البتاع

يا للي فتحت

البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي تبع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول

ايه القصيدة الجامده دي
بس ممكن أعرف ما هو البتاع؟:))=))

ايه البتاع ده ؟
هو مين؟

اعقتد انها قصيده لا احمد نجم ع ما اتصور

بصراحه مش عارفه ايه البتاع ؟؟

ده البتاع ده عبارة عن ايه بس هى البتاعة جامدة اوى

دي بتتكلم عن أحوال المصريين واللى بيحصل فيهم

بس بصراحد ايه رأيكم؟

حلوة بس الحمد الله انا مش فاهمه اى حاجه ههههههههههههههههههههههههه ههههههههههههههههههه=))=))=))

ايه يا مودى الحيرة دى انا مش فاهمه
ممكن تقولى ايه هو البتاع؟

كان بدري عليك يبنى:D
حسبي الله ونعم الوكيل/:)

لا ياراااااااااجل...ده البتاع ده فعلا غريب اوي.ههههههه
:-/:-/:-/:-/:-/:-/:-/:-/:-/:-/:-/:-/:-/
;););)
انطق يا عم وقول ايه البتاع ده؟!!!

البتاع جامد قصدى الموضوع جامد جدا تسلم يا معلم
بس اه هو البتاع!!!!!!!!!!!

يا جماعه لو ركزتم فيها هتلاقي ان البتاع ده

اهم بتاع في حياتنا

اهم شئ زلنا وخنقنا

هنلاقي البتاع هو حال المصريين اللى زهقم وتعبو

واحوال الحكام المصريين اللى كانو بيقولو هيعملو وما عملو

عرفتو ايه البتاع ؟

ما المقصود قى من القصيده اللى مش باين ملامح ليها
وبعدين لو اتكلمنا عن البتوع مش هانحلص خالص
وتشكر يا مودى باشا على الموضوع ;)

فعلا واضح ان البتاع ده تاعب المصريين خالص وواضح انه وحش وكمان واضح انه قلقك خالص
بس ايه بقه هوه البتاع ده:D

طب ليه العقد دى هو احنا ناقصين البتاع ده كمان ما كفايه البتوع اللى عندنا بس جامده

بصراحه عندك حق
وبعدين الكلام واضح مش محتاج شرح
تسلم على التوبيك الجامد ده

مش عشان هوه قال كلمه
لازم يقولكوا الترجمه بتاعتها
القصيده معناها واضح:)