أشهر جمل بيقولوها الأب و الأم في مصر

1. أشهر جمل بيقولوها الأب و الأم في مصر
   1. انت فاكرنا لاقين الفلوس دى في الشارع .
      
   2. ما تتكلمش بصوت عالي في الحمام .
      
   3. والله ما انت فالح .. وادي دقني أهه .
      
   4. ما تنمش غير لما تغسل سنانك .
      
   5. ما تلزقش في التلفزيون كده .. نظرك هيضيع .
      
   6. سلم على عمك كويس يا ولد .
      
   7. يا ابني محدش هينفعك .
      
   8. ما تطلعش ايدك من الشباك .
      
   9. قصة الغريق الكاذب اللي كل مره يقول الحقوني ... لحد ما غرق بجد .
      
   10. ربنا يرزقك بعيل يوريك اللي ورتهوني .
       
   11. ما تطلعش على الملايه النظيفه و رجليك مت***ه كده .
       
   12. نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟
       
   13. طلع ايدك من جيبك و انت بتكلمني .
       
   14. ايه الا مبالاه و الاستهتار اللي انت عايش فيهم دول
       
   15. قوم اقرا لك كلمتين ينفعوك .
       
   16. وطي المدعوق ده شويه .
       
   17. انت فاكرنا نايمين على ودانا ؟
       
   18. يا ابني انت مسطول ولا ايه ؟
       
   19. ما تلبسش القميص على اللحم زي العيال الصايعه .
       
   20. بلاش أكل بره .
       
   21. كلمنا لما توصل .
       
   22. عيـــب ... لازم تحترم اللي أكبر منك .
       
   23. لو شفت خناقه ما لكش دعوة بيها .
       
   24. لازم تأكل سلطه .
       
   25. اوعى تكدب عليا كده تاني مرره .
       
   26. اوعى حد غريب يديلك حاجه تاكلها و تشربها و تاخدها منه .
       
   27. يا ابني كلم خالتك العيانه اسأل عليها .
       
   28. بلاش لعب في الشارع .
       
   29. ما تعليش صوتك .
       
   30. وانت فاكر احنا مستنيين منك حاجه .
       
   31. المسلسل مش هينفعك ...قوم .
       
   32. ما تقعدش قدام المروحه وانت مستحمي .
       
   33. كفايه رغي في التليفونات .
       
   34. بلاش وقفة الشبابيك و البلكونات .
       
   35. اوعى تقول لحد هات لي حاجة .
       
   36. كل على مهلك .. وامضغ كويس ... وما تكلش
   37. وانت واقف .. وكل من قدامك ما تحفش .
       
   38. اطفي التلفزيون وقوم ذاكر . أو اطفي التلفزيون و خش اوضتك .
       
   39. ربنا يهديك ربنا يهديك ...
       
   40. ما تمشيش حافي في السقعة دي
       
   41. ما فيش مذاكرة على المزيكا .. أو .. بتذاكر إزاي و البتاع ده شغال جنبك
       
   42. افرد ظهرك .
       
   43. ما تتأخرش بعد المدرسه و تقعد تصيع مع أصحابك .
       
   44. بص كويس و انت بتعدي الشارع .
       
   45. ومالها الكتب بتاعة الوزاره ؟! او بالنسبة للكليات ليه كورسات ما انت لوبتحضر محاضراتك كنت فلحت
       
   46. اللي بيشيل قربه مخرومة بتخر عليه لوحده ..
       
   47. لو مش فاهم حاجه ارفع ايدك و قول للأستاذ مش فاهم .. متتكسفش .
   48. تقعد في أول صف قدام السبوره .
       
   49. ما تردش عليا .
       
   50. مش عايز اسمع صوت .
       
   51. مالكش دعوة بالسياسة .. وماتمشيش في مظاهرات .
   
   التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .
   
   و أخيرا ::
   
   ضرب
   امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا
   

ههههههههههه جميل جدا

شكرا علي المرور

:)) :)) ههههه والله فعلا يا ميدو كل الجمل اللى كتبتها دى صحيحه مليون فى الميه وكلها بتتقال .. موضوع جميل وبشكرك عليه

اقتباس:

---

ما فيش مذاكرة على المزيكا .. أو .. بتذاكر إزاي و البتاع ده شغال جنبك
ما تلزقش في التلفزيون كده .. نظرك هيضيع

---

هههههه عندك حق

ميرسي ميدو :D

:)) :)) :))
تسلم ايدك يا مان على التوبيك الجميل ده
و على الكلااااااااااام المتداول كل يوم ده

اللي بيشيل قربه مخرومة بتخر عليه لوحده
ده اكثر حلاوة عندهم
مرسي ميدووووووو

:)):)):))

بس برضه ولا جايب نتيجة
تسلم الايادى
مشكووووووووووووووووووووور

:):):) يجزيك الخير يا رب

والله فعلا الكلام ده معظمه بيتقال
ايه ياميدو القدرات دي ماشاء الله
عااااااالي اوي التوبيك ده :)):)):)):)):)):)):))
وبس..

اه فعلا الكلام دا بسمع منه كتير

فى كمان جملة
يأختى قومى ساعدى أمك دا اللى هاياخدك أمه داعيه عليه.