مش ندمانة
http://img163.imageshack.us/img163/1681/oneday.jpg
همشى عن دنياك وقلبك
همشى خلاص وهسيب حياتك
مش لإنى مش بحبك
بس عشان دى رغباتك
واما تفوق من قراراتك
وتلقانى كل حياتك
تصرخ من جواك بأهاتك
وتملا دموع العين نظراتك
تندم على حب فى يوم فاتك
يومها هترجعلى بأشواقك
و تجينى بكل إعتذاراتك
وهتلقانى مش يأسانة
ولا ضعفانة
ولا أنا فى بعدك روحى حزنانة
ومش ندمانة
وهكون أقوى
من أيام كان فيها لقانا
هبعد
وإنتَ على البال مش هتجينى
وهنسى حجات
كانت ليك بين قلبى وبينى
ولما فى أحلامك تنادينى
ومش تلاقينى
وتفضل فاكر حب سنين
شوفته فى عينى
يومها هتندم وهتتألم
وهترجعلى تانى مسلم
وانا راح أقولك
إنسى حبيبى
قلبى فى جرحك ياما إتعلم
16/12/2010
