أدمــــــن مـــــــا تــــــــــم .. (( الحلقة الرابعة عشر ))
السلام عليكم و رحمة الله وبركاته
أهلا بيكم في سابع حلقة من
برنامجنا
الأدمن النهاردة .. أب و صديق و أخ كبير
بأخلاقة الحميدة و كلماته الرقيقة .. كسب قلوب أعضاء الكافيه
العضو النهاردة أو الأب اللي معانا في الحلقة
معروف بذوقه و طيبته و قمة الاحترام
معانــا النهاردة
الأستاذ الأب الروحي للكافيه
" أحمد الصباغ "
السلام عليكم .. منـــور البرنامج يا أستاذ أحمد
أخبار حضرتك ايه ؟! و ايه كان أخبار رمضان مع حضرتك ؟
وعليكم السلام ورحمة الله وبركاته وكل عام وانتم بكل خير وصحه وسلامه وهناء ونجاح
كل سنة و حضرتك طيب بمناسبة العيد و مفتقدين وجودك معانا في الكافيه
ايه رأيك اننا نستضيفك معانا في البرنامج في اواخر حلقات من برنامجنـا
انه لمن حسن حظى ويشرفنى ويسعدنى ان اكون ضيفا وادعو الله ان لا اكون ضيفا ثقيلا او غير مرغوب فيه
طيب في إعتقاد حضرتك ايه يكون رد علي مدكور و انت الادمن دلوقتي
بالنسبه للابن على مدكور انا متأكد من انه سيرحب وسيسعد باعفائه من هذه المهمه الصعبه ومهيصدق ويمكن ميرجعش ليها تانى ؟!!
كلمــة تحب توجهها بمناسبة انتهاء رمضان و بمناسبة العيد
اولا انا حزين لانتهاء هذا الشهر الكريم وكم هو شهر ملئ بالبركات والايمان ونسمات الخير والسعاده والبهجه
ثانيا بمناسبة عيد الفطر المبارك اعاده الله على الجميع باليمن والخير والبركات فأنا اتمنى ان يجعل كل ايامكم اعياد وافراح وكل عام وانتم بخير وفى اتم صحه وعافيه !!
ـــــــــــــــــــــــــ ـــــــــــــــ
و نبدأ أول مرحلــــة
" السياسة "
حتبقي ايه سياسة حضرتك في كلمة واحدة ؟
الحب!!
حاجة نفسك تغيرها في الكـــافيه ؟!! و حــاجة نفسك تفضــل موجـــودة ؟!!
ايه تجديداتك في الكــافيه ؟!! او الاستايل اللي في دماغك ؟ بصراحه وبدون نفاق او رياء يعتبر منتدى مصراوى كافيه من افضل واحسن المنتديات العربيه الموجوده على النت وذلك لنوعية اعضائه ومشرفيه فيندر ان تجد مثل هذه المجموعه بهذا الترابط والحب والتفانى وانكار الذات فالكل ينصهر فى فرد واحد والجميع شعور واحد واحساس واحد فنجد من يبارك فى الافراح والنجاح والمناسبات السعيده ومن يشارك فى الاتراح بالعزاء والمجامله وكذلك احتضان كل عضو جديد بكل حب وسعاده اضف على ذلك اعياد الميلاد والمشاكل الخاصه والشاهد من هذا كله انك اذا نظرت الى مايحدث فى مصراوى كافيه تجده طبق الاصل ما يحدث فى حياة كل واحد منا فى اسرتة وملحوظه غريبه وجدتها فى اعضاء هذه الاسرة ان الاعضاء الغير مرغوبين او الذين لا يتوافقون مع الاعضاء الاساسيين بالمنتدى تجدهم لا يستمرون وينسحبون ولا يكون لهم اى دور فعال فى المنتدى
وانا لا اريد اى تغيير خاصة فى اعضاء الكافيه فهذه هى الصوره التى تعرفنا على بعضنا فيها ولا اريد ان تتغير لاننا احببنا بعضنا على هذه الصوره وكل ما ارجوه واتمناه ان يكون لكل الاعضاء مشاركات مستمره وتكون هذه المشاركات ايجابيه ويستفيد الجميع منها
ـــــــــــــــــــــــــ ـــــــــــــــ
" تاني مرحلــة .. اختيـــار المشرفيـــن "
دلوقتي انت أول لما حتبقي الأدمن .. كل المشرفين حيتعزلوا و يبقوا أعضاء
و الكافيه مش حيبفي مسؤول عنه غيرك .. طبعا حاجة طبيعية إنك حتعين مشرفين
حتختــار مشرفين يمسكوا الأقسام الموجودة في الكافيه
كل اللي عليك تقول مين يصلح للموضوع دا
و علي فكرة ممكن تختــار أكتر من شخص في نفس الركن
نبدأ يلا
قنــــاة مصــراوي
سراج وكارثه و ماجمان واحمد التيتى
الركــن العــام
احمد الزعيم
الركـــن الإسلامي
العوامى وساجده
الركـــن الأدبي
احمد عمر
ركــن مصراوي يتحدي الملل
ماج مان وعمرو حسن وساندرا
ركن العائلات
شمس الاصيل وهمسة ولاء
ركن عيال حبيبة
افضل ان يتم رفع هذا الركن نهائيا
ركن مصراوي تي في
تيمور وكارثه
ركن مركز شباب مصراوي
سراج مجدى وروزى وشيخ البلد
الركن التعليمي
بنت الاسلام والعوامى
الكمبيوتر و الانترنت
على مدكور وامرنا لله
وهبه بنتى
مصراوي فيديو جيم
تريكه
مصراوي موبايل
على مدكور وتريكه وماس مان وعشماوى
ركن الستالايت و الفضائيات
احمد الصباغ
و أخيرا بقي حضرتك تختــار مين يبقي مشرف عام و ليـــــــــه
اظن ان الرأى الاول والثانى والثالث والاخير و دون شك او فصال او نزاع
الأبنه الحبيبه العزيزه على نفسى ملكة المنتدى بدون منازع او مشارك او منافس
طيف
وذلك لأسباب اذا اردت ان احصرها فلن ولم استطع ان احصيها او اعدها او ارصدها
يكفى ان اقول انها العمود الفقرى للمنتدى
وهى كما قلت
ملكة المنتدى المتوجه
ـــــــــــــــــــــــــ ــــــــــــــ
أخيرا بنوصل لآخر مرحلـــة
" القرارات و الاستبــعاد "
مين اللي نفســـك تمشيــه من الكـــافيه ؟!
انا ضد تكميم الافواه وعندى مبدأ ان اختلاف الرأى لا يفسد للود قضيه وانا ضد الحكر على الرأى او وقف او شطب اى عضو وقد استأت جدا منذ فتره عندما تم شطب احد الاعضاء واتمنى الغاء هذه الخاصيه واستخدامها فى المواضيع الخارجه عن الاداب فقط
مين من الاعضاء أو المشرفين عايز تعمله ايقاف كام يوم كدا ؟!!
احمد الصباغ وذلك لتقصيره الشديد فى حق الكافيه ولأنه فى يوم من الايام وعد الاعضاء برحله الى الفيوم واخل بوعده مما يعتبر باب من ابواب النداله ولكن نلتمس له العذر فقد كانت هناك لديه ظروف خاصه جدا وصعبه حالت دون اتمام الرحله وهو ياسف جدا جدا للجميع وارجوا ان تسامحوه وتعذروه
ايه الاقسام اللي عايز تضيفها ؟! و الاقسام اللي عايز تمسحها ؟!
اولا عايز اشيل عيال حبيبه ودمج بعض الاركان مثل ركن العائلات فروعه ممكن تندمج فى واحد او اثنين ومركز شباب مصراوى ومصراوى تى فى ومصراوى موبايل !
قبل ما نتم البرنامج .. بكل أسف أو فرح بقي علي حسب اجاباتك
ايه يكون آخر قرار تاخده قبل ما عضو مميز من الدرجة الأولي ؟!!
و ايه الكلمة اللي توجهها لأعضاء الكافيه في آخر لحظاتك كأدمن ؟!!
و ايه اللي تقوله لعلي مدكور و مسؤولياته كل يوم ؟!!
اخر قرار اخده انى امنع وقف ارسال الرسائل الخاصه مهما كانت الاسباب
واحب اقول لاخوانى وابنائى اعضاء الكافيه اتمنى من الله ان تظلوا هكذا تذداد بينكم الموده والترابط والاحترام يوما بعد يوم وان تكون المصلحه الاولى والاهتمام الاول للجميع هو الكافيه
رأيك في مسؤوليه الأدمن ؟!
بصراحه مسئوليه كبيره جدا والله يساعد على مدكور ويكون فى عونه
شكرا أستاذ أحمد علي وقتك معانا و كل إجابات حضرتك
انا اللى متشكر و ممنون وسعيد لهذه الاستضافه
وشكر خاص للابن على مدكور صاحب الكافيه على انه اسس هذا المنتدى الذى جمعنا وعرفنا بهذه الكوكبه من افضل واجمل واحسن اعضاء منتدى على النت
و للأسف يصدر فرمان عالي جدا بعزلك من درجة أدمن و ترجع عضو مميز من الدرجة الأولي
كلمـــة أخيرة
انا اللى متشكر وسعيد جدا بهذا اللقاء واسف على التأخير فى الرد ويارب اكون موجعتش دماغكم او يكون دمى تقيل
دا حضرتك نورتنا النهاردة
و شكرا جدا لوقتكم معانا
و كل سنة و حضرتك طيب
شكرا كتير لكل اللي تابعونا النهاردة
و شكرا لضيفينا الادمن التي لم يتم
استنوا اخر حلقتين من برنامجنــا
وكل سنة و انتم طيبين
تريكـــة وأحمــــد
العضــو اللي جي مفــــاجأة جااااااااااامدة أوي
>:D<
