شفتو انا عملت ايه في الوليه اللي سرقت ايميلي؟؟؟
مستغربين صح؟
يعني معقوله ست تسرق ايميل مش راجل بشنبات
اااااااااااااااااه عادي جدا ناس بجحه
بس شوفو انا عملت ايه واكتشفت ازاي انه مسروق
خير اللهم اجعله خير انا يابنات كنت عامله ايميل كده تخليص حق يعني رخامه
كنت عملاه وخلاص لاضفت فيه حد ولا سجلت بيه ف موقع كان ابيض فلللللللللللللللله
اووم ايييييييييييييه قولت لنفسي يابت ياغدغود ياقمر انتي يازينه بنات المنطقه
افتحي الميل ده بصي عليه بصه
وحصلت المفاجاه
طنطنطنططن
الاقي جايلي 15 ايميل ف صندوق الوارد inbox يعني
انا قلبي وقع ف رجليا طب الايميلات دي جت منين داهيه
روحت فتحاهم الاقي رساله منهم بتاعه تسجيل ف الفيس بوك
يانهااااااااااااااااااااا اااار وربنا ماحصل ولاسجلت بيه ف الفيس بوك اشوف بقي الايملات الاقي اني المفروض اني ضفت اصحاب وجالي رسايل والحاجات دي بتاعه اشعارات الفيس بوك
قولت اشطه بالموز الايميل اتسرق والجزمه اللي سرقه سجل بيه ف الفيس بوك مش بقولكم بجاحه
طب قولت انا لازم ادخل ع الاكونت ده طب ازااااااااااي وانا مش عارفه الباس ورد
قولت هعمل نسيت كلمه المرور والفيس هيبعتلي كلمه سر جديده وهدخل الاكونت وبالفعل عملت كده وفتحت الاكونت لقيته انجلش ولقيت صوره البروفايل ست غريبه كده شعرها واقف زي الاريال دخلت ع باقي الصور لقيت صور لنفس الست كتير اصلها معجبه بنفسها واكتشفت ان عندها44 سنه وهيا فعلا شكلها كبير وكانت كاتبه البلد اللي هيا منها بس معرفتش فين دي روحت دورت ف جوجل اكتشفت انها جزيره ف ماليزيا
تخيلووووووووووووووووووووو و
انا اعرف ان الماليزين محترمين
قولت ماشي ياشعنونه انا هعرفك شغلك
اولا مسحت كل الصور وشيلت كلمه انثي وعملتها دكككككككككككر
ودخلت ع الاصدقاء لقيتها ضايفه اتنين وبعتالهم رسايل بالانجلش روحت مسحت صحابها وعملتلهم حظر ومسحت الرسايل ومسحت كل بيانتها
وكل الكلام اللي ع الحائط وقومت قافله الاكونت مؤقتا يعني ممكن ارجع افتحه تاني بس طبعا الباس ورد اتغير يعني هيا مش هتعرف تفتحه
وقومت راحه الايميل مسحت كل رسايل inbox
وقفلته خالص يعني اتمسح من ع شبكه الياهو
وبعدين حسيت اني لسه متغاظه واني مخدتش حقي من الوليه دي روحت فاتحه الاكونت تاني ومغيره اسمه عملته اسم عربي عادي
ههههههههههههههههههههههههه ههههههه
من الاخر شوهت الاكونت
ورحت قفلاه تاني اتقفلت مسامعها البعيده
وخلصت الحكايه
واسترحيت انا كده بقي لما عملت كده عشان دي ست اشهر مش ست
.............
هو الواحد ميعرفش يعيش كده من غير قلق
يعني ايملاتي ولازم اححميها من الهكر هيا وجهازي
انا لما اكون ماشيه ف الشارع لازم يبقي معايا السيلف دفينس(اللي العيال الشبيحه بيستخدموه مزيل عرق تحت بطاطهم)
ههههههههههههههههههههههههه هه
والله حاجه مسخره
يلا بقي قولولي ايه رايكم ف اللي انا عملته
وياااااااااااااهل حد حصله كده قبل كده
ولا الهكر مش بيتشطرو غير عليا انا
لو عجبكم الموضوع ردوا مش هيجري حاجه يعني
...........................
طالما بتقرو وتطلعو تجرو كده
يبقي زي الموضوع الللي فات
اللي هيخرج من غير ردهجيبه من ودانه
ههههههههههههههههه
خافو ع ودانكم
هههههههههه
