب و قالتله مش حرام عليك تضرب ابنك اللي من لحمك و دمك قام الجهاز ضربها كف
* واحدة بتوصي بنتها تخلي بالها من تصرفات جوزها يعني لما يرجع من الشغل تبصي علي كتفه لو لقيتي شعره صفرة قوليله مين الشقرا اللي كنت معاها .. و لو لقيتي شعرة سمرا قوليله مين ام شعر اسود اللي كنت معاها .. فرجع جوزها من الشغل و قعدت تدور علي كتفه ملقتش شعر .. قالتله لااااااا
الحركات دي مش عليا . مين القرعة اللي كنت معاها
* واحد شايل انبوبه و قال لمراته ادعيلي قالتله روح ربنا يفتحها في وشك
* صعيدي خبطته عربية أخد تعويض 50000 .. وقف قدام القطر و قاله خش عليا يا ابو الملايين
* مذيعة بتسأل صعيدي احمد زويل اخد جايزة نوبل في ايه ؟. قالها في علبة حمرا قطيفة
سلاااااااااامنجا
