ونقول بسم الله الرحمن الرحيم
قعدت ام محمد حزينة ومضايقة كتير وسألتها عن سبب حزنها فقالت لي
****
شوفي يا بنتي
انا وعمك ابو محمد عشرة عمر ومتزوجين من اكتر من تلاتين سنة بفهمله من دون ما يتكلم وبعرف الاشياء يلي بيحبها وبعملها له
والاشياء اللي بتزعجه وببعد عنها
دايماً اكله جاهز والبيت نضيف وعامله واجبي وزيادة كمان
ابو محمد انسان طيب لابعد الحدود لكن ما بعرف ليش برمضان هالانسان بيتغير وبيقلب ولا كأنه هو
بيدخل البيت بيتأفأف وما في شي عاجبه
كل كلامه اف اف على هالعيشه
شو هالعيله
الاكل مش عاجبه
معصب على طول شتم وعصبيه ولا طايق يكلم حد
وعارفه ليش كل هاد؟؟
لانه ابو محمد بعيد عنك بيدخن ولما يصوم بيبقى هيك حتى يأذن المغرب بيشرب مي وبيشعل سيجارة وبتلاقيه رجع هادي وكويس
بصراحة انا بعتبره انسان تاني لدرجة اني اوقات بكرهه من عمايله لانه حتى وقت المغرب بيضيع علينا فرصة الدعاء وهو بيشتم ومعصب وكأنه صايم لالنا مش لنفسه
اوقات انا بطلب منه يفطر احسن لانه الصيام مش مجرد جوع بطن
لا الصيام اخلاق ومسك اعصاب وصبر وقدرة احتمال
ولا لأ؟؟
هاد كلام ام محمد عن زوجها المدخن في رمضان
يا ترى كم ابو محمد موجود؟!
وهل البعض فعلاً بيصوم عن الاكل فقط ؟؟
وهل هاد الهدف من الصيام
الجوع بس؟!
المرة الجاي ام محمد والمنتجات الاجنبيه
