مش بفلوسي يا ساويرس... هنغير المحطة والشبكة كمان

http://i60.photobucket.com/albums/h1...issMillah2.gif

دعوة على الإنترنت لمقاطعة "موبينيل" اعتراضًا على قناة ساويرس الإباحية
أعلن مستهلكو شركة "موبينيل" للمحمول احتجاجهم على المحتوى الجنسي الفاضح والمخل الذي عرضه نجيب ساويرس على قناته الفضائية الجديدة
(OTV)
، ونظَّم المستهلكون حملةً تحت شعار
(مش بفلوسي يا ساويرس... هنغير المحطة والشبكة كمان).

وأكدوا أن ساويرس أعلن لمجلة "نيوزويك" نهاية العام الماضي خطته الإعلامية التي تهدف لتشغيل عددٍ من القنوات الفضائية الشبابية التي تهدف لاجتذاب الشباب من الفكر الديني نحو الفكر العلماني، وفي غضون شهور تم افتتاح قناة
(OTV)
؛ حيث قامت منتصف الشهر الماضي بعرض فيلم أمريكي
يحتوي على قدرٍ كبير من المشاهد والحوارات الجنسية على القناة الفضائية المفتوحة، وقد حصرت إحدى الجهات الأمريكية الخاصة بتقييم الأفلام المحتوى الإباحي في أكثر من 150 سطرًا.

ورغم الاعتراضات التي تلت عرض الفيلم، فقد قامت القناة بالتنويه عن إعادة عرضه كاملاً لمَن لم يُشاهده، وقد رفض ساويرس كل الانتقادات لعرض المشاهد الإباحية على القناة قائلاً: "الأفلام دي اتعملت كدة وأنا شاريها كدة.. أقطع منها ليه؟؟"، أما مديرة القناة فقالت: "إن هذه الأفلام تأتي عن طريق جهازٍ يتحكم فيه الريموت كنترول"، واللي مش عاجبه يغير المحطّة"، من هنا تم الإعلان عن حملة مقاطعة موبينيل ساويرس تحت شعاري: "هنغير المحطة والشبكة كمان.. مش بفلوسي يا ساويرس".

نص رسالة المستهلكين

بسبب السلوك غير المسئول للقناة, ولإصراركم على تحدي قيمنا الثقافية والأخلاقية لتحقيق هدفكم الواضح لإنجاح أجندة ليبرالية غير أخلاقية، وإيمانًا منا بأهمية تفعيل دورنا كمستهلكين، وعليه فنحن جميعًا نتعهَّد- الموقعون أدناه- ونعلن رفضنا لسياستكم ومقاطعة شبكة "موبينيل" للمحمول وقناة
(OTV).

مع التعهد بحصر المنتجات المعلنة على قناة
(OTV)
؛ تمهيدًا لمقاطعتها حتى تتوقف عن دعمها الإعلاني لمشروعكم اللاأخلاقي.
دعوة للمناقشة

طيب والله شيء مفرح يكون في ردة فعل ورفض لهذه التجاوزات المستفزة واللامنطقيه ابدا واتمنى انهم ينجحوا فعلا في المقاطعه والرفض الى ان يحدث توقيف لهذه القذارة المتعمدة

مشكور جدااا

اقتباس:

---

المشاركة الأصلية كتبت بواسطة الخنساء

طيب والله شيء مفرح يكون في ردة فعل ورفض لهذه التجاوزات المستفزة واللامنطقيه ابدا واتمنى انهم ينجحوا فعلا في المقاطعه والرفض الى ان يحدث توقيف لهذه القذارة المتعمدة

مشكور جدااا

---

اهلا اخت الخنساء
أعتقد ان المشكله ف ان الموضوع يحتاج الى اكثر من ذلك توضيح وتبيان ..كمان محتاج نعرف الخطوات العمليه اللى يقدر يقوم بيها كل واحد لعشان يتحقق ما تسعوا اليه المقاظعه

يعنى مثلا انا معايا خط موبنيل ...هل ارميه ف الشارع واغير لفودافون ..تب ما فودافون شركه متعددت الجنسيات المشاركه ليها اجانب وبعتقد انجليزى واكيد ف منهم بيساهم ف دعم اسرائيل بطريقه او بأخرى ...اكيد دعم اسرائيل لا يقل خطوره ع العمل ع افشاء الفاحشه ف المجتمع...او يكون عندى طريقه تالته وهى شركه اتصالات ...والله لحد لدوقتى مش عارف ...بس اكيد ان شاء الله هعود تانى يمكن الاقى حل:|
اسعدنى مرورك

أولا فكرة المقاطعة فكرة هزيلة جدا

لكن الإعتراض واجب

إنما سوايرس يعلم ونحن نعلم جيدا

إنه بيمتلك مشاريع ضخمة جدا وإن شركة موبينيل مجرد مشروع من مشروعاته

ولو هو فعلا عايز يمول أفكارة الشاذة . هايمولها بموبينيل أو بدونها




بالمناسبة ( انا فودافون ):D

يا جماعه لاننسى .. مقولة
وراء كل رجل ناجح اعداء

وانا بقول كده لانى عارف القناه
وكنت بتفرج عليها كتير وماشفتش اى شئ
يسئ إلى القناه
وانتوا اكتر ناس تعرفوا
لانكم بتتفرجوا عليها
بس احنا بنتكلم على حاجه احنا مش شيفنها وخلاص

اقتباس:

---

المشاركة الأصلية كتبت بواسطة عصام نت

يا جماعه لاننسى .. مقولة
وراء كل رجل ناجح اعداء

وانا بقول كده لانى عارف القناه
وكنت بتفرج عليها كتير وماشفتش اى شئ
يسئ إلى القناه
وانتوا اكتر ناس تعرفوا
لانكم بتتفرجوا عليها
بس احنا بنتكلم على حاجه احنا مش شيفنها وخلاص

---

لالالالالالالالالالالالال ا

انا شوفت الفيلم اللي مقصود في الموضوع

وإسمه American Pie

وبالمناسبه الفيلم كان كامل ومش مقطوع

ومليان مناظر مسيئة وجنسية فاضحة

يعني مش إفتراء يا عصام

هو أنا أول مرة أسمع عن الموضوع ده
بس لو فعلا كده .. يبقي فيه حاجة غلط بقي
عموما زي ما مسلم قال ان الاعتراض واجب
و أنا كمان Vodafone
بس الفيلم

اقتباس:

---

المشاركة الأصلية كتبت بواسطة مسلمـ

وإسمه American Pie

---

دا لو فعلا اتعرض من غير اي حذف لأي مشاهد
يبقي المفروض يتعمل أكتر من كده كمان

اقتباس:

---

المشاركة الأصلية كتبت بواسطة مسلمـ

لالالالالالالالالالالالال ا

انا شوفت الفيلم اللي مقصود في الموضوع

وإسمه American Pie

وبالمناسبه الفيلم كان كامل ومش مقطوع

ومليان مناظر مسيئة وجنسية فاضحة

يعني مش إفتراء يا عصام

---

اهلا اخ مسلم
مداخلتان رائعتان بارك الله فيك

اقتباس:

---

المشاركة الأصلية كتبت بواسطة عصام نت

يا جماعه لاننسى .. مقولة
وراء كل رجل ناجح اعداء

وانا بقول كده لانى عارف القناه
وكنت بتفرج عليها كتير وماشفتش اى شئ
يسئ إلى القناه
وانتوا اكتر ناس تعرفوا
لانكم بتتفرجوا عليها
بس احنا بنتكلم على حاجه احنا مش شيفنها وخلاص

---

مرحبا حبيب قلبى عصام بك نت
مش بالضروره يا اخ عصام ان يكون وراء كل رجل ناجح اعداء ..ليست هكذا تورد الابل..
اعتقد ان الكلام ف اغلبه صحيح ومنقول عن ثقه ..كمان معروف ميل ساويرس للعلمانيه الطاغيه وبعده عن اى قيم اخلاقيه وبخاصه لو كانت مرتبطه بعادات وعبادات دينيه..
شكرا ليك

اقتباس:

---

المشاركة الأصلية كتبت بواسطة AhMeD El-Za3eEm

هو أنا أول مرة أسمع عن الموضوع ده
بس لو فعلا كده .. يبقي فيه حاجة غلط بقي
عموما زي ما مسلم قال ان الاعتراض واجب
و أنا كمان Vodafone
بس الفيلم

دا لو فعلا اتعرض من غير اي حذف لأي مشاهد
يبقي المفروض يتعمل أكتر من كده كمان[/center]

---

اسعدنى مرورك اخ أحمد
دمتم بعافيه

اقتباس:

---

المشاركة الأصلية كتبت بواسطة أحمد عمر

وأكدوا أن ساويرس أعلن لمجلة "نيوزويك" نهاية العام الماضي خطته الإعلامية التي تهدف لتشغيل عددٍ من القنوات الفضائية الشبابية التي تهدف لاجتذاب الشباب من الفكر الديني نحو الفكر العلماني، وفي غضون شهور تم افتتاح قناة
(OTV)

---

انا لا اعتقد ان رجل اعمال زيه و على قدر اكيد من الثقافه نه هيقول الكلام دا ..
لان الناس اكيييد عارفه ان دا غلط و انه اكيد هيكون فيه شباب هيعملوا مقاطعه لاكبر مشاريعه اللى هى " موبينيل ."
و اكيد فيه اعداء له زى ما اتقال ان هم اللى ورا دا كله ..


بس الله و اعلمـ ..


عموما لو قال كدا فعلا .. و ان دا اللى يقصده يبقى منه لله .. و ربنا لا يباركله فى حاجه بيعملها ..


تسلمـ ..


ورقـــــــ ,, ـــه

اقتباس:

---

انا لا اعتقد ان رجل اعمال زيه و على قدر اكيد من الثقافه نه هيقول الكلام دا ..
لان الناس اكيييد عارفه ان دا غلط و انه اكيد هيكون فيه شباب هيعملوا مقاطعه لاكبر مشاريعه اللى هى " موبينيل ."
و اكيد فيه اعداء له زى ما اتقال ان هم اللى ورا دا كله ..

---

فكره المقطعه ...صعبه شويه ..وأعتقد لازم حلول اكثر جديه ...واكثر قدره ع التاأثير...
كمان فكره انه رجل اعمال ومثقف اللى حضرتك بتتكملى عنها ...بعتقد انه فقط بيعبر عن التيار اللى بينتمى اليه ..تيار العلمانيه الطاغيه ..
يعنى من وجه نظره دا صح ..حتا وان تعارض مع شعب اغلبه يدين بالاسلام ويشتهر بالتدين والاتزام..

اقتباس:

---

بس الله.. اعلمـ ..

---

الواو ف غير محلها ...عطفتى أعلم ع الله سبحانه وتعالى

اقتباس:

---

عموما لو قال كدا فعلا .. و ان دا اللى يقصده يبقى منه لله .. و ربنا لا يباركله فى حاجه بيعملها ..

---

لا يغير الله ما بقوم الا اذا غيروا ما بأنفسهم
دمتم بعافيه

اقتباس:

---

المشاركة الأصلية كتبت بواسطة أحمد عمر

الواو ف غير محلها ...عطفتى أعلم ع الله سبحانه وتعالى

---

اســـفه ..

:)
ورقـــــ ,, ــــه

والله يااحمد هي مشكلة فعلا ومفروض مقاطعة
بس مين اللي حيعمل كدددددددددده