الزواج المبكر مشكله العصر

بسم الله الرحمن الرحيم
انهارده يا جماعه عاوزين نتكلم فى مشكله فى غاية الاهميه
هيا تعتبر مشكلة العصر من وجهة نظرى
وهيا طبعا الزواج المبكر وللاناث بالذات
تلاقى البنت عندها 14 و15 سنه وبيجيلها عريس واهلها بيوافقكم ومش كده وبس دى ممكن لو كانت بتدرس ولا حاجه تطلع من الدراسه او تكمل لمرحله معينه وتقف
وبعد الزواج تبدا اول المشاكل اللى مفيش زوجين بيصبرو عليها وهيا مشكلة الحمل والانجاب لو اتأ خرو شويه فى الحمل يجروا ورا الدكاترهويحصل بقى تعب ومشاكل كبيره جدا والدكتور طبعا بيكتب دوى بشىء وشويات
وصاحبك مش قادر يدفع
طبعا لازم ميقدرشى لانه لسه عنده 16 سنه يعنى طفل هيقدر ازاى يتحمل مسئولية اسره
ولو ربنا كره وحصل حمل ولا حاجه
تحصل بقى مضاعفات ومشاكل جامده اوى ومش عارف الجنين واضعه ايه
ومش عارف ايه خطر على الجنين وايه خطر على الام
ونضرب كف على كف ونرجع نقول يا ريت اللى جرى ما كان
ومش كده وبس دى بتكون سبب مباشر فى المشاكل الزوجيه اللى بتنتهى طبعا بابغض الحلال عند الله والعياذ بالله
طيب كان لازمته ايه من الاول
واحد يقولك بقى اصل البنت لو وصل سنها عند 16 سنه وماتجوزتشى هتعنس ونبى ده اسمه كلام
يا ترى الزواج ده اسبابه ايه
يا ترى الجهل الكامل للاسره
يا ترى كثرة الماده الى هيا الفلوس يعنى
انا بصراحه مش عارف
اريد ارائكم فى الموضوع


خالص تحاتى لكم
ريــــــم

فعلا يا ريم هى مشكله العصر الحالى والبنات هما الى بيتئذوا فى الموضوع دة واهلاها بيوفكوا من غير ما يخدوا رايوا البنت وبتالى البنت ممكن ما يخلهاش جوزها تكمل تعلمها يعنى تبقى جهلها واولادها هيكونوا هما كمان جهلا يعنى مش اتجنى على بنت بس البنت وولادها:-/مشكله فعلا ولازم يكون ليها حلX-(

الموضوع مهم اوى
هى فعلآ مشكله
ومشكله كبيره لانه البنت ببتظلم اوى فى الموضوع ده
بس اعتقد ياريم انو الموضوع ده قل شويا مش بقى زى الاول يعنى فيه ناس كتير تفكيرهم اتغير يعنى فيه ناس كتير دلوقت مش بترضى حتى انو بناتهم يتخطبوا قبل مايكملو تعليم ومش معنى انه قل انو مش موجود لا لسه فيه ناس برضو بيصروا على الزواج المبكر وشايفين انه ده الافضل
مشكوووووووووووووره

هي فعلا مشكلة واكيد طبعا البنت بتتظلم لو اتجوزت في سن مبكر متقدرش فيه انها تتحمل المسئولية او تكون ضعيفة جسمانيا او او وكل المشاكل اللي احنا عارفنها اللي بتنتج عن الزواج المبكر بس افتكر ان ده كان زمان واصبح كمان نادر اوى اوى ده ان مكنش شبه منعدم الايام دى حتى في الارياف بقي نادر اوى الزواج المبكر.. ممكن يكون موجود بس الاكيد انه مش زى زمان.. واللي اعرفه ان دلوقتى في قانون بيمنع البنت انها تتجوز قبل ال18 سنة
وعشان كده انا مفتكرش ان الزواج المبكر دلوقتى مشكلة العصر لان من وجهة نظري ان مشكلة العصر هي عكس مشكلة الزواج المبكر وهي (العنوسة وتأخر سن الزواج)
هو قد لاقي يجوز وهو معنس عشان يكون في جواز مبكر

بالعكس يا جماعه الموضوع منتشر اوى فى المناطق الريفيه يمكن احنا عشان فى بلاد العاصمه مش حاسين الموضوع دا لكن انا اعرف ناس كتير اوى اوى فى المناطق الريفيه المشكله دى لسه عندهم مستمره
ومرسى يا جماعه على مشاركتكم ومروركوا الجميل دا

هو فعلا 15 او 16 طفله وصعب تعتني باطفال والذي منه

لو قلنا طيب زمان كانو بيعملوا كده

انا بقول زمان لانه كانت البنت تسكن عند العيله والكل يهتم فيها ولما تنجب كانت الحماة وبناتها يهتموا بالطفل ويساعدوها ويعلموها كل شي

ماما تزوجت وهي 15

لكن هلأ مستحيل تزوج اختي وهي 16 لانه الزمن اختلف

هي فعلا مشكلة ويجب تلافيها وتثقيف الناس

يعني عالاقل تكون 18 كويس

تسلمي ريموووووووووو
موضوع جميل يستحق النقاش

انا اختلف معك لانه نسبة العنوسه في ازدياد واللي مش بتستغل الفرصه في اي سن ممكن تروح عليها وفجأة تلاقي نفسها عانس وتقبل في اي عريس يتقدم ولو على حسابها الخاص كل التكاليف
وانا متأكد ياريم انك بتستني العريس يجي مش مهم السن بقى المهم عريس مناسب

اقتباس:

---

المشاركة الأصلية كتبت بواسطة طيف عابر

هو فعلا 15 او 16 طفله وصعب تعتني باطفال والذي منه

لو قلنا طيب زمان كانو بيعملوا كده

انا بقول زمان لانه كانت البنت تسكن عند العيله والكل يهتم فيها ولما تنجب كانت الحماة وبناتها يهتموا بالطفل ويساعدوها ويعلموها كل شي

ماما تزوجت وهي 15

لكن هلأ مستحيل تزوج اختي وهي 16 لانه الزمن اختلف

هي فعلا مشكلة ويجب تلافيها وتثقيف الناس

يعني عالاقل تكون 18 كويس

تسلمي ريموووووووووو
موضوع جميل يستحق النقاش

---

مرسى يا طيوفه على رايك بس 18 سنه صغيره برضو مش كبيره وتقدر تشيل مسؤليه البنت هتكون لسه عايزه تعيش حايتها تخرج مع صحابها وتتفسح وتعيش زى صحابها مش هتقدر تشيل مسؤوليه خالص فى الوقت دا
تسلمى مره تانيه يا طيوفه على مرورك الحلو دا نورتى التبويك

اقتباس:

---

المشاركة الأصلية كتبت بواسطة زيد

انا اختلف معك لانه نسبة العنوسه في ازدياد واللي مش بتستغل الفرصه في اي سن ممكن تروح عليها وفجأة تلاقي نفسها عانس وتقبل في اي عريس يتقدم ولو على حسابها الخاص كل التكاليف
وانا متأكد ياريم انك بتستني العريس يجي مش مهم السن بقى المهم عريس مناسب

---

لالالالالالالالالالا
خالص يا زيد والله انا مش من محبين الزواج خالص بالذات فى السن المبكر دا لان الدنيا هتخرب خالص
ومش شرط ان البنت تستنى لما توصل سن العنوسه يعنى ممكن تتجوز فى السن المناسب اول ماتخلص دراستها لكن مش وهى عندها 15 او 16 سنه
مرسى يا زيد على مرورك الحلو دا

يا ريم انتى ببتكلمى عن موضوع نادر الوجود اصبح موضوع الزواج المبكر مش موجود وانتوا بتقولوا ان الموضوع دا منتشر فى الارياف او الصعيد طيب انا من الصعيد وعيز اقول ان الموضوع دا كان زمان حاليا فى الصعيد مفيش الكلام دا لان الزواج اصبح نادر الوجود فى ظل الظروف المعيشيه الصعبه وبعد مكان فى 5 او 6 حالات زواج فى الشهر اصبح حاله او مفيش فى الشهر واصبح سن زواج الشاب من 32 فما فوق اما الفتاه فأصبح 29 ومش قبل كدة انتى فاهمه حجم المشكله بمعنى ان الشاب او الفتاه لما يتجوزوا على السن دا امتى يكون فيه اسره متكامله لما يكون سنهم 50 اما عن المشكله ان الفتاه تتجوز فى سن 15 الى 20 فبصراحه دى مشكله اكبر ان احنا نسميها مشكله واحب اسألك
متى تزوج رسول الله (ص) من امنا عائشه رضى الله عنها ؟
انتى بتحسبى 15 الى 20 سنه طفله النساء على ايام المصطفى عليه الصلاه والسلام كانوا اصغر سنا من كده وكن لا يكتفين بتربيه ابنائهن تربيه قويمه صحيحه فقط بل كن العصا التى يتؤكأ عليها الرجال فكن يخرجن مع الرجال ليساعدوهم فى الحروب ( واظن ان السيره النبويه اكبر دليل على ذلك ) كن فى هذا السن وربين اولادهن خير تربيه ابنائهن الذين حملوا امانه التبليغ بعد المصطفى عليه الصلاه والسلام
احنا بس اتبعنا الغرب فى ما يقولونه لكى لا يتهمونا بالتخلف ................... ويجعله عامر

انا مع حبيبه وزيد وعمر
مشكله العنوسه هيا فعلا الى مشكله
لكن الزواج المبكر خلاص انتهى عصره
زمان كنا بنشوف اعلانات فى التلفزيون عن الزواج المبكر
لكن دلوقت فى مشكله اهم
العنوسه
العنوسه
العنوسه

الزواج المبكر مشكله فعلا بس انا شايف ان مافيش حد بيتجوز لا مبكرا ولا متاخرا ..شكرا على الموضوع

العنوسه موجوده اها .. وتقريبا بقت مشكله المشاكل عند معظم البنات والاهالى ...
بس لازم لما نحل المشكلة مش نعالجها بمشكلة تانية ... يعنى مش عشان نجوز البنت بدرى نضيع عليها حاجات كتيرة منها مثلا التعليم
وبعدين الجواز مش واحد وواحدة وعلاقه وخلاص لالالالالالا
ده تفاهم فكرى وتبادل اراء ومسؤوليه اعتقد الفتاه فى السن ده مش هتقدر عليها
يعنى حاجة هيبقى محكوم عليها بالفشل
خصوصا فى العصر اللى حان فيه الوقتى والتطورات والامكانايت اللى مكنتش موجوده زمان
لا اختلف مفهوم الجواز الوقتى ..... فلازم يكون فى اعادة نظر فى المساله دى

بسم الله الرحمن الرحيم
موضوع جميل وشيق وشائق لان الكلام ممكن مش يعجب الاسره لان الاعباء الاسريه بتجعل رب الاسره يفكر يزيح من عند بدون تفكير لان زمان ونقول زمان الوقت غير الوقت الزمن غيرالزمن يعنى من المضمون تغيرلم لا نتغير فى الفكر كان زمان المراه تتزوج مش( ----) تعلم معنى كلمه اسره وتريد الزواج فقط اما الان مفهوم الزواج اختلف خالص والدليل على ذلك نسبه الطلاق المفهوم الخاطأ وعدم الارتقاء الفكرى للزواج للبنت والولد
المهم اذا عرفنا ان هذا مكتوب ومقدر مش يوجد عنوسه الا بمزاج الانسان وده عن تجارب ويؤمن كل واحد بذلك وحده تقول منا هوه مش حد بياتى لى هقول لكى سوف باتى بأ ذن الله لان الدين بيقول كده وده فى الرجال كذلك واحد يقول محدش بيكلمنى خالص والله العمليه مش بتتحسب كده
العيب فينا احنا مش بعرف بعض كويس لان الاسلام قال افشو الاسلام بينكم حتى يسود الموده والمحبه
المهم عدم الاستعجال لان الرسول صلى الله عليه وسلم (قال واياكم وخضراء الدمن قالوا وما خضراء الدمن قال المراه الحسناء فى المنبت السوء

اللهم لى وبارك على سيدنا محمد

نايس توبيك

موضوع جميل يا ريم بس الموضوع دا مشكلة فعلا بس حاقولك حاجه الموضوع دا كان منتشر فى المناطق الرفية فعلا و الصعيد بس دا كان زمان حاليا اصبح فيه بنات ريفيين و صعايدة بيتعلموا و بيوصلوا لمستوى راقى من التعليم بالتالى الثقافات اللى كانت سائدة فى الاول اتغيرت و ثقافة ان البنت مالهاش غير بيتها و ماينفعش انها تتعلم برضه اتغيرت و دى الثقافة اللى كانت بتؤدى للزواج المبكر حاليا المشكلة الاكبر هى فعلا العنوسة اللى فى تزايد مستمر دلوقتى نسبة كبيرة من البنات مش بتتجوز قبل 28 سنة لصعوبة الظروف الخاصة بالمقبل على الزواج و المصاريف الهائلة اللى بيتحملها علشان كده الشباب اصبح بيتزوج فى سن 30 سنة و بعد كده كمان
مشكورة على موضوعك الجميل و تقبلى مرورى

موضوع يفتقر إلى اشياء جما اولها الإلمام برأي الدين و الرأي الحديث سواء علي المستوى الأجتماعي او الطبي
و مبني علي اسس هزلية تعرضه بل عرضته للأنهيار
لأن الزواج المُبكر هو خير وسيلة لعلاج 40% من المشاكل الإجتماعية و اولها ما استحدث من تحرش و اغتصاب و هتك عرض
و لأن الجهاز المركزي للتعبئة العامة و الإحصاء في مؤشراته الآخيرة لعامه 2007 اشار أن نسبة الطلاق فيمن تزوجوا ما بين الـ 13 - 22 ربيعاً من عمرهم نسبة الطلاق بينهن لا تتعدى الـ 5% و هذا معناه استقرار الحياة الزوجية و هذا علي صعيد مؤشرات اخرى تفيد بوجود حوالي 8/1 نساء مصر تحت خط العنوسة و ان ايضاً نسبة الطلاق الكبرى تقع ما بين 50% تقريباً من المتزوجون الحاليون نسبة كبيرة جدا و ان سن العنوسة للنساء هو 36 سنة
و الدين ينصح بالزواج المبكر و الدراسات العلمية الحديثة سواء طبية او اجتماعية اثبتت بعد ما كانت تعارض الزواج المبكر اثبتت ان ذاك الأخير هو افضل وسيلة لحماية المجتمع و اكثر صحة في المراهقة و كبح جماحها
ملحوظة:- ما سلفتٌ من قول ليس وجه رأي و نظر فحسب بل هي مؤشرات و نتائج و بداية لعناوين بحث طويل و شاق و جاد من مؤشرات حقيقية ملموسة و مدعمة بخط عريض من سطور الواقع الي تشرف طياته علي الأنفراد

هو يعني حسب شب شو بطلب منو عقلو ازا كانو تنين بحبو بعض بجد بكون الجواز بجد حقيقي حلو انا بعرف لانو الجواز المتبكر اكبر غلط لشب الصغير بس كلهم بحكووو انا حر بتصرفاتي انا من الشباب بس اخلص تعليمي بعدين بفكر بجواز هيك شي يعني يلي بشوفو هون فلسطين بجد بحكي كمان اربعين سنة بجوز
لسى بدري عليها يعني بدي اكمل دراسة المهم يلي عندي احكيتوو يا ريم في عندك ناس مزوجة هم صغار هيهم عيشين بجد بجد الموضوع بعقد يعني دمار

تسلمي يا احتي ع الموضوع الرائع


.::.. غزة.::.

للاسف انا معرض جدا لللموضوع

اقتباس:

---

يا ترى الزواج ده اسبابه ايه
يا ترى الجهل الكامل للاسره
يا ترى كثرة الماده الى هيا الفلوس يعنى
انا بصراحه مش عارف
اريد ارائكم فى الموضوع

---

أعتقد أنو ده الشئ الوحيد اللي نجحو في عن الصعايده
ولو كانو بيعملو غلط
الزواج في سن مبكر
أطول انواع الزواج اللي يدوم
وأنا أعرف ناس فعلا أتجوزت وهي عندها 15 سنة ودلوقتي قاعد في جوازو يجي 35 سنة
وسعيد جدااا
أولا الحب في سن صغير بيبقى ألطف
ثانيا حكاية أنو الجواز مسؤوليه وكده
ده بقى من منطقة التربيه فافي ناس فعلا مش عايزه ولادها تكبر وبيعاملوهم كأنهم أطفال وهما 15 و14 وممكن يكون بلغو 12
فحكاية أنهم يعملوهم أطفال ومايعلمهمش المسؤوليه فهنا بتبقى المشكله وسؤال برضه أزاي طفل 16 سنة
زمان على ايام الدول الأمويه والعباثية كانو بيقدو جيوش وهما 15 سنة
وبالنسبة للحمل في حكاية المشاكل ديه مش شرط
وحكاية أنو البنت أو الولد يبطل الدراسه ديه مش شرط برضه فاهيا بتاخذ من وقت الحياة اليومي قليل جدا
وفطرة الأنسان الجوزا غالبا عند البلوغ ومننساش أنو ديه سنة اصحاب النبي صلى الله عليه وسلم منقدرش نعقد نقول بقى جهل
بالسنبه للمجتمع المصري التأخير وناس تتجوز وتبقى وصلت 27 و 28 يعني عدت منتصف العمر ده بيبقى للأسباب ماليه فقد لغير

اقتباس:

---

ومش كده وبس دى بتكون سبب مباشر فى المشاكل الزوجيه اللى بتنتهى طبعا بابغض الحلال عند الله والعياذ بالله

---

وأنا معارض جدا للجمله ديه
اللي سمعتو عن ناس متجوزين بقالهم 40 و 50 سنة كانو متجوزين في سن مبكر والمشاكل في بتبقى أقل لو في سن كبير
ده راي
وبأنتظار المناقشه
مروري ..
جوست

بس فين ده دلوووووووقتى بقي نادر الحمد لله
بقينا بنواجه مشكلة العنووووووووووووسه
بقت دي مشكلة العصر حاليا للاسف
انما الجواز المبكر فيه حالات منو نجت بس دي بتاعت اجدادنا
دلوقتى البنت في اعدادى وتقلك عاوزه اعيش سنى يعنى فاهمين
باقي بس جمب الصعيد والارياف
والموضوع ده ينتهي للابد

مرسي ليكي


والله كلامك جميل اوي

الاخوه الافاضل الزواج المبكر ليس هو المشكله المشكله ماينتج عنه من سرعه فى تصرفات الزوجين وهما غير كاملين النمو العقلى اما بالنسبه لنجاح بعض الزيجات فهذا يعنى لرضوخ فكر الاسرة السابقه وبعهضا يرجع لمفهوم الاهل بالوراثه وهى تتدخل بعض الجينات الوراثيه كاعامل اساسى فى ذلك الزواج اما اذا كان هناك نضوج فكرى وثقافى فلا مانع ولكن فى اغلب الاحيان كلا منهم يزهد تكرار الحياه الروتينيه اذا ماكان هناك تجديد حيوى للزوجين ولكم تحياتى على عرض تلك المواضيع الهامه التى يتناقشها الشباب اليوم

بوصى يا ريم ألأول أعرفكم بنفس أنا بهاءألأسيوطى 19 سنة
ده بقت حاجة طبيعية فى ألأغنية أو الفقراء
فى ألأغنية بيقولك أصلك أبو الواد والبيت أصحاب والواد متربي ومن عيلة وألأهم عنده فلوس وفى بزنس بنهم طيب مبيحبوش بعض لأ الحب هيجى بعد الجواز
والفقراء عوزين يسطرو البت وبعد كدة الفرصة بتجى مرة وحدة والعريس معاه شقة وعربية والحجات الى أحنة مش معنة زيهة وبعد كدة هيعيشهة عيشة متحلمش بيه وطبعن أحنا معهة وطبعن الكلمة المعتادة الحب هيجى بعد الجواز و أول حاجة بتحصل بعد الجواز المشاكل وأول كلمة بيقولهة أنتى نسيتى نفسك ده أنا الى نضفتك وبعد كدة الطلاق
رأيي الخاص وطبعن القعدتين غلط.غلط.غلط

على فكرة الموضوع ده مش نادر الوجود ده منتشر وفي ازدياد كمان انا اعرف اصحابي من واحنا في الثانوية يعني في سن 18 سنة متجوزين بنات اصغر منهم بس والله حاجة لذيذة انك يبقى سنك صغير وعندك اطفال تقدر تلاقي الفرصة اللي تربيهم فيها .......
مش معنى كدة اني موافق على الزواج المبكر اللي هو في سن16و17 18و19 ده بصراحة انا بعتبرة يعني مش محبب اما بعد السن ده فأنا شايفة مناسب جدا من الناحية التفسية انك تقدر تتحمل مسئولية وتصبح اب بمعنى الكلمة ( النضوج الفكري والعقلي يااخواننا)
دي وجهة نظري ممكون صح وممكن تكون غلط
وشكرااااااااااااا على الموضوع اللذيذ ده وعاوزين مواضيع لذيذة كدة دايما

يا ترى الزواج ده اسبابه ايه
طبعا بيكون اما الام والاب عاوزين يجوزوا بنتهم وخلاص او العريس مريش حبتين
ودا مش بيحصل الااذا كان العريس غنى شوية بس عقلة عقل عيال

انا لا ارى اي مشكلة
دا جواز يعني بيت واسرة واستقرار وعصمة وابنك جنبك يبقى زي اخوك الصغير بمعنى اخر مفيش مساحة كبيرة بين طرق التفكير
لكن المهم القدرة والكفاية والكفاءة والاحتماء بالقيم والدين
اما عن اللي بيرفض ياما تبع بتوع الحكومة او قصر ديل
في حد زعل ولا حاجة؟

لعلمك ريم الريف الان اكثر تقدم اكثر منالاول انا من اليكس اه بس اعرف ناس كثير من الريف بيحوا العلم وبقى مفش حاجه اسمه جوز مبكر بعكس هنا فى المدن فى كثير بيفكروا بهذه الطريقه

[COLOR="rgb(139, 0, 0)"]اولا الموضوع جميل جدا و يستحق ان احنا نتكلم فيه
تانى حاجة انا معاكى تقريبا فى نص الكلام اللى قولته بس مننساش ان الرسول صلى الله عليه و سلم قال فيم معناه ان لو جه حد محترم كويس يقدر يتحمل مسئولية ليه لا المشكلة كمان عند الاهالى ليه ميدربوش ابنائهم على المسئولية زى زمان بقى فيه دلع و بالعكس الابناء هم اللى ماشيين كلامهم على الاباء لو كل اب و ام قدروا يربوا و لادهم على تحمل المسئوليه من و هم صغيرين زمان دلوقتى مش بنقول ان مشكلة الزواج المبكر ديه مشكلة المشكلة هى فينا مش فى القضية غير كده زى ما زميلتنا قالت مشكله العنوسة تعرفوا ان فيه 2700 عانس فى مصر انتحروا فى سنة واحده ده ليه عشان بنقول لا لسة بدرى لسة صغيرة لما تخلص
بس ان شاء الله ربنا يهدينا و نقدر نغير نفسنا و منتكلمش عن الموضوع بسطحية[/COLOR]

السلام عليكم ورحمة الله وبركاته
___________________________

طبعا دي او تدخل ليا واول مشاركه وطبعا ليا الشرف ان اول مشاركه ليا تكون معاكي يا قمرايه والموضوع الذيذ ده وطبعا انا شايفه ان اصدقائي واصحابي في المنتدي قالوا رايهم وطبعا في اللي موفقاهم علي رايهم وفي اللي بختلف معاهم وطبعا الموضوع لسه مطروح للكل مع اني شايفه ان طبعا كلوا قال كلام جميل جدا ومفيد وبالاضافه للقمرايه ريم اللي ضافة شئ لذيذ وموضوع شيق ومثيربس متفقه مع اخواتي اللي قالوا ان المشكله مبقتشت زواج مبكر لا بقت نسبة العنوسه ازدات جدا ولو في زواج مبكر هيبقي بسبب الخوف من نسبة العنوسه اللي كل يوم بتزداد يعني نسبة الضئيله اللي موجوده من الزواج المبكر هي معتمده اعتماد اساسي علي كثرة نسبة العنوسه بس يا جماعه الحاجه الوحيده اللي لا يمكن نختلف عليها ابدا واكيد انتوا نسيتوا ذكرها ان ده اولا واخيرا نصيب من عند الله واللي ليه نصيب في حاجه هيشوفها يعني المساله مبقتش بقي مشكلة جواز مبكر ولا عنوسه لا دي كلها ارزاق ونصيب من عند الله واسفه لللاطاله ويارب تكونوا استفدتوا وافادتوا من الموضوع الشيق ده تقبلي مروري يا قمرايه

السلام عليكم ورحمة الله وبركاته
إخواني
إحنا ليه عملناها مشكلة
والله الزواج المبكر أفضل نعمة علي المسلم إذا كان يستطيع الانفاق
اما سمعتم عن الحديث الشريف
من استطاع منكم البآءة فليتزوج
سيبك من العنوسة وسيبك من اللي يقول مشاكل بعد الزواج
حتي كبار السن يحدث معهم مشاكل
لان هذا من طبيعه الحياة
فالزواج المبكر فضل من الله
وانا اشجعه واحث عليه دائما
عذرآ ان أختلف مع كثير في الرأي
فإن اختلاف الرأي لا يفسد للود قضية
أشكرك أختي علي موضوعك
وتقبلي مروري

يعني ايه زواج كافي حاجه زي كده سمعت عنها

كان ياما كان فيه حاجه زمان كان اسمها الزواج بس طبعا انقرضت في هذا الزمان لان دا زمان الي معاهم المال والي ممعهمش المال يروحو يملى على جنبهم ويقولى دا زمن الحيتان مش زمن الانسان ويا عجبى زمان الى كان فيه الانسان ملك

هااااااااااااااااااي اخباركم ايه يا جماعة ..
صراحة انا من وجهة نظري دي مش مشكلة العصر بل هي حل العصر في الزمن دا اللي كله جرائم سترة البنت احسن من لا قدر الله تيجيب لاهلها مصيبة وتفضحهم واظن احنا بنسمع كل يوم اللي بيحصل في البنات ؟؟ يبقى دي بقت مشكلة من وجهة نظركم ..
تسلمي يا حبيبتي على الموضوع المثير للإعجاب ..

السلام عليكم ورحمة الله وبركاتة

في نظري ايها الاخوة الاعزاء انه لا توجد مشكلة في الزواج المبكر سواء للرجل او المرأه وحتى لو اختلف الزمان فأن الرجل يبقى رجل في كل زمن وحتى المرأه ايضا فلو نظرنا مثلا الرجل من عهد النبي صلى الله عليه وسلم الى الأن في وقتنا الحاضر ان الرجل يبلغ وتظهر عليه علامات البلوغ في سن معين وايضا المرأه كذلك ولو نظرنا ايضا الى الشذوذ الجنسي_عافانا الله واياكم_ لدى الابناء والبنات لوجدنا انه يكون في نفس هذا العمر والدليل على ذلك فالننظر الى الأحصائيه في المدارس الامريكية "الاعداديه" وكم عدد حالات الحمل فيها هذا الامر الاول.

اما الامر الثاني وهو اذا اتى طفل او طفلين كيف سأصرف عليهم ومن اين سأتي بالمال والسكن وغيرها اقول له :.
قال صلى الله عليه وسلم:(ثلاثه "حق" على الله عونهم_وذكر منهم_الرجل يريد ان يتزوج "ليعف" نفسه)
اعتقد ايها الأخوة ان الحديث واضح فلو اتاك ملك من ملوك الدنيا وقال لك انت تريد ان تتزوج لتعف نفسك؟ اذا سأعينك, هل سيصبح عندك هم من هموم الزواج؟ بالتأكيد لا
ولله المثل الأعلى اذا ايها الأخوة من اراد ان يتزوج ليعف نفسه فاعلم ان الله سيعينه على امور الزواج
وان في الزواج المبكر فوائد عظيمة وجمة للفرد والمجتمع منها الاستقرار واستشعار المسؤلية و صلاح الشباب _المجتمع_ وعدم ذهابهم لأماكن الفساد والرذيلة وغيرها كثير جدا
ويوجد لدي اكثر من قصة لشباب تزوجوا مبكرا وتيسرت امور زواجهم,ويحدثني بعضهم يقول كلما رزقت بمولود كلما فتح الله لي باب رزق, ويحدثني بعضهم ايضا وهو الأن في الثلاثين يقول والله اني لأجد ثمار زواجي مبكرا الأن , لماذا لأنهم تزوجوا ليعفوا نفوسهم
وهناك حديث ايها الاخوة كان يتوجب علي ان اذكره في المقدمة وهو:.
قال صلى الله عليه وسلم: (يا معشر الشباب من استطاع منكم البأة فليتزوج)
وهذا الحديث ايضا فيه حث على الزواج المبكر
ومتأسف جدا أيها الأخوة على الأطالة
وصلى الله وسلم على سيدنا وحبيبنا محمد عليه افضل صلاة وأتم تسليم