بسم الله الرحمن الرحيمدعونى اقول رايى وبكامل الحريه فى عهد الحريه الذى عشنا فيه30 سنه فترة رئاسة السيد الرئيس محمد حسنى مبارك
صلو ع النبى انا هتكلم بس نفسى كل واحد فيكم يفكر ف كلامى كويس وبعدين يقول الحق وبعقل لو سمحتو مش عايزه حد يقول كلام حافظه وبيردده دايما لو اقتنع بكلامى يقول بكل صراحه اسمعونى بقى وافهمونى الاول
فى فسااااااااااااد كبييييييير فى البلد ودى اكتر حاجه الشعب ثاير عليها مفيش شغل لولاد البلد والفقراء كترو جدا والعشوائيه انتشرت وقانون الطوارىء بيضيع شبابنا وفى ناس مش لاقيه تاكل وحاجات كتييييييير مش لازم اذكرها لاننا كلنا عارفينها وكل واحد فينا بياسى من حاجه منها بس احب الفت نظركم لحاجه انتو عارفينها بس مش واخدين بالكم منها كل نظام فى فساد كل بلد فيها بطاله امريكا بقوتها العظمى تقريبا 40% من شباب امريكا مش شغالين فى كل بلد فى ناس مش لاقيه تاكل وفقرا وفى اكتر من اللى عندنا بس احنا عندنا حريه مش عند اى حد وعندنا امن وامان مفتقدينهم انهرده وبقالنا ايام مش فى اى بلد تانيه عندنا سلام وسلم مش بيتوفر لاى حد معانى جميله واهم من اى حاجه حريه وامان وسلام
احنا مصر 80 مليون او اكتر مستحيل يكونو كلهم راضيين بللى هما فيه او كلهم مرتاحين ومستحيل الريس او حتى الحكومه توفرلهم كلهم كل اللى بيطلبوه مع انهم مكلفين انهم يوفرو لكل الشعب مطالبهم يا جماعه افهمو واعقلو الكلام حاجات كتير غلط احنا عايزينها تتغير بس مش هتتغير بين يوم وليله ده ربنا زى ما قالت ناس كتير خلق السموات والارض فى 7 ايام وهو ربنا
مش عايزين الريس ليه عشان فى حاجات عايزينها تتغير ومطالب عايزينها تتحقق سبوه يحاول يغير وهو وحكومته الجديده وعدو نشوف بقى هيحصل ايه ونستنى وادينا عرفنا طريق الشارع محصلتش حاجه نخرج تانى وبشكل شيك مش ببلطجه نتظاهر ونتكلم هما كام شهر والراجل هيمشى وبجد والله مش هتلاقو ريس زيه ولا هنعرف نعيش ف امان وحريه من غيره وبعدين افتكرو كلامى وهنندم ع الراجل العظيم ده
مبارك اللى احنا بنشتم فيه ع القناة الفضائيه اللى بتشتغل بتمويل صهيونى واللى ع طول الخط ضد مصر ونهينه قدام العالم ونقطع ف صوره ونحرقها ده يرضى مين قولوى ايه اللى بتعملوه ده مهما كان الغضب يكون اسلوب الاعتراض باحترام من غير تجريح احنا مصر اخلاقنا متسمحلناش بكده وده ريسنا يعنى ابونا اللى حارب عشانا ومكنش عارف انه هيرجع اللى عمل حاجات كتير عشان مش اول ما يغلط نعلقله حبل المشنقه ده يكفيه شرفا انه مهربش بره وساب البلد تخرب اللى يغلط نحاسبه ونعاتبه بس منرمهوش ع الارض ونشتمه ونهينه عشان لما نهينا ريسنا وابونا وولى امرنا يبقى بنهين نفسنا لما تهين مصرى يبقى بتهين مصر وانت مش بتهين مصرى وبس انت بتهين الرئيس المصرى حرام عليكم وتقولو حريه ده على راى واحده ست عجوزه كبيره سمعتها بتتكلم وبتبكى ع التليفزيون بتقول دى مش حريه ده عدم تربيه وصدقت فيما قالت
حاجه اخيره هما كلهم كام شهر استنو وشوفو هيحصل وفى النهايه تحيا مصر
والله العظيم دون نفاق ولا رياء بحبك يا ريس
