كفايه نكد وتعالو اضحكوا شويه
ازيكوا ياشباب عاملين اية ؟؟؟؟؟؟؟
النهارده كنت قاعده مع واحده قربتي وكانت بتحكيلي يوم ولادتها وبجد فطستني من الضحك وحابه اقولكم الي قالتهولي
بتقول:
انا طبعا داخلة اولد وانا معرفش يعنى اية ولادة ولافاهمة وفاكرة ان انا هولد واقوم اتمشى عادى وكدة
ببص كدة خير يارب
لقيت الدكتور بيكشف عليا وقالى ولادةهههههههههه وانا بكل سذاجة قولتلة ياراجل قول كلام غير دة
راح جوزى ادانى تبريقة كدة وبقى شبة توم وجيرى
وماما بقت تعيط اصل كنت فى السابع وابنى اخوة كان توفى فى بطنى ونبض ابنى بدا يقل كان يوم جامد
المهم قولت خلاص اولد يعنى هما اللى بيولدوا اجدع منى واذا فجاة لقيت دموع اة والله لقيت دموعى بتنزل وبدات اتلللللللللللللج واترع شوالم فظيع اوبا اية دة طلع اللى اسمة طارق الدكتور قالى نستنى شوية استنى ساعة بالظبط وانا كنت بدات اتحوووووووووووول وعينى دخلوا فى بعض
وضغطى بقى شغال زى اليويو
قالى خلاص قيصرىة قولتلة ماشى احسن بردوا
وببص كدة حاوليا ملقتش حد لاجوزى ولاماما ولااىىىىىىىىىىىىى مخلوق ولقيت الممرضة داخلة تقوللى قومى البسى
وانا ابدددددددددددددا واعيط راحت بنت الذيذة ندهت على صحابتها واتلموا عليا ولاد المضايقة ولبسونى لبس العملية وانا مزبهلة بجد
واقولها طب انا زعلتك فى حاجة طب سبينى شوية تقولى الدكتور تحت فى اوضة العمليات يلا
وببص كدة لقيت الممرضة بتقول لصاحبتها دى قادرة تقف ازاى دة الدكتور بيقول انها بتموت يالهوى بمووووووووت ياوقعة سودة ونهار كحلى
نزلت تحت ببص لقيت واحدة خارجة من اوضة العمليات وعمالة تصووووووووووت انا ساعتها فعلا حاسيت زى مايكون حد ضربنى على راسى ونسيت انا مين واسمى اية وهخلف ولد ولابنت
المهم بقى دخلت الدكتور بتاع البنج بيقولى اسمك اية
رحت بصالة بمنتهى التخلف قولتلة تصدق مش فاكرة
وبعدين قالى طب هتجيبى اية قولتلة انا هجيب انسان
لقيت كل اللى حواليا بيضحكوا
وشوية ولقيت الدكتور بتاع النسا جاى من ورايا قولتلة هطلب منك طلب انسانى بحت قالى اتفضلى ياحبيبتى اصلة كان بيحبنى اووووووووووى كان صاحب بابا
قولتلة ونبى ادينى دقيقة من موبيلك
اصل الممرضة اخدت موبيلى
قالى اتفضلى اتصل بجوزى قولتلة
اييييييييييييييية
منك لله انت السبب فى اللى انا فية هيفتحوا كرشى وانا ولافى دماغك
لقيتة بيقولى انا طالع قولتلة طالع فين انا فى اوضة العمليات يافالح ادعيلى علشان لو مت هبقى عفريتورراك لحد لماتنتحر
وقفلت
واخدت حقنة البنج ورررررررررررررررررحت فى الباى باى
واول مافوقت وطبعا وانا بخرف
بقول لجوزى اية اخبار الانسان بتاعى طلعلة ديل
قالى لا
قولتلة عندة شعر فى ضهرة ورجلية
قالى اة انتى قصدك على القرد لاء اخدوة وودوة حديقة الحيوان ابنى بقى فى الحضانة
قولتلة طب عايزة اروح حديقة الحيوان اشوف ابنى
وبعدين كانوا مركبين الكانونة دى بتاعتة المحاليل وعيل صغير معرفش ابن مين جة يلعب فيها روحت رااااقعة بالصوت ديلى الحقوا ديلى اعدلوا السرير جة على ديلى السرير فوق ديلى معرفش يابنات يومها فعلا كنت قالبة على نسانيسى وفعلا انا المثال الحى اللى اثبت ان الست اصلها غوريلا اصل يومها برضوا عضيت ايد الممرضة وهى جاية تشوف الجرح بيتهيالى بقى لودخلت المستشفى دى تانى هيربطونى فى السرير ويكتموا بوقى عقبال كل مشتاقة يارب للحمل ربنا يرزقها ويرزقنى .
