انا الطباخ*.*.*..*.*.*.*.*.**
بسم الله الرحمن الرحيم
انهاردة هشرحلكم طريقة عمل الكفته حسب تجربتي انا لأن انا اللي عملتها في البيت
وبصراحه كده هي قصة في نفس الوقت منه برضو تتعلموا ازاي تعملوا الكفته ماشي
طبعا في الاول كده مكنش في حد في البيت وانا كنت هموت خلاص عاوز آكل اعمل ايه اعمل ايه ؟؟؟؟؟
في لحظة اشتريت الكفته بس ايه كفته كفته ..
نشرح بقى
اول حاجة تشتري كيس الكفتة من الماركت طبعا كفته جاهزة بدل من نقعد نحضر ونعمل
تمام كده فكرة حلوة وتوفير في المجهود
تاني حاجة فاي حاجة تحمر فيها الكفته بالزيت مش بالسمن وتسيب الزيت على النار شوية صغيرين وبعد كده تنتظر لما الكفته تفك من الثلج لأنها مجمدة علشان ما تتفرولش في الطبق اللي فيه الزيت خلاص كده الكفته فكت من الثلج والزيت تمام ابدأ يا جميل في التحمير بس الريحة بتبقى جامدة جدا ممكن تشبع وانت بتسويها .
وبعد كده صباع صباع هتلاقيك عملت طبق كفته محترم بس خلي بالك ان الكفته مش بتحتاج وقت كتير على النار :-SS انا اتحرق من كام صباع كده في الاول بس مش مهم اهو الواحد مش بيتعلم ببلاش
وطبعا حسب خبرتي في الطهي هقولكم على طريقة حلوة تعملوا بيها شوية طماطم انما ايه ناااااااااااااااااااااار
اه صحيح افتركت وكده خلاص الكفته اتعملت وبالهنا والشفا محدش ينسى يحط ملح ..
الطماطم بقى طبعا هتقطعوها مش حتحطوها سليمة ولا ايه:))
وبعد كده شوية زيت على قد الطبق وبتاعتين ثوم وشوية ملح وشوية فلف اسود وحطوها على النار في الزيت
انسى احلى سلطة في الدنيا
بس اللي يجرب يدعيلي مش يدعي عليا
يلا بالهنا والشفا وانا مش مسئول لو حد حصل له حاجة :D
