اراهنك على عشرين جنيه ان دخلت ومضحكتش واتحداك

نظرا لكثرة الأمثال قررنا إعادة صياغيته ونشرها بطريقه طريفه

المثل: من طلب العلا يتفضل فى كابينه 4
الأصل: من طلب العلا سهر الليالى


المثل: اللى بيته من إزاز ميغيرش هدومه فى الصالون
الأصل: اللى بيته من ازاز ما يحدفشى الناس بالطوب


المثل: فاقد الشىء يدور عليه
الأصل: فاقد الشىء لا يعطيه


المثل: اقلب القدره على فومها الفول يقع منها
الأصل: اقلب القدرة على فومها تطلع البت لأمها


المثل: تأتى الرياح محمله بالأتربة
الأصل: تأتى الرياح بما لا تشتهى السفن


المثل: ياخبرالنهارده بفلوس بكره ينزل عليه أوكازيون
الأصل: يا خبر النهاردة بفلوس بكرى يبقى ببلاش


المثل: اللى معاه قرش محيره يجيب حمام ويحمره
الأصل: اللى معاه قرش محيره يجيب حمام و يطيره


المثل: جت الحزينه تفرح شغلت شريط حكيم وقعدت ترقص
الأصل: جت الحزينة تفرح ملقتلهاش مطرح


المثل: قال يامحشحشين يكفيكوا شر الكمين
الأصل: قال يا قاعدين يكفيكوا شر الجايين


المثل: اللى ياكل لوحده يشبع
الأصل: اللى ياكل لوحده يزور


المثل: لاتبكى على اللبن فى البسكوت
الأصل: لا تبكى على اللبن المسكوب


المثل: اقطع عرق و حته بتلو
الأصل: اقطع عرق و سيح دمه


المثل: اطبخى ياجاريه الأنبوبه فاضيه يا سيدى
الأصل: اطبخى يا جارية كلف يا سيدى


المثل: لو حبيبك عسل ما تحطلوش طحينة
الأصل: لو حبيبك عسل متلحسوش كله


المثل: اللى يتلسع من الشوربه يتصل بالمطافى
الاصل: اللى يتلسع من الشوربة ينفخ فى الزبادى


المثل: وبكره ترجع ريما من عند خلتها فى مارينا
الاصل: و بكرة ترجع ريما لعادتها القديمة


المثل: ياداخل بين البصله وقشرتها حط قطرة علشان هادمع من ريحتها
الاصل: ياداخل بين البصله وقشرتها ما ينوبك الا ريحتها


المثل: اصوم اصوم وافطر على المدفع
الاصل: اصوم اصوم وافطر على بصلة


المثل: القرش الأبيض بيعوم فى البحر الأحمر
الاصل: القرش الأبيض بينفع فى اليوم الاسود


المثل: ضربوا الأعور على عينه قالهم كسرتوا النضاره
الاصل : ضربوا الاعور على عينه قالك خسرانة خسرانة


المثل: اللى ميشفش من الغربال يكشف نظر
الاصل: اللى ميشفش من الغربال يبقى أعمى


المثل: المال السايب يعلم الطلبه
الاصل: المال السايب يعلم السرقة


المثل: نام وارتاح وكل عسل نحل التمساح
الاصل: مش عارفاه و الى يعرف يقول


المثل: من خرج من داره مينساش يأخد المفتاح معاه
الاصل: من خرج من داره يتقل مقداره


المثل: الباب اللى يجيجلك منه الريح شيله وركب قبنورى
الاصل: الباب اللى يجيجلك منه الريح سده و استريح


المثل: المضطر يركب التاكسى
الاصل: المضطر يركب الصعب


المثل: رب صدفة خير من ألف ليلة و ليلة
الاصل: رب صدفة خير من ألف ميعاد


المثل: اللى يخاف من العفريت يعمل عبيط
الاصل: اللى يخاف من العفريت يطلعله


المثل: حجه البليد بصرف فلوسى على البعيد
الاصل: حجه البليد مسح السبورة


المثل: المركب اللى فيها رايسين يلعبوا طاولة
الاصل: المركب اللى فيها رايسين تغرق


المثل: اللى خدتوا القرعه تخدو ام الخلول
الاصل: اللى خدتوا القرعه تخدو ام الشعور


المثل: أكل العيش يحب الطعميه
الاصل: أكل العيش يحب الخفية


المثل: العين عليها لينسز
الاصل: العين عليها حارس


المثل: قالوا للحرامى أحلف قالهم وحياة قلبى وأفراحوا
الاصل: قالوا للحرامى أحلف قال جالك الفرج


المثل: اجرى يا بنى ادم جري الوحوش اوتوبيس 114 ماتلحقوش
الاصل: اجرى يا بنى ادم جري الوحوش غير رزقك لن تحوش




أمثــــــال عربيــــات النقــــل


المثل: متبصليش بعين رضيه دنا طلع عين أمى فى السعوديه


المثل: ربنا يحميكى من الميكانيكى


المثل: الحلوة أسمها تفاحة للسفر والسياحة


المثل: الحلوة من حلوان وصاحبها راجل غلبان


المثل: الحلوة من دمياط وعليها أقساط


المثل: قصه كفاح مش جايه على المرتاح


المثل: اجرى جري الوحوش اوتوبيس 710 ماتلحقوش

ياسلام بقى لو اشوف ردودكم الجميلة مستنيها اعى تخش ومتكتبش تعليق
خليك جدع واكتب تعليق

ههههههههههه جميل جدا

شكرا علي المرور

متحدكتش الى على حبة صغيرين ( اوعوا تصدقوا )
يلا هتدينى العشرين جنيه بقا
:D:D:D

ههههههههههههههههههههههه
موضوع جميل

ههههههههههههههه حلوين جدااااا والمثل اللى انتى مش عارفاه نام وارتاح يأتيك النجاح

والله من غير تحدي
وهات العشرين جنيه
ولا قولك المسامح كريم
بس بلاش تحدي ثاني

:D:D:D:D

حلوين كتير تسلم الايادى
الف شكر

O:-)شكرا بس عايزة ألعشرين جنية ولا نخلينا كويسين زى طيف عابر ونسامح

ههههههههههههههههه
حلوين اوووووووووى طول عمرى نفسى احفظ امثال بس يوم لما احفظها احفظها متلغبطه بس زى العثل
يسلمو دياتك
مشكوووووووووور

ههههههه

حلو 35% بس فعلا بلاش تحدي تانى لان المرة الجاية هيتخرب بيتك لانك هتدفع هتدفع

لكن المرة دي( المسامح كريم)

:D:D:D

ههههههه

ياعم هات العشرين جنيه أكمل بيهم تمن البنطلون

اديني عشرين جنية
انا مدحكتش بس قهقهت
:">:">:">:">=))=))=))=))

:-O:-O:-O:-O:-O:-O:(:((:((يلا كده من غير دوشه تطلع العشرين جنيه وبسرعه

وياريت تكون فكه لو مش عندك مانع