زهقان ..مخنوق..متدايق..خبط ع عياده مصراوي!!

السلام عليكم ورحمه الله وبركاته>:D<
اولا ارجو تثبيت الموضوع عشان كلنا نستفاد..انا خطر ببالي فكره وحبيت ابعتها وبعتتها قبل كده ولكن مش حازت علي تقدير كبير بس انا صممت اكمل فيها يمكن نشترك فيها كلنا وتبقي ركن مهم من اركان مصراوي كافيه ..منتدانا الجميل ده....
حبيت اقدم العياده النفسيه وهيه مش معناها زي ما كلنا عارفين لكن احببت ان اجعلها مجرد واحه للفضفضه...
احببت ان اجعل هذا الموضوع مختلف شويه عن المواضيع الاخري
احببت ان اجعلها ليست مجرد كتابا اوذكريات اوصفحات يقرأها كل من يبحث عن موضوع او شيء ما عبر الشبكه الالكترونيه
ولكنني جعلتها مكانا يخطوه اي فرد منا ليس لانه يبحث عن كلمات اوموضوعات بل ايضا ليبحث عن نفسه التائهه في ظل تلك الحياه والتي لطالما نعيش فيها تزداد تعقدا اضمحلالا وتزداد نفسيتنا تعقدا
فكل منا نحن بني البشر ليس كاملا ولا يتمتع بالصحه النفسيه لاقصي درجه.. ولكننا نتفاوت في هذه الدرجات ..
واحاول عبر ذلك الموضوع ان اجعله بابا مفتوحا لكل من يحتاج للكلام.. ويحتاج لمن يتحدث اليه ..اجعله ملتقي لكل من شعر انه وحيدا تضيق عليه مشكلاته ونرحب به حتي يعرضها لنا فربما يجد حلا لها
اجعله عالما لكل من شعر بان عالمه اصبح لايتسع له وخرج عن محيط الحياه ..
فإننا هنا معك نقدم لك الامل.. نفتح لك عالما جديدا يرحب بك..تنتبه لك اذان ضاغيه تستمع لك..
فلاتتردد...لتصل الي صحه نفسيه افضل
اعرض مشاكلك النفسيه والاجتماعيه والعاطفيه ....الخ ولاتتردد وعبرعن مابداخلك وذلك في سريه تامه..
او لو اردت ان تراسلنا ع الخاص فراسلنا علي البريد الالكتروني
[email protected]
وذلك في خلال 24 ساعه سيتم الرد علي اسئلتكم واستفساراتكم
شاركونا........
ارجو تثبيت الموضووووووع واتمني ان تبتدو فيها ومستنيه ردودكم
والسلام عليكم ورحمه الله وبركاته

بصي يا صيدناوي:D
هي الفكرة جميلة جداً وزي العسل
ولو انتشرت ها تنجح
بس في الاول وفي الاخر انتي في مجتمع شرقي
هو مش معني كدة ان محدش ها يدخل العيادة
بس قليل اوي
وانا عن نفسي موافق علي انشاء العيادة دي
وممكن اشاركك فيها والايراد بالنص كمان:D:D
وشدي حيلك وربنا يوفقك فيها
بس اللي ظابط الكلام انك حاطة الايميل هنا في الموضوع
علشان الناس مش بيحبوا ان كل الناس تشوف كلامهم اللي من النوع ده
وتسلمي ع الفكرة والموضوع

فكره حلوة اوى بجد بس عايزة اننا مانتحرجش من اى حاجة
ونصارح بعض وتسلمى على الفكره وانا معاكى بأذن الله ....

:)

اولا شكرا جدا ع الردود اللذيذه دي ..وحبيت اقول ان الموضوع مش صيدناوي:) ولا هيبقي رسمي اوي كده كل الحكايه اننا هنفتح قلوبنا لبعض ونتعلم من اي خبره او تجربه اثرت في نفسيتنا كلنا وازاي نوصل لحل ايجابي نخرج بيه من مشاكلنا
الموضوع طبيعي جدا وهو كنوع من (الفضفضه) ودي مش اول تجربه ليه لاني اخصائيه نفسيه وقابلت حالات كتييير.. ومشاكل اكتر
وكمان هيبقي سهل علينا اننا نتكلم بدون مواجهه مباشره وطبعا الايميل موجود لو كانت المشاكل دي صعب اننا نواجهها وحساسه نوعا ما
بشكركم كتييييير واتمني مزيد من التفاعل وارجو للمره التانيه تثبيت الموضوووووع
شكرااااا

الفكره جميله سيدنى .. واظن ان هى ما فيهاش اى احراج
او اى كسوف من اى حاجه .. وفى ناس مننا كتير بتكون نفسيتها مش مظبوطه بالتالى بيبقوا محتاجين المساعده
فى المشاكل اللى بتقابلهم .. وان شاء الله الفكره تنجح
يلا .. وربنا يوفقكـ ويوفقنا جميعاً ..

وتم تثبيت الموضوع ..

شكرااا ليك جدا علي التثبيت ولو انه اتاخر شويه:) بس المهم اننا نتعاون مع بعض ف نجاح الفكره ونفتح قلوبنا لبعض كأسره مصراوي كافيه ..ونتكلم بكل صراحه وحريه وفضفضه عشان نواجه مشاكلنا ونتعلم منها في نفس الوقت وانا منتظره مشاركتكم واتمني مزيد من التفاعل

هو موضوع جميل اووووى بس اعتقد ان اكتريت الاعضاء هيتكسفوة انه يحكوة وانا ممكن اكون واحدة من الاعضاء دول شكرا

فكره جميله اوى و جديده

تسلم ايدك يا جميل على التوبيك

بصراحة فكرة حلوة جدا جدا

:Dربي يوفقك
اكيد رح اشارك

تسلمي كتير على الموضوع الروعة

الخجل ف طرح المشاكل النفسيه واي مشكله بتواجهه اي فرد بتزود من تعقدها وبتخليها صعب جدا في حلها لانهاا بتطور مع الزمن ولما طرحت الفكره دي كنت مستعده اني اقابل اعضاء عندهم مشكله الكسوف والخجل في انهم يطرحو مشاكلهم او يفضفضوا .. بس في ناس كتير برضو محتاجه تعرف ايه المشاكل اللي ممكن تحصللهم في حياتهم عشان يستعدو ليها من خلال عرضها هنا وكمان ويقدروا يتجنبو اي احباط ممكن يحصل ويكون عندهم حلول وبدايل للحلول يقدرو يخرجوا منها وكمان يتعلمو منها في مشاكل كتيير جايه

وعشان كده انا اضفت البريد الالكتروني للعياده وده هيساعد ناس كتييير انها تطرح مشاكل خاصه وحساسه جدااا وطبعا ده في سريه تامه من خلال اخصائيين نفسيين وبثقه تامه تقدر تتكلم بحريه في مشاكلك وده البريد الالكتروني
[email protected]
كما يمكنك الاشتراك عبر مجموعه واحه الطب النفسي للاستفاده علي الرابط التالي
http://health.groups.yahoo.com/group/psychiatry_group/

..وياريت اكون عند حسن ظنكم جميعا واتمني انكم تشاركونا فعلا عشان نقدر نحقق رصيد كبييير في وصولنا كلنا لصحه نفسيه جيده
وشكرررا ليكووا جداااا..ومستنيه مشاركتكم
>:D<

ممكن اعرف بكام الكشف:D

اقتباس:

---

ممكن اعرف بكام الكشف:D

---

الكشف مجاناً والإعادة بردو مجاناً
:)

>:D<برحب كتير بالموضوع وعجبنى مووووووووووووووت ومش معنى ان احنا فى بلد شررررررررررقى يبقى ممنوع حرية الرأى و الفضفضة

ايه يا جماعه محدش عايز يتكلم ويفتح كلام ليه :-/ ...خلاص محدش عنده مشاكل

طب انا حبيت ابدا بفكره وهيه نطرح موضوع ونتكلم فيه كلنا ويكون الموضوع ممكن يعوق توافقنا في الحياه وياثر علي حياتنا النفسيه ونتناقش كلناا فيه ونتعلم ازاي نخطيه
انا شايفه انهاا فكره حلوه ياريت تقوللو رايكووووووو فيها

واللي يقراه يطرح موضوع او مشكلله واحنا تتكلم فيه

لو الفكره عجبتكو مستنيية موااضييعكو
وبرضو العياده مستمره ياريت مش تترددو تفضفضو
وشكراااا ليكو ..مستنيه مواضيعكو ومشاركاتكم=;=;

شكرآ يا سيدنى على التوبيك الجميل
وفكرته حلوه اوى
تسلمى
ربنا يبارك بقلبك وبعمرك يارب

ايه رأيكو يا جماعه هبتدي بموضوع انا ونتناقش فيه وهو ( الشخصيه)
اننا نعرف شخصياتنا لان الشخصيه دي هيه اللي بتميز كل واحد فينا وطبعا كل شخصيه فريده من نوعها ومميزه عن اي شخصيه تانيه
ومن خلال اول موضوع نتكلم فيه وهوموضوع ظريف اووي ومن خلاله نقدر تعرف صفا ت شخصيتك وانا جربته بنفسي وفعلا كان حقيقي
الموضوع ببساطه اني هعرض شويه صور وعليكو انكم كل واحد يختار الصوره المفضله ليه عن باقي الصور والصور مرقمه بارقام وعليك تختار رقم الصوره المفضل ليك.
عشان احلل شخصيتك من خلالها.
.مش هطول عليكم واسيبكو مع الصور.
.الي اللقاء ف الموضوع التالي وياريت تطرحووه انتو اثناء الردود
وزي ما انتم مستنيين التحليل انا كمان مستنيه مواضيعكم
وكل واحد يقول هو يحب يتكلم في ايه ف الموضوع التاني
شكرااا ليكوو جداا

http://www.hayatnafs.com/images/4632c3e380.png

ان شاء الله هختار الصوره رقم 3
واقترح عليكى تعملى موضوع الشخصيه كموضوع منفصل خارج العياده حتى يعرفه الجميع

ميرسي ليكي يا يارا ع الاقتراح وميرسي علي المشاركه وعلي فكره الصوره اللي انتي اخترتيها هيه نفس الصوره اللي اخترتها لما عملت الاختبار علي نفسي وحالا هقولك تحليل لشخصيتك وهيه انك بتتسمي
شفاف ، حساس ، لك تأثير على الآخرين..
غالباً أنت حازم مع نفسك أكثر من الآخرين ، تكره السطحية. عادة تفضل أن تجلس وحيداً على أن تجادل ولو قليلاً ، لكن علاقاتك مع أصدقائك كثيرة ومؤثرة جداً مما يعطيك الراحة النفسية. لا يضايقك أن تبقى وحيداً لفترات طويلة فقليلاً ما تشعر بالملل:)
اوعدك اني هعرض الموضوع خارج العياده عشان الكل يشترك.
.بس انتي نسيتي تقولي ايه الموضوع اللي تحبي نتكلم فيه هنا المره الجايه يعني القضيه او الظاهره اللي ممكن تحصل للانسان او ليكي او لاي حد وتاثر علي صحته النفسيه وتوافقه مع الحياه ونتناقش فيها:-/:-/
شكررا ليكي جدا يارا ومستنيه ردودك ع الموضوع L-)

ميرسى ليكى على التحليل الرائع ده
على فكره التحليل قريب من شخصيتى جدآ
تسلمى ياقمر

اقتباس:

---

تحليل لشخصيتك وهيه انك بتتسمي
شفاف ، حساس ، لك تأثير على الآخرين..
غالباً أنت حازم مع نفسك أكثر من الآخرين ، تكره السطحية. عادة تفضل أن تجلس وحيداً على أن تجادل ولو قليلاً ، لكن علاقاتك مع أصدقائك كثيرة ومؤثرة جداً مما يعطيك الراحة النفسية. لا يضايقك أن تبقى وحيداً لفترات طويلة فقليلاً ما تشعر بالملل:)

---

وبالنسبه لاقتراح موضوع مش فى بالى حاجه معينه بصراحه بس فى حالة انى الاقى فكره حلوه اكيد هقترحها عليكى :">
مشكوووووووووووووووووووووو وووووووووووره

بالنسبه للموضوع اختارته نهال زميلتنا هنا في الكافيه واقترحت يكون الموضوع هو الاحساس بالوحده واسبابه ونتائجه وانا شايفه انه جميل واكيد هنتناقش فيه هنا في العياده
ومن هنا بطرح سؤالي
ياتري انت بتحب تبقي وسط ناس كتير وايه السبب؟ :-/
ولو بتحب الوحده اكتر بردو ايه السبب؟؟:-/
بالنسبالي انا فانا بصراحه بميل للوحده اكتر من تجمع الناس يمكن بحب الهدوء اكتر والتامل او بحب افكرفي حاجات بشكل يحتاج تركيزي
بس ياتري هل ممكن تحس بالوحده بالرغم من ان حواليك ناس كتير؟؟
مستنيه ردودكم في الموضوع ده ..عشان نقدر تعرف ليه بنحس بكده وازاي نعالج ده
شكرا نهال علي موضوعك ومستنيه مواضيع كتير ناقشها سوا في العياده:)

ملحووووظهL-)
اما بالنسبه لانتقال العياده لركن تطور الذات ياتري فيها مشكله ولا الافضل اننا نرجع لركن مصراوي كافيه زي ما كان؟؟
بصراحه انا اتفاجئت بانتقاله ومتأسفه لكده
بس اللي عنده اعتراض طبعا ياريت يقووول
وكمان عايزه اقول ان الفكره دي فريده من نوعها وحتي لو كان ف هنا موضوعات متشابهه فهي بردو تحتفظ بفرديتها
واتمني بجد تشاركو فيها ..ونفضل اسره جوه العياده دي
وبقول شكرا للي نقل الموضوع للركن ده..ولو اني كنت احب يفضل مكانه

كل عام وانتم الي الله اقرب وعلي طاعته ادوم وكل عام وانتم بخير ورمضان كريم
يارب يتقبل صيامنا جميعا اللهم امين

أنا مش عايز اكتب انا عايز اتكلم مش عايز اكتب وحد يرد عليا انا مش فى امتحان انا عايز اتكلم وحد يسمعنى ويرد عليا ويسمع صوتى واسمع صوته ياريت بجد بجد

بيتهيالي يوم ما الانسان يكون محتاج للكلام والفضفضه مش بيدور علي وسيله يتكلم بيها لكن بيعبرعن كل اللي جواه باي طريقه مش لازم يكون في صوت عشان تحكي وتتكلم وتحسن نفسك وتتغير....
الانسان مننا لما بيقري كتاب لاي حد يكون بارز في المجتمع وياثر كلماته فيه ممكن يتغير بشكل كامل بسبب الكتاب ده
وده عشان كان بيقري الكتاب اكتر من مره واتاثر بكل كلمه بيه.. ومش شرط يقابل الكاتب او يسمع صوته وهو بيسمعله الكتاب عشان ياثر فيه ويغيره

كتير مننا بيخجل من المواجهه المباشره او الارشاد عن طريق الهاتف لانه بيحس ان العالم كله مطلع عليه وبيسمعه ويدخل في خصوصياته
وكتير اوي بيميل انه يفضفض عن طريق الكتابه او يبعت ايميل لاخصائيين عشان يحلو مشاكله والمواقع مليئه بالنوع من الفضفضه دي
ده غير ان الدراسات الحديثه اثبتت ان التعبير من خلال الكتابه وسيله علاجيه للاكتئاب وان الانسان اللي بيفضفض كتابيا بتكون جروحه اسرع في الشفاء وده اكيد بيحسن من نفسيته ده غير انك لما ترجع تقري تاني اللي كتبته ممكن تلاقي حل لمشكلتك بين السطور والكلمات وتشعر ان الاوراق تتقاسم معك مشاكلك
انا من ضمن الناس اللي دائما اعبر عن اللي جوايا بالكتابه ومذكراتي الخاصه بي فقط ..واشعر بارتياح شديد
ولا اشعر اني في امتحان .. فالصوت ليس وسيله وحيده للاتصال بين الناس
اتمني ان تتغير وجهه نظرك ومشكور جداا ليك ع الرد واتمني منك المشاركه ..ورمضان كريم:)

ربنا يوفئك موضوع رائع

رووعه الموضوع سيدنى

انا شيفه انه متكسفش اوى بس مش كل الحالات طبعا

اقولك على مشكله عندى ابنى بيتكسف يحضنى ويبوسنى زى اخوه تخيلى :-O:-O

اعمل معاه ايه دهعندو12 سنه

ميرسى على الموضوع الجميل ده

فكره حلوة اوى بجد
بس عايزة اننا نتجرأ على اى حاجة
ونصارح بعض من غير خجل
تسلمى على الفكره
وانا معاكى بأذن الله ...
تقبلى مرورى.

ايه يا جمااااااعه مفيش مشاركات ليه
محدش عندو عقد ولا مشاكل نفسيه ولا ايه
علي كده الدكاتره النفسييين هيقفلو قريب ونقعد بقي ف البيت:D

مشكوررررررررررة موضوع هايل وطريقة التنول هايلة ودايما بالتوفيق وننتظر المزيد>:D<>:D<>:D<>:D<>:D<>:D<>:D<>:D<>:D<>: D<>:D<>:D<:x:x:x:x:x:x:x:x:x:x:x:x:x:x:x:x:x:x:x: x
هى دة المواضيع والا فلا

فكره حلوه اوى واا بسندك فيها وشكرا ليكعلى موضوعك