بسطّر من نزيف بوحى
كلام الحب لعيونك
وبكتبلك خيال مرسوم
على اوراقك
بيهدر رعد صوت مكبوت
وبيلون سما حجابك
بخبط كل يوم ابواب
ومنيش عارف طريق بابك
وسكه ضلمه ممدوده
مابين قلبى ينورها
وبين قلبك وأعتابك
فلملم منى كل الخوف
ولّحن لحن مش مكسوف
وأقوم داقق على اوتارك
اصحى الحلم ف ضلوعك
واشوف شمس الشتاء شارقه
على خدودك
فتكوينى بضيا نورك
وأعلق كل أحساسى بأحساسك
ورعشت ايد تغطينى
يموت برّدى مابين حضنك
وأنفاسك
فجاوبينى
انا حارس بحراسك
ولا مالك كيان قلبك
وأحساسك
مفيش داعى لألامى
مدام حبى فتكوينك
ولا حبى نسيم عابر
يطرّى الخد
ويرسم بسمه وقتيه
على شفافك
وقلبك بين ضلوع حراس
مهوش قادر يخبينى
....
غرامك دمّى شرايينى
غرامك شىء بيحيينى
ياموجه فوق جبال الموت
مابين شطيين بتسحبنى
تشرقنى.....
وبين احضان كما البركان
تغرقنى....
ومنيش عايز ايدين تتمد تلحقنى
ولا طوق نجاه وهمى
يفوقنى
وارجع تانى استنى
جواب منها
فتضحك منى
مكسوفه
وقوام تجرى وتسبقنى
