كل سنه وانت طيب(اهداء لفارس الكلمه)
كل عام وانت طيب
ياللى منى كتير قريب
ياللى اسمك زى رسمك
ياللى سحرك كانلى طيف
كان كلامك زى سيف
يقطع الشك بيقين
يجلد الصمت الحزين
يرسى بسمه فى القلوب
يمسح الدمعه الرقيقه
من جفون الناس بريئه
كل رقه من المعانى
جوا قلبى بهدهالك
......................
كل عام وانت فارس
كلمه حق ومش بنافق
كل كلمه من الاغانى
نهديهالك بالامانى
تبقى لينا بكل خير
كل عام وانت بخير
...................
كل عام يعود سرور
ويا صحه ويا نور
كل عام يكون طريقك
فيه امانى تبل ريقك
فيه محبه
فيه سعاده
كل عام وانت سعيد
....................
كل عام وانت فى عيد
تردد الكلمه بنشيد
كل عام وانت طير
طير برىء
قلب ابيض مش غريق
قلب واصل للمعانى
قلب متعلق بربه
يحيى كلمه للاله
ولصلاه مؤدى بضمير
كل عام وانت بخير
..................
كل كلمه بهديهالك
تدوم يارب يخلهالك
بسمه ع الشفه بشبابك
كلمه حاضره من كتابك
كلمه موزونه باّدابك
تعيش يارب يخليهالك
.......................
كل عيد ميلاد سعيد
نشوفك انت تكون سعيد
نشوف سطورك بين ضلوعنا
تدخل القلب وبطوعنا
..........................
كلمه صادقه بهديهالك
يوم ميلادك لينا عيد
كل عام وانت سعيد
ترسم الفرحه وتعيد
ف المسامع من نشيد
..................
بدعوا ربى ليك زياده
من السعاده والطيابه
بدعوا ربى ليك رضاه
تدخل الجنه ف سماه
كل عام وانت عايش
بالمحبه والوداد
كل عام وانت طيب
ياللى منى كتير قريب
اعتذر اخى الكريم عن تاخرى فى التهنئه
ولاكننى لم ادخل المنتدى من فتره بسبب انشغالى
وارجوا ن تنال كلماتى اعجابك
وتكون هديه متواضعه
باح بها قلمى فى جلليل عرفانك
وبديع تواجدك ومؤازرتك لكل الاعضاء
كل الحب وكل التقدير لشخصكم الكريم
زاد الله محبتكم فى القلوب
ونور الله طريقك وثبتك على هداه
كل سنه وانت طيب
كل الامانى بدوام الصحه والعافيه
وبالتوفيق
