شاركنى برأيكـ .. ممكن ؟

الموضوع ده يا جماعه شوفتوا فى منتدى تانى بس لقيته لذيذ
قولت اجيبوا ..



تخيل أنك مثل مزارع من المزارعين ظل طوال العام يحرث الأرض و يرويها و يبذر الزرع و يسقيه
و ينظفه من النباتات المتطفلة و ظل يراعاه طوال الليالي القارسة البرودة
و الأيام شديدة الحرارة .. ثم أكتشف أنه يزرع في أرض غير ارضه
و أن أرضه خاوية جرداء لا زرع فيها ولا ماء .....
فهل ..؟

1- تكمل المسيرة و تظل تزرع أرض غيرك ؟
2- تطالب صاحب الأرض الذي زرعتها بما فعلت ؟
3- تعود لأرضك فقط ؟

4- خيارات أخري (لك كامل الحريه باختيار الطريقه الي هتعملها) بس طبعا حاول تبعد عن الشر يا مصراوى يا طيب http://www.yallarab.com/vb/images/smilies/image001.gif

يلا هتعمل ايه ..؟

تسلم يا عصام سؤال مثير للجدل

كتير منا بيبدأ في مشوار معين

ويكتشف بعد ما مشي فيه كتير

انه ماشي غلط

بس زي مهو معروف

مش غلط ان الانسان يغلط

بس الغلط انه يغلط ويستمر في الغلط وميتعلمش منه

فأنا اخنياري هيكون التالت

اعود لارضي - بس مش فقط -

اتعلم من غلطي واتأكد بدل المره مليون ان الخطوه الجايه صح

سؤال يحمل معاني كتير جدا

تسلم يا عصام

سؤال جميل قوى ياعصام
اكيد حرجع للصح
اللى هى ارضى .. وعلى رأى المثل
((يامربى فى غير ولدك ياساكن فى غير ملكك))
والاعتراف والرجوع للحق فضيلو ومش عيب
لازم نكمل الصح حتى لو كان مشورنا فى الغلط قرب على الاكتمال
الصح صح موضوع رائع وجديد ياعصام مشكووووور

F3laa ya 3asoOom Eltobic dah Mooser le Lgadal
Bas Begad Gamed ya Brenk We Tslamlna 3ltoOol
Wa ana H3mel Brakm 2 Alle Hea Htaleb Saheb Elard
be Ta3be We Shakaya bas Keda We law Mardesh
Mesh H3mel 7aga We Hsebo Wa Hamshe bes Keda
Bas Teslam Ya Rrenk Wa Lahy 3ala Eltobic Elgamed Dah
>:D<

صنايعى ياض يا عصام
لو انا مكان الراجل ده هاخد الارض وضع يد وبالعافية
امال جشع وخلاص:))
اما بالنسبة للاستاذ اللى كاتبلنا بالانجليزى ناصح قوى فى العربى علشان يكتب بالانجليزى:)):)):))
اوعى تزعل يادرش انا بس كنت عايز اعرف رأيك
ومش عارف اقرأ الانجليزى اللى انت مخترعه ده

السلام عليكم
اكيد حارجع لارضي مش عيب انك تخطا لكن العيب
انك تتمادى في خطاك
ولو كان صاحب الارض الحقيقي انسان بمعنى الكلمة
هو بنفسه حيساعدني على حرث ارضي
المعنى واضح يا عصام لازم ناخذ بالنا ونفتح عنينا
عشان نتفادى اي وقوع في الغلط
تسلم ايدك وربنا يوفقك

تسلم يا كارئه باشا ..
وفعلا انت زى ما قولت مش عيب اننا نغلط لكن العيب اننا نستمر فى الغلط
وطبعا اكيد لازم اتاكد ان الخطوه اللى جايه صح ..
لان اللى اتلسع من الشربه ينفخ فى الزبادى ..
شكراً كارثه على الرد الزبادى ده ..
ورأى ووجهة نظر صحيحه ..

واشكركـ منى على رأيكـ الجميل ..
لازم نكمل الصح حتى لو كان مشورنا فى الغلط قرب على الاكتمال
جمله جميله تسلمى منى ..

اشكركـ كمان تريكه على رايكـ ووجهة نظركـ
بس انت كده بوجهة نظركـ دى .. الناس هتقول عليكـ مادى اوى ..
بس فى كلا الحالتين الراجل مش هيديكـ حق تعبكـ
لانكـ انت اللى غلط ولازم تدفع الثمن ..
هو دا قانون الحياه وهى دى الدنيا ..
تسلم يا تريكه تفكير جميل وواسع

ازيكـ يا عم الجشع .. وكمان بتقولي ياض قولتلكـ هقفلكـ المكان اللى انت فيه
يلا انا هسيبكـ تاكل عيش مع ان محدش لاقى عيش اليومين دوول ..
هههههههههههههه
اما حكاية العافيه اللى انت ماشى بيها دى مش هتنفع مع الحكومه
قصدى اللى بيسموها حكومه
اشكركـ يا جشع على العفيجه اللى انت فيها دى ..
ورأى فتوات .. تسلم ..

رأيكـ جميل يا شمس ..
بس على ما اذن ان صاحب الارض مش هيساعدنى ..
لان خلاص الناس ما بقتش زى الاول ..
ولو ساعد كتر خيروا ..
وزى ما قولتي يا شمس .. لازم ناخد بالنا ونفتح عنينا
علشان نتفادى الخطأ
تسلمى يا شمس .. ووجهة نظر احترمها ..
تسلمى ..

موقف صعب
اكيد برجع لارضي وكويس بكون عملت خير وان شاء الله لو صاحب الارض ما عوضنى فالله كفيل بتعويضي وذلك بالاجر
لا تنسى انني اكون عملت خير حتى لو من غير قصد فاقول اجري عند الله ان شاء الله

المهم ان لا اتحسر وانسى ارضي وان اعود لاصلحها لتصبح احسن
تسلم عصام

=D>=D>=D>
شكرآ عصام على الموضوع اللذيذ والجميل ده

اقتباس:

---

4- خيارات أخري (لك كامل الحريه باختيار الطريقه الي هتعملها) بس طبعا حاول تبعد عن الشر يا مصراوى يا طيب http://www.yallarab.com/vb/images/smilies/image001.gif
سأعود لارضى ولكن بعد ان اطلب من صاحب الارض ان يساعدنى فى زراعة ارضى او ان يعطينى اجر تعبى

---

لانه من حق كل واحد انه ياخد اجر تعبه بس مش معنى انه صاحب الارض مارضيش هعمل مشاكل لا هسيبه لانه انا الى غلطانه وامشى بس ابقى اعملت الى عليا قدام ربنا وسالت عن حق تعبى ده وهو المفروض يساعدنى من غير ما اطلب وعامتا انا الى غلطانه وهبقى محتاجه اعمل نظاره :-B

بس كان ليا سؤال رفيع:-/(ده هزار بس)
هو مممكن حد يغلط فى حاجه كبيره زى دى :-Sيتلغبط فى ارضه تب ممكن الواحد يتلغبط فى قلم استيكه;;) ربع جنيه بس مش ارض:) وبعدين الناس كلها دلوقت لابسين نظارا ولانسيس يعنى مافيش لغبطه O:-)

اشكركـ طيف على ردكـ ..
ومناقشتكـ للموضوع ..

وبعدين الناس كلها دلوقت لابسين نظارا ولانسيس يعنى مافيش لغبطه O:-)

مش كل الناس طبعا يا يارا .. ههههههههههههههههه
وبعدين دا مثل يعنى .. حاجه نتعلم منها نستفاد منها بارانها ..
وطبعا اكيد حاجه مفيده ,, ورائيكـ جميل بردوا يا يارا ..
تسلمى على المرور الجميل .. والنقاش الرائع ,,