الناس دول عصافير وطيور
ناس بيبقى جناحها مكسور
وناس بترفرف بتلف وبتدور
وناس بتلاقى جناحها مبتور
ناس مش عارفه تعدى السور
وناس زى الخفاش مش شايفه النور
وناس مش فاهمه كده زى التور
وناس شايفه نفسها ودايما ف غرور
ناس فرحانه ودايما ف سرور
وناس مش مرتاحه عايزه الايام تغور
عصافير وطيور هما الناس كده
ناس بتبوس ايدها وتقول رضا
وناس مهما اخدت بتقول ايه ده؟
وناس مش لاقيه لا عشا ولا غدا
ناس كده ضايعه لابعد......مدى
وناس بتكمل طريقها اللى ابتدى
وناس بتنادى وبيلبولها الندااااا
وناس مبيتسمعش حتى لصوتها صدى
ناس عايشه حياتها دايما ف عدا
وناس مسالمه اوى زى قطر الندى
وناس بتلاقى صوتها فجاه شدى
وناس صوتها رايح وبناس مستنجده
الناس دول حكايه بيرويها الزمان
ناس تخاف منهم وملهمش امان
وناس ممكن عشانك تخش اللومان
وناس منهم تقول امان امان امان
وناس زى الالغاز وفوازير رمضان
وناس نادر ما تلاقيها زى طير السمان
وناس بتكون دايما ف عذاب وحرمان
وناس دايما ملازماها ومصحباها الاحزان
الناس دول انواع عن بعضهم مختلفين
ناس بتحب تدى كتير لناس تانيين
وناس بتحب تاخد طول ما هما عايشين
ناس طول عمرهم بيكونو مهمومين
ناس من غيرسبب دايما لله شاكرين
وناس بتدوس ع النعمه وبيها مش حاسين
ناس عارفين ربنا ودايما منه خايفين
وناس مش شايفه الحلال وف الحرام ماشيين
ناس بتجيب القرش بكفاح وتعب سنين
وناس ف لحظه تلاقى معاهم ملاييييين
ناس ع رغم جهلها تلاقيهم متعلمين
وناس قال متعلمين وهما مش فاهمين
الناس دول بنى ادميييييين وبشر
بيتولدوا وبيموتوا وده كله قدر
ناس متقدرش تطولها زى القمر
وناس تلاقيها قدامك اول ما تقول جذر
ناس دايما ساكته وفجاه تنفجر
وناس كلامها كتير اكتر من المطر
ناس كل اما تكبر تلاقى املها كبر
وناس معندهاش ولا امل ولا حتى عمر
ناس سايبه بلدها ومتعرضه لخطر
وناس متتمناش غير صحه وتتستر
ياريت كل اللى يرد يقول هو مين فيهم (بقلمى)
