اية اللى نفسك تغيره فى مصر ؟

السلام عليكم ورحمة الله وبركاته

اكيد كل واحد مننا نفسه يشوف مصر بشكل معين وفي ظواهر وعادات كتير نفسنا تتغير
والتغيير ده ان شاء الله هيبدأ بينا كلنا
وان شاء الله متفائل ان مصر .. هتبقي زي ما تستاهل ان شاء الله
وان شاء الله هنتغير .. للأحسن
..

اية اللى نفسكم تغيروه في مصر ؟ واللى انت تحلم تشوفه في مصر الفترة اللى جايه دي ؟


منتظر ردكم ..

شخصياً ..

نفسي كرامة المصري ترجع ... و الرشاوي والكلام ده كله يتلغي
نفسي ظابط الشرطه يحترم الناس .. وتتلغي اي حاجة اسمها واسطة
نفسي في حاجات كتير اوي .. ان شاء الله هنشوفها فى مصر

اكتر حاجه نفسى تتغير هى الناس (الضميييييييييييييييييييي� � )ده اللى نفسى فعلا يتغير عايز كل مصرى يا ريت كل الناس فى ارجاء العالم تحكم ضميرها صح تتعامل مع بعض زى ( عامل الناس بما تحب ان يعاملوك به صدقنى مش هيبقى فيه فساد او رشوه او سرقه او اكل مال اليتامى او الاستيلاء على ارض الدوله او اى شىء بدون وجه حق صدقنى هنكون احسن ناس فى العالم وربنا سبحانه وتعالى بيقول
(وان تصيبهم سيئه بما كسبت ايديهم ) الايه دى معناها ان اللى بيعمل حاجه وحشه بتتردله وربنا ما بينساش وربنا يستر
(الضميييييييييييييييييييي� �يييييييييييييييييييييييي� �يييييييير )

انا نفسى اشوف مصر متقدمة على كل الدول عن طريق السيطرة الكاملة على المحسوبيى والرشاوى والفساد وتطبيق قانون بعقوبة الاشغال الشاقة المؤبدة على كل من يتقاضى رشوة اوهديةعلى سبيل الرشوةوان يكون هناك عدالة فى الخل بحيث نكفل الفقراء امثالنا وامعدمين والقضاء على ظاهرة اطفال الشوارع

القضاءعلى .........الفساد...الرشاوى............ الذل........الوساطة...........البط� �لة............الفقر...........السرقة ...........وحاجات تانية اكيداناناسيهادى الوقت ونفسى فى عودة الكرامة والشهامة والأخلاق والدورالمصرى القوى فى المنطقة العربية بلم الشمل وفك الحصارعن اهلنابغزة ومساعدتهم ويجب ان تخاف مننا هذة القذرة المسماة بالكيان الصهيونى ونفسى نزرع ارضناقمح وأرزوقطن ونصدرالفائض للدول العربية ونوقف تصديرالغازلهذاالكيان الصهيونى ونزرع الصحراءالغربية كماسمعت من احدعلمائنافى برنامج مع عمروأديب بوجدودالمياة الجوفية بكثافة هناك نفس اشوف مصرأحسن بلدفى الدنيا

تبقى زى دول الخليج الي معاه يساعد الي مش معاه والفقير ياخد مرتب والامن يكون تمام ونبطل نسرق بعض ونستغل الضروف وكفايه لحد كده خلينا نشوف شغلنا بقى

علشان مصر تتغير لازم حاجات كتير تتغير فى شعبها لقد استحسن الشعب الحريه لكن الحريه مسئوليتها كتير لازم كل واحد يعرف اللى عليه قبل ما يدور على اللى ليه لازم نهتم بالنظافه ليه الشباب زى مقام ينظف ميدان التحرير كل واحد ينظف اما بيته و شارعه و يشجع الاخرين على ذلك لازم نتعلم النظام مش حد يفضل ماسكلنا عصا لازم نتعلم الاحترام للكبير تلاقى مثلا طفل صغير راكب المترو و رجل كبير واقف جنبه و هو عامل انه مش شايفه لازم نشتغل بجد كان نفسى ان الناس اللى طلعت تعمل مضاهرات بعد الثورة تطلع تقول حنقف جنب مصر و هنشتغل اكتر بس حقنا ميضعش لازم نبطل معلش . هى جت عليا . يعم كبر ..... و حجات كتير من كده بس بجد المسئولين عن أدارة شئون البلاد تعرف تحترم الشعب و توفرله حياه كريمه و اللى يعرف ان ليه حق يطالب بيه

1 نفسي الانسان المصري يكون له احترام في جميع انحاء العالم ودي مهمة وزارة الخارجية 2 الشعب المصري يحترم جميع القوانين وعدم فعل اي شيء مخالفات و الرشاوي والوسائط والمحسوبية وكل فرد له حق يأخذه 3 اي فرد يدخل اي مكان ان كان حكومة او مكان خاص يكون له احترامة وتقديم المساعدة بدون اي مقابل 4 نفسي نكون دولة محترمة ونظيفة وجميلة امام جميع العالم وده بايدينا وان شاء الله ربنا يوفقنا

بسم الله الرحمن الرحيم
السلام عليكم ورحمة الله وبركاته
بصراحة أنا نفسي في ثلاثة أشياء وهي أهم المطالب في هذه المرحلة بالذات
1- أن يكون جميع الناس على السواء في كافة الحقوق والواجبات وبالطبع أمام القانون وفي فرص العمل وفي مستوى المعيشة وفي كافة الفرص المتاحة على مختلف المستويات.
2- زيادة المرتبات بما يحقق حياة كريمة للفرد والأسرة داخل المجتمع وأن ينتهي هذا الاستبداد لطائفة معينة المتمثل في مرتبات خيالية وأخرى معدومة.
3- أن يكون تحصيل الضراب بما يسمى الضريبة التصاعدية، أي أن الدخل يدفع ضريبة أقل وأصحاب المليارات يدفعوا ضراب أكثر، وليس هذا حقداً ولا حسداً وإنما تحقيقاً للعدالة والمساواة، حتى نأخذ من الغني ونعطي الفقير فيتساوى المجتمع في الأخذ والعطاء، وألا يعترض أحد على صعوبة تحقيق ذلك فقد رأينا أكثر الكبار وأصحاب المليارات لا يقدمون أي إقرارات للذمة الملية أصلاً

ونفسي أكثر في زيادة الحب والتسامح بين المصريين على مختلف المستويات
والسلام عليكم ورحمة الله وبركاته.>:D<

نفسي مصر تكون أحسن من قبل، ولازم نعرف إن بلدنا لسه قايمة من مرض شديد وهي في فترة النقاهة الآن وحالتها حتكون أحسن بينا لما نخلي بالنا منها ونحطها في عينينا ونسندها ونساعدها علشان تقوم. لكن دا يكون ازاي؟ أكيد كل واحد عنده أفكار وكل واحد كان بيشوف حاجة غلط كان بيقول المفروض كان يبقى كذا وكذا، علشان كدا أفكارنا مجتمعة حتكون جميلة لو نقدر نحققها، بس إذا اختلفنا نعرف إن رأي الأغلبية هو الأصح والأقلية لازم ترحب برأي الأغلبية.
وأنا حاخد مثال لحاجات كانت ولازالت نفسي أصلحها ، الأولى للبلد والتانية علشان خاطر البلد، وحكتفي بس بيهم وغيري يكمل.
الأولى للبلد وهي إصلاح نظام المرور، وأغلبنا عارف الصح لكن مش بيطبقة أو عاوز كل الناس تطبقه ماعدا هو، ياريت منعاندش بعض في السواقة ونفتح السكة لبعض ومنزنقش على بعض. ياريت ننصح بالحكمة والهدوء إخواننا سواقين النقل يلتزموا بالحارة اليمين في الطريق ونرفض تجاوزاتهم هما وسواقين الميكروباسات .
والتانيه علشان خاطر البلد نكون حنينين على بعض ومنقساش على بعض مش كل واحد فينا يقسى ويضغط على اللى تحته أو على المحتاج له، يعنى نخلى الرحمة هي صفتنا الأولى ونساعد المحتاجين بحب وقلب كبير.
أنا متفائل إن بلدنا إن شاء الله حتكون أحسن وأحسن. :):):)