ياقلبى فوق بتقول يامين؟
ما راح زمان الطيبين
واللى انته بتنادى عليهم
ما راحو ويا مر السنين
بتقول يامين ومين هيسمع؟
كتر الندا فى القلب يوجع
وياريت دموع كانت بتنفع
دموع تروح وغيرها يرجع
ماقد ايه تعبنا فيها؟
وقد ايه متوهانا؟
وجراحنا ياما بنداريها
وبرده مش راضية بقسانا
دى دنيا مش فارق معاها
تعارضها اْو ماشى معاها
ماالكل ماشى على هواها
واللى يعارضها يدوق قساها
عذابها مر ضحكتها مرة
لما بتضحك علينا مرة
تضحك بكيفها ماهية حرة
وان قلنا لا ترمينا برة
ومعادش فيها حد يواسيك
ولا حد يوم سائل عليك
ومين ده مين يمسح عنيك؟
ده الطيبين دول زادو بيك
