لو أبوها رفع السماعة هتعمل ايه؟

تخيل سعادتك كده مأنتخ علي السرير الساعة اتنين بالليل ومضلم الأوضة ومسلك سلك التليفون من الصالة,وواخد غطس تحت اللحاف وفي وسط الأشواق الملهلبة



بتحبني ياتوفيق؟


طبعا ياجمالات : دانتي الهوا اللي بتنفسه والميه اللي بشربها.... ناقص تقولها سجارة البانجو اللي بتكيفني


يعني مش هتتخلي عني أبدا


عمري ياحبي وحتي تنطفيء النجوم


وحتي يقع القمر


وحتي يفوز الزمالك علي الأهلي


عيب تقولي كده ياجمالات


سمعتي أغنية بحبك بتاعة رامي صبري؟.


اه مالها ياحبيبي....


.كل كلمة فيها بتفكرني بيكي يانور عيني


بحبك نفسي أقولهالك: وانا ايدي في ايد....


وفجأه.
نعم ياروح أمك؟


.وهنا هنقول ستوب ونوقف المشهد ونبدأ نسأل السؤال هتعمل ايه ساعتها؟أو نتخيل سيناريوهات مختلفة للي هيحصل بعدها
ممكن مثلا تقفل السكة وطبعا لمدة 12 سنه قدام هتلاقي البت تليفونها مقفول ومبتجيش جامعة.......والسيناريو ده يجرنا لتساؤل تاني


في الحاله دي تعمل واد محترم بقي وتروح تتقدملها وغرضي شريف واسف ياعمي وجاي من الباب والكلام ده


ولا تبقي واد روش موديل 2008 خارج من الاجنص حالا وتخلي واحدة صاحبتها تكلمها؟


ولا تطلع ندل وتنفضلها واهو البنات كتير


ده سيناريو مكتمل محتمل للي ممكن يحصل
فيه سيناريو تاني


.نعم ياروح أمك؟......ده أبوها


ساعتها انت موش هتقفل السكة


ثواني ياعمي أنا والله بحب جمالات بس مستني وقت أرتبط بيها


وهنا هيختلف رد فعل الأب حسب شخصيته يعني ممكن يكون راجل جنتل ويقولك


حب ايه ياحيلة الست الحاجة روح ياض العب بعيد


وممكن يكون راجل عقلاني....


هو يابني اللي يحب حد يكلمه الساعة دي


لو اختك ترضي حد يكلمها كده؟


يابني اللي بيحب حد ميخلهوش يعمل حاجه غلط ولو حتي باسم الحب


.وعموما يابني ممكن أعرف انت عايز ايه دلوقت؟


وهنا هتبان نواياك


يااما تاخد منه معاد تقابله وتكلمه وتشرحله ظروفك


يااما تقول ياعمي انا نفسي اكلمها وافضل معاها سنتين تلاتة لحد مااكون نفسي وطبعا بما أنه راجل محترم فرده هيبقي


.تك....صوت سماعة بتتحط وسكة بتتقفل في وشك
فيه سيناريو تالت


أنك تطلع ندل وترد عليه


ماتشتمش يابا الحاج انت متلم بنتك ياأخويا


انا مضربتهاش علي ايدها


وطبعا رد فعل الراجل علي بق زي ده


يااما هيقع علي الكرسي من الصدمة وتسمع صوت (بابا بابا)


أو هيرد علي كلامك



وممكن يبقي فيه سيناريو رابع


أول ماابوها يدخل...هتلاقي جمالاات بتقولك


ثواني ياتيفا...بتدلعك ياعم مين قدك يابختك


فيه حاجة يابابا مخبطتش ليه قبل ماتدخل.


.معلش ياجمالاات اصلي كنت بدور علي حاجة معلش اني مخبطتش


.طيب يابابا عاوز حاجة؟


لا خلاص هدور في أوضة تانية



وفيه سيناريو كمان


.وده بقي محتاج واد ابن جنية


وهو انك اول ماتلاقي صوت أبوها فجأة ترقق صوتك علي قد ماتقدر وتعمل نفسك واحدة صحبتها وعشان السيناريو ده ينجح فانت محتاج أب اهبل عشان يصدقه
أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش


وفي الحالة دي يااما الراجل هيديك فاصل شتيمة في أختك وفي نخوتك وأخلاقك


أو ممكن يطلع الراجل تربية عاليه ويصدق ويقولك أما توصل يابني ابقوا طمنونا


.لو أبوها راجل ودمه حامي


فيبقي اللي تقدر تعمله بس انها تكون لها علاقات في المستشفيات خصوصا قسم العظام
عشان يتوصوا بيها و بيك انت كمان
بعد عم الحج ما يسلم عليكم هههههههه


لوبقى انت تبقى توفيق....

وانتي تبقى جمالات......

هتعملوا ايه في موقف زي ده .... هتتصرفوا ازاي..؟؟
فى انتظار ردود كل توفيق وكل جمالات هههههههههههههههههههههه

هههههههههههههههه
والله حصلت معايا قبل كده كنت بكلمها واخوها رد عليا
عملت عبيط وبقولها مال صوتك طخن ليه كده يا حبيبتى انتى عيانه
اخوها فضل يشتم وحبك برص انت بتستهبل
قولتله معلش الظاهر طلبت النمره غلط
مش دى صيدليه ابو تريكه للادوات الكهربائيه
قالى لا يا خفيف
قولتله شكرا يا تقيل ورحت قافل
ههههههههههههههههه

بص ياعم لو انا توفيق هيكون التصرف بتاعى كالتالى (الو .... عبد الموجود موجود ) يرد الاب * وحيات امك انت بتسأل عن عبد الموجود برضه * اروح انا ارد وانا اعصابى فى ديب فريزر ( طيب وحيات والدك خليه يبعت خمسه كيلو جمبرى وتسعه كيلو بلطى طازة)واروح اقفل السماعه بسرعة البرق
ودى مش نداله لسمح الله ولا تخلى عن جمالات ولكن عملا بمبدأ ( الجرى نص المجدعه وفى الحالات دى بيكون المجدعه كلها ) وانا ولله الحمد اجدع واحد ممكن تقابله فى حياتك .................. ويجعله عامر

=))=))=))=))=))=))

ردكوا بجد ضحكنيى موووووووووووووووت :)):)):))

تسلموا ع مروركوا وردكوا ده:D

بجد موقف سخيف بس تخيلوا انكم خايفين من باباها ومش خايفين من الى خالقها وهى بتعمل كده وهوه شايفها ولما تقابله هتقله ايه ربنا يهدى الجميع

تسلمى يا حبيبتى ع ردك ومرورك وبجد عندك حق يا قمر:)

ههههههههههههههههههههههههه ههههههه
=))=))=))=))=))
لو دخل عليا بابا مش هعمل حاجة غير انى اقفل السكة في وشه او استخبي تحت البطانية قصدى أخبي التليفون لغاية اما بابا يخرج لكن لو بابا هو اللي رد عليه انا معرفش بجد هو ايه اللي ممكن يحصل
=))=))=))=))=))
وربنا يستر
=))=))=))=))=))
وتسلمى يا قمر عالتوبيك الحلو ده

اقتباس:

---

المشاركة الأصلية كتبت بواسطة حبيبة

ههههههههههههههههههههههههه ههههههه

=))=))=))=))=))
لو دخل عليا بابا مش هعمل حاجة غير انى اقفل السكة في وشه او استخبي تحت البطانية قصدى أخبي التليفون لغاية اما بابا يخرج لكن لو بابا هو اللي رد عليه انا معرفش بجد هو ايه اللي ممكن يحصل
=))=))=))=))=))
وربنا يستر
=))=))=))=))=))

وتسلمى يا قمر عالتوبيك الحلو ده

---

:D:D:D:D :Dههههههههههههههههههههههه

ده انتى اللى تسلميلى يا قمر ع ردك الحلو ده وع فكرة هعمل اللى هتعمليه ده بالظبط لو اتقفشت

ههههههههههههههههههههه

انا هعمل هبله لو بابا دخل الاوضه واقول طب ماشي يا سوما نتقابل في المدرسه واكيد غباء الواد العبيط اللي بكلمه مش هيكون صفر لدرجه انه يسأل سوما مين=))

والحمد لله انا مبعملش حاجه من ورا بابا وماما ومش مرتبطه بحد ويوم ما افكر ارتبط يكونو هما عارفين قبل ما انا اعرف اساسا;;)

تسلمي بس ردود العيال دي لذيذه طحن=)) وكمان مين العاميه العامشه وقعر الحله اللي ترضي بواحد اسمه توفيق/:)

اقتباس:

---

المشاركة الأصلية كتبت بواسطة Locked Heart

=)) وكمان مين العاميه العامشه وقعر الحله اللي ترضي بواحد اسمه توفيق/:)

---

اكيد واحد اسمها جمالات
هههههههههههههههه


بصراحه انا معنديش رد على الموضوع ده
عشان استحاله يحصل عندى
او اكلم حد من ورا اهلى

تسلمى ياقمر على التوبيك:)

ههههههههههههههههههههههههه هه
ياخرااااااااااااشى على الضحك اللى انا قطعته اانا لو وبقوووووول لو حصل يعنى الموقف

انا ممكن اقوله عبد الموجود موجود ... وادينى 6 كيلو سمك وجمبرى

وسك على بناتك بقى ..... هههههههههههههههه
بجد التوبك تحفه =))=))=))

اقتباس:

---

المشاركة الأصلية كتبت بواسطة Locked Heart

انا هعمل هبله لو بابا دخل الاوضه واقول طب ماشي يا سوما نتقابل في المدرسه واكيد غباء الواد العبيط اللي بكلمه مش هيكون صفر لدرجه انه يسأل سوما مين=))

والحمد لله انا مبعملش حاجه من ورا بابا وماما ومش مرتبطه بحد ويوم ما افكر ارتبط يكونو هما عارفين قبل ما انا اعرف اساسا;;)

تسلمي بس ردود العيال دي لذيذه طحن=)) وكمان مين العاميه العامشه وقعر الحله اللي ترضي بواحد اسمه توفيق/:)

---

ههههههههههههههههههههههههه هههههههههههههههههههههه والله انتى عثثثثولة :D

واحسن حاجة طبعا ان يكون اهلناعارفين كل حاجة ومتكونش حاجة من وراهم :)


تسلميلى يا قمر :x

اقتباس:

---

المشاركة الأصلية كتبت بواسطة jewel_lowis

اكيد واحد اسمها جمالات
هههههههههههههههه


بصراحه انا معنديش رد على الموضوع ده
عشان استحاله يحصل عندى
او اكلم حد من ورا اهلى

تسلمى ياقمر على التوبيك:)

---

تسلميلى يا احلى انجى ع ردك ومرورك الحلو ده وطبعا ده الصح والمفروض انه يحصل;):)

اقتباس:

---

المشاركة الأصلية كتبت بواسطة m.chezoo

ههههههههههههههههههههههههه هه
ياخرااااااااااااشى على الضحك اللى انا قطعته اانا لو وبقوووووول لو حصل يعنى الموقف

انا ممكن اقوله عبد الموجود موجود ... وادينى 6 كيلو سمك وجمبرى

وسك على بناتك بقى ..... هههههههههههههههه
بجد التوبك تحفه =))=))=))

---

ههههههههههههههههههههههههه هههههههههه:D:D

تسلم يا شيزو ع مرورك الجااااااااااااااامد ده وافتكرنى بالسمك الباقى بقى ههههههههههههههههههههههههه ه