http://up.masrawycafe.com/upload/ups...8438494325.jpg
يابلد كل ساعه فيكي خناقه وعركه
وتترفع المطاوي والسيوف والسكاكين
واللي بيروح فيها هما الضعفاء المساكين
ويكون السبب شاي المسئولين
اللي عمره ما اتشرب من غير الياسمين
يابلد ياللي ضحكتك مرسومه علي الوشوش
اصبح الحزن في قلوبك مرشوش
من كتر الفساد اللي في كل مكان منفوش
ومن الامراض والسرطانات اجسامنا اصبحت بتبوش
ارحمينا بقي ياحكومه من استيراد كل شئ مغشوش
يابلد بقينا نشوف فيكي كل يوم حريقه
وتاني يوم سفينه او عباره غريقه
وتالت يوم مؤسساتنا فيها نهب وسريقه
وكل يوم تزداد مصيبه فوق مصيبه
وبعد ده كلها عاوزة تشوفي جوانا
المواطنه والانتماء والطيبه
يابلد انتخاباتك كلها تزوير
واللي ناجح فيكي حزب المعلم الكبير
ليه بتحسسونا اننا داقين عصافير
وانتوا مش بتنجحوا الا بالتزوير والجنزير
عاوزين ايه تاني بعد ما وصلتوا بالشعب لحد التسخير
ياحكومه ياللي دماغك عنديه
وصلتنا شكاوي من البنوك السويسريه
من كتر فلوسكم اللي هناك مراميه
ياشعب ياللي ارادتك وعزيمتك بقيت في الحضيض
اطلع من صمتك وسكوتك واصرخ وثور
ارضك فيها خير يوزع عليك ويفيض
ولا انت مستني الفرخه علشان تبيض
بكره هتلاقي واقفلك الغالي
يقولك من غير ضريبه عمرها ما هتبيض
ياسفينه الامان شد حيلك وعدي بينا
سيبنا بلدنا وناسنا واهلينا
علشان ندور علي بلد لكرامتنا تحمينا
ونخرج طاقتنا وقوتنا المدفونه فينا
ولكن يابلدي صورتك
في قلوبنا وعيونا مدفونه فينا
