انك تكون عازمها علي خروجه وتكونوا في مطعم وتيجي الفاتوره 150 جنيه وانت ممعكش غير 50 وتدفع هيه طبعا
انك تكون ماشي معاها علي الكورنيش ويجي واد صايع يعاكسها وانت تعمل بورم وتضرب الواد وهي تفرح بيك بس بعد ما الواد يجي اصحابه اللي كانوا واقفين علي جنب ويدوك الطريحه التمام
انك تكون بتكلمها في التليفون والكارت يخلص وانت طبيعي ممعكش فلوس وكالعاده تستلف من اصحابك وتكلمها تاني وطبعا متعرفش تمشي في الشارع من الديانا
انك تستناها في عز البرد انها تبص من الشباك وهي تكون بتتفرج علي فيلم لاحمد السقا وانت مستني وتعرف بعدين انها نسيتك وتتاسفلك وانت راقد عيان في السرير
انها تعترفلك انها عرفتك علي صاحبتها لتختبرك ان عينك مش زايغه وان صاحبتها قالتلها انك مش بتاع كده ولما ترجع تكلم صاحبتها بعد ما كنتم اتواعدتم في اخر خروجه مع بعض انك لما تروح تكلمها وصاحبتك طبعا قرطاس
