مطلوب عريس على وجه السرعة
إمبارح كان عمري 20
لأ 30
لأ 33
ونص
الصراحة مش فاكرة
ولا بمعني أصح ما بقتش أعد خلاص
زهقت...
التورتة ما بقاش فيها مكان لشموع يا ناااس......
أقولكم؟
يا ريت يكون قراء الموضوع من البنات فقط عشان أتكلم كده براحتي ...وأتبحبح!
كل سنة وأنا طيبة وسعيدة ومنتعشة خلاص عيد ميلادي جه
عيد ميلادي الكام؟
الحاجة وتلاتين! وماحدش يسألني ويقول (الحاجة) دي يعني كام...
حاجة وتلاتين وخلاص...
حاجة وتلاتين شمعة في عين العدوين
يعني الشباب والروشنة
يعني النضج والمسئولية
يعني المرح والانطلاق
يعني أجمل سن وأحلى الأوقات
وسمعني أحلى سلام للحاجة وتلاتين شمعة يا جدع
تم تراارااا تم تم....
وإيييييييييييه
نعود لمرجوعنا الأساسي وهو إحساسي وأنا عندي حاجة وتلاتيييييييييين سنة
وأنا الحمد لله
الحمد لله كمان مرة
لسة متفائلة
ولسة برضه بدور على السعادة
أديني بدور أهو...أهو..
لكن بإحساس مختلف شوية المرة دي
لأني حتى هذه اللحظة لم أتزوج!
ولم أخلع ولا أُطلق ولا أترمل ولا أي حاجة خالص
ودخلت حزب العوانس إياه باقتدار
وبعدين بقى؟
أنا اتفقت معاكم إني اتبحبح ...خلاص بقى سيبونييييييي
والحقيقة وفى الواقع
يا سادة يا إكرام
أنا مش زعلانة..!!
ومش متأنثرة
ولا أي حاجة خااااالص
نوهاااائييييي
واللي يلمح – بس يلمح – إني متأنثرة أدب صوابعي العشرة في عينييييييه...
آه...أمال إيه؟
سايبة هي ولا سايبة؟
ولا يمكن سايبة؟ (قابضة عمولة محترمة من شركة حلاوة رشيدي الميزان)
وفي الحقيقة برضه خبرة العونسة دي خبرة مميزة ومفيدة وآخر حلاااااااوة
يعني برضه إحساس الواحدة وهي عانس كده إحساس مختلف...
يا سلاااااااام
بنكهة الليمون
وكله فيتامين سي
أهو ينفع عشان البرد وكده
يعني قصدي إنه إحساس جديد
بيخليني أحس بحوالي 11 مليون شاب وشابة تعدوا سن 35 ولم يتزوجوا
تقولي بقى بطالة
تقولي غلاء أسعار وارتفاع تكلفة الزواج بالتالي
تقولي الرجالة انضربت "لا مؤاخذة يعني"
تقولي الشباب مقضيها إنترنت وفضائيات وعرفي
تقولي ضاع الإحساس
ماتت الإنسانية
الشباب خايف من المسئولية
المهم...
إن النتيجة واحدة
ما حدش بيتجوز في البلد دي يا جماعة
يعني إيه؟
يعني معدلات الانحراف الجنسي تزيد
والعلاقات غير الشرعية تزيد
وظهور أنواع شتى من الزواج إلا طبعا الزواج الرسمي بتاع أمي وأمك ده.
يعني مافيش جيل جديد يجدد دماء مصر المحروسة
يعني انخفاض إنتاجية
يعني اكتئاب وانطواء
وعصبية وتوتر
وحط من هنا للصبح مصايب سودة
بس برضه
برضه عشان تبقوا عارفين
اللي تجوزوا ...ربنا نتعهم يعني كده ونالوا الشرف السامي
5 % منهم بس اللي سعداء
مش قصر ديل والله العظيم
ما تفهمونيش غلط
دا كلام باحث إعلامي قد الدنيا
أرجع تاني وأقولك:
إن ما تحسبوش يا بنات إن الجواز راحة
وما تزعلوش يا بنات إن قلنا بصراحة
إن الجواز عمره عمره ما كان راحة
ومهما نتعب نقول
تعب الحبيب راحة
عارفين
لأ عارفين دي اللي في الأغنية...
إنما عارفين برضه؟
الرضا بالمقسوم عبادة يا غوايش (عبارة تكررت كثيراً في مسلسل غوايش المعروض من سنوات).
واللي انكتب ع الجبين لازم تشوفه العين
إنما أقول إيه لأمي وخالتي وطنطي
كلهم كده بربطة المعلم عمالين يزنوا...
يا بنتي ...
العمر بيجري...
يا بنتي هتخلفي إمتى...
أقول لها : يا ماما...الجواز دا رزق
والرزق دا بتاع ربنا
وكله بأوانه
وبعدين أديني طول عمري الأولى الحمد لله
حتى في دي
أول عانس في العيلة
بالذمة مش تميز برضه ولا أنا غلطانة؟
تمصمص شفايفها وتقول لي: ربنا يكرمك يا بنتي إنتي واللي زيك..
قلت لها يا ماما طيب ننزل إعلان في الصحف ولا على الإنترنت مثلاً (من باب إن اريحها برضة).
أم برضه يا جماعة وعايزة تفرح ببنتها ...قالت لي لأ
وبعدين لو نظرنا للموضوع من جهة أخرى
جهة العروسة العانس
تلاقي الواحدة من دول زي الفل
مالها زميلتي اللي جنبي في المكتب أهي بقت 34 سنة وماشية في الـ35 وبرضه زي حالاتي...
عيبها إيه يعني؟
هه؟
ولا البنت صاحبتي الدكتورة المتدينة الجميلة ....بالله عليكم...
دي تعنس ليييييييييييه
توصل لحد 38 سنة من غير جواز...ليه؟
أنا أهو...
وحشة؟؟ لا أبداً الحمد لله حلوة ، أه مش ملكة جمال (وماحدش يجيب لي سيرة نانسي ولا هيفا) لكن ربنا خلقني جميلة.
مبهدلة؟ لا برضه بعرف ألبس الحمد لله...
يعني مش أشيك بنت في "الحبانية" وضواحيها...
بس بلبس كوييييس
جاهلة؟ إطلاقاً دا أنا خريجة جامعة وعال العال.
بنت شوارعية؟ لا والله متربية وبنت ناس محترمة وأخلاق وذوق ذوق ذوق الصراحة.
عطلانة؟ نوهائي دا أنا بشتغل وبقبض، ومرتبي مكفي وكويس واللي بيفضل منه بسدد بيه ديون مصر! وبكتب في عشرينات أهو وزي الفل.
دمي تقيل؟ خاااالص دا أنا حتى البنت المرحة اللي بتهيص القعدة وتحلي الجو وتروق اللي معاها وتفرفشهم...
أمال إيه الموضوع؟
في إييه؟؟؟
انزل الشارع اخطف راجل وأروح أتجوزه
وأجري على أمي وأبويا اصرخ فيهم : عريس يا أماااااااي.... عرييييس
عريييييس يااا أمااااي عريييييييس
طوخه يا بوي بس ما تعوروش ؟
إيه العمل طيب؟
مطلوب عريس على وجه السرعة
ولا دا كمان نستورده من الصين؟!
ولا أقولكم نعمله
download
"تحميل" من الإنترنت أهو أسرع وأرخص
دلونا يا أهل الحل والربط
دلونا على الحل يا ناس..
(أليس منكم رجل رشيد؟)
منقووووووووووول
أيه رأيكم؟؟
=((
رد: مطلوب عريس على وجه السرعة
يعنى الراي معروف احمد
ظروف صعبه جعلت الشباب يلغي فكرة الزواج والبنات بتعانى من نواحى كتيرة اولا والاصعب لقب عانس
تانيا مضايقات من الاهل والاقارب والجيران بالسؤال دائما
هو انتى لسه ما تزوجتى ؟؟
كمان الخوف من عدم الزواج في عمر مناسب للانجاب والحرمان من الامومة
يعنى ضغوط كتير بتكون عالبنت
والله يكون في العون
الموضوع رائع وبيناقش فكرة مهمة
رد: مطلوب عريس على وجه السرعة
حلوة موضوع نعمله داون لود((في سرك العريس الصيني هيعقدك اختار العريس الياباني اهو صناعي احسن)) بس فعلا الظروف الماديه مش مساعده الشباب انهم يتجوزو وبيقضوها حب لحد ما يلاقو شغل بعد كدا ينفضو للبت وطبعا دا كله بسبب الفلوس يعني مش ذنبهم والمشكله ان الضغوط كلها علي البنت والبنت هيا المظلومه في النص بس الحمد لله انا لسه 15 سنه لسه موصلتش للجواز عشان اعنس بس ان شاء الله مش هاخد اللقب دا
رد: مطلوب عريس على وجه السرعة
فعلا ظروف الشباب الماديه هيا الى خلتهم ميفكروش في الجواز الرسمي
انما بتخليهم يلجئو لحجات تانيه والعلاقات الاخرى لانهم مش خسرانين منها حاجه
ولا هيدفعو فيها فلوس
وميرسي عالتوبيك الرائع جدا دا
محتاج نقاش نار
رد: مطلوب عريس على وجه السرعة
تحفههههه بجد ان شاء الله هتفرج من عند ربنا فعلا مشاكل اللشباب كترت وده بيدفعهم للغلط
بس اللى ايمانه قوى الحمد لله يثبت يارب لازم فى عز المشاكل وصعوبات الحياه اللى احنا فيها دى
نرجع للدين حتى لانضعف ولا ننساق فى تيارها وباذن الله ربنا ييسرلنا الخير جميعا
رد: مطلوب عريس على وجه السرعة
الرجوع للدين هو الحل الوحيد وبجانب مشاكل اقتصاديه يبنغى حلها ع وجه السرعه
شكرا لكل من مر وشرفنى بالرد:)
رد: مطلوب عريس على وجه السرعة
موضوعك بيمس الوتر ياعمر
بس أكيد فيه حل
:-?:-?:-?
البساطة
صح هى البساطة
ازاى بقى
1-البيه أبو العروسة مش لازم يبص لبنت فلان اللى جالها دهب بالشئ الفلانى
وفرحها كان فى الخرابة الفلانية
"أقلهن مهوراً أكثرهن بركة"
صدق الرسول الكريم عليه الصلاة والسلام
2-الهانم أم العروسة مش لازم يعنى تقعد فى قعدة الأمهات المتحدة
وتتفشخر بجوازة المحروسة
3-الهانم "العروسة" ماتبصش لصاحبتها بنت البيه الفلانى
والهانم الفلانية
هو حد لاقى عرسان
4-البيه العريس مش لازم يكون فرحه ماحصلش
يقضيها بأى تكاليف ويعف نفسه
5-البيه والهانم أولياء أمر البيه العريس
مايبصوش للناس ويعملو حساب الناس فى كل حاجة
يعنى ببساطة حبة تنازل من كل الأطراف السابقة
هتحل أزمة جيل من الشباب
عايز يعف نفسه من الحرام أو العرفى زى مابيقولو
أرجو عدم الإطالة
شكراً تانى مرة ياعمر
رد: مطلوب عريس على وجه السرعة
تسلم عوامى كلام منطقى جدااااااااااااااااااااااا ااااااااااا
اسعدنى مرورك
رد: مطلوب عريس على وجه السرعة
الدمعه كانت " هتفر" من عيني وانا اقرئ هذ الكلام..
الموضوع بصراحه جامد يعني وانت عامل كلام روعه
شوف يا سيدي
ان الغلاء والعيشه المهببه اللي احنا عايشينها مش سامحه نهائيا
يمكن زي ماقولت بطاله
ممكن زي ماعوامي قال مش لازم الفشخره من الاهل
المهم ان شاء الله البنات والولاد حيتجوز ادعو انتو بس
رد: مطلوب عريس على وجه السرعة
والله الراجل اللى اسمه العوامى ده بيقول كلام انما ايه فى الصميم
زى اللى بيجى فى البتاع اللى اسمه التالافازيون
****************
بس اعتقد يا جماعة ان بعد كام سنة اكيد الابهات والامهات هيبقوا امام امر واقع واللى بنتو الاولانية اتجوزت بعد التلاتين مش هيكرر الغلطة مع الصغيرة واكيد هيتنازل وهيتساهل فى جوزها
وواحدة واحدة امور المقارنات والتباهى والفشخرة هتقل
وربنا يكرمنا كلنا ونتجوز
انا متفائل ولثه عندى امل
رد: مطلوب عريس على وجه السرعة
رد: مطلوب عريس على وجه السرعة
http://www.arabsys.net/pic/zkarf/36.gif
هذا الموضوع فى غاية الاهميه وربما يكون هو موضوع الساعه
فالبنات وصلن الى الثلاثين وربما تجاوزوه ولا احد يطرق بابهن واذا حدث وطرقه تجده كأنه يبحث عن شخص اخر اوصفات اخرى غير التى امامه وهناك احتمال اخر وهو ان يكون العريس القادم شخص عابس ماجن مستهتر بمشاعر الاخرين لديه وقت فراغ وليس لديه مال فيسلى نفسه عسى ان يقع فى فريسه يسهل اصطيادها دون زواج او تكاليف معيشه واذا لم يجد فلن يخسر شئ
نحن امام مشكله حقيقيه تهدد امان المجتمع وسعادته واستقراره ونموه ولابد لها من حل
وانا مع الابن العوامى فى ارائه ووجهه نظره فلابد ان تتغير هذه العادات والمعتقدات وياليت كل واحد يبدأ بنفسه
رد: مطلوب عريس على وجه السرعة
اقتباس:
ولا دا كمان نستورده من الصين؟!
ولا أقولكم نعمله
download
"تحميل" من الإنترنت أهو أسرع وأرخص
المستورد وخاصة الصيني مضروب
مدة صلاحيته منتهية قبل الشراء
أما الدون لود فده برضه مش سهل
يعني محتاج سيريال نمر
أو كي أو باتش على حسب
ويمكن الاسطوانة تطلع مش أصلي
وطبعا الصناعة المحلية على حسب ماورد من الجميع ضاربها السلك
خلي أبوها طلع راجل طيب وادى له البنت من غير ولا مليم
وحد ابن حلال اتبرع لهم بالشقة والموبليا
طيب هيعيشوا ازاي
عندك ايجار الشقة
فاتورة التليفون والكهرباوالمياه والغاز والنظافة والعوايد
والأكل والدكتور
وده طبعا من غير لاهدوم جديدة ولا فسح لاقدر الله
نيجي بأه لموضوع الخلفة
أولادد يعني
احسب بامبرز في سنتين
و......
ولا كفاية كده شكل الشباب والبنات اتعقدوا
لأ بصوا للأمور بمنظار وردي@-)
أنا ماشية كفاية كده
رد: مطلوب عريس على وجه السرعة
بصراحه موضوع فعلا رائع
اعتقد فعلا ان غلاء المهور وطلبات اهل العروسه وكمان البطاله
من اكتر الاسباب اللي تخلي الشباب متقبلش علي الجواز
هيتجوز ازاي وهو مبيشتغلش ولا معاه ياكل وغير كده كمان يروح يطلب ايد العروسه ويدخل البيت من بابه يلاقيهم طالبين مهر ايه وشقة ايه وعربيه و.......و....................
فمن الطبيعي ان الشباب تلجأ للزواج العرفي طبعا هو مش مبرر بس عقولهم كده
انا شايفه ان بجد لازم يكون في مراعاة من اولياء الامور والاهالي للشباب
مشكووووووووور جداااااااااا علي الموضوع المميز
رد: مطلوب عريس على وجه السرعة
جزاكم الله خيرا اخي والاحظ ان الموضوع نوقش جيدا والردود جيدة ومناسبه
رد: مطلوب عريس على وجه السرعة
ربنا ما بينساش حد
مش قصدى السخريه والله بس فعلا ما بقناش عارفيين المشكله فين بجد فى الشاب اللى كل حاجه غليت عليه وظروف الحياه الصعبه ولا فى البنت اللى محترمه المقبوله شكلا ولا فى اهل العروسه اللى مش عارفيين عايزيين الفرح ازاى ولا الشبكه بكام ولا هو يبقى ابن فلان الفلانى ولا الشقه كله كوم والشقه كوم تانى 5 مطارح بمنافعهم ويمكن يكونوا هما عايشيين فى اوضتين انما نرجع ونقول ربنا ما بينساش حد
رد: مطلوب عريس على وجه السرعة
اقتباس:
المشاركة الأصلية كتبت بواسطة kokototy
ربنا ما بينساش حد
مش قصدى السخريه والله بس فعلا ما بقناش عارفيين المشكله فين بجد فى الشاب اللى كل حاجه غليت عليه وظروف الحياه الصعبه ولا فى البنت اللى محترمه المقبوله شكلا ولا فى اهل العروسه اللى مش عارفيين عايزيين الفرح ازاى ولا الشبكه بكام ولا هو يبقى ابن فلان الفلانى ولا الشقه كله كوم والشقه كوم تانى 5 مطارح بمنافعهم ويمكن يكونوا هما عايشيين فى اوضتين انما نرجع ونقول ربنا ما بينساش حد
عندك حق فعلا حاله اللامبالاه اللى بتصيب اهل العروسه وكأن عريس بنتهم دا من عالم تانى وبيكلفه فوق طاقته وو ووو و وو وو وو وو
شكرا ليك ولمرورك المميز:)
رد: مطلوب عريس على وجه السرعة
اقتباس:
المشاركة الأصلية كتبت بواسطة عمر المختار
جزاكم الله خيرا اخي والاحظ ان الموضوع نوقش جيدا والردود جيدة ومناسبه
واياكم عمر
شكرا ليك:)
رد: مطلوب عريس على وجه السرعة
اقتباس:
المستورد وخاصة الصيني مضروب
مدة صلاحيته منتهية قبل الشراء
أما الدون لود فده برضه مش سهل
يعني محتاج سيريال نمر
أو كي أو باتش على حسب
ويمكن الاسطوانة تطلع مش أصلي
وطبعا الصناعة المحلية على حسب ماورد من الجميع ضاربها السلك
خلي أبوها طلع راجل طيب وادى له البنت من غير ولا مليم
وحد ابن حلال اتبرع لهم بالشقة والموبليا
طيب هيعيشوا ازاي
عندك ايجار الشقة
فاتورة التليفون والكهرباوالمياه والغاز والنظافة والعوايد
والأكل والدكتور
وده طبعا من غير لاهدوم جديدة ولا فسح لاقدر الله
نيجي بأه لموضوع الخلفة
أولادد يعني
احسب بامبرز في سنتين
و......
ولا كفاية كده شكل الشباب والبنات اتعقدوا
لأ بصوا للأمور بمنظار وردي@-)
أنا ماشية كفاية كده
احباط احباط يعنى:D
شكرا لمروركم المميز دوما شمس:)
اقتباس:
بصراحه موضوع فعلا رائع
اعتقد فعلا ان غلاء المهور وطلبات اهل العروسه وكمان البطاله
من اكتر الاسباب اللي تخلي الشباب متقبلش علي الجواز
هيتجوز ازاي وهو مبيشتغلش ولا معاه ياكل وغير كده كمان يروح يطلب ايد العروسه ويدخل البيت من بابه يلاقيهم طالبين مهر ايه وشقة ايه وعربيه و.......و....................
فمن الطبيعي ان الشباب تلجأ للزواج العرفي طبعا هو مش مبرر بس عقولهم كده
انا شايفه ان بجد لازم يكون في مراعاة من اولياء الامور والاهالي للشباب
مشكووووووووور جداااااااااا علي الموضوع المميز
كمان عندك حق وشكرا ليك لمرورك:)
اقتباس:
http://www.arabsys.net/pic/zkarf/36.gif
هذا الموضوع فى غاية الاهميه وربما يكون هو موضوع الساعه
فالبنات وصلن الى الثلاثين وربما تجاوزوه ولا احد يطرق بابهن واذا حدث وطرقه تجده كأنه يبحث عن شخص اخر اوصفات اخرى غير التى امامه وهناك احتمال اخر وهو ان يكون العريس القادم شخص عابس ماجن مستهتر بمشاعر الاخرين لديه وقت فراغ وليس لديه مال فيسلى نفسه عسى ان يقع فى فريسه يسهل اصطيادها دون زواج او تكاليف معيشه واذا لم يجد فلن يخسر شئ
نحن امام مشكله حقيقيه تهدد امان المجتمع وسعادته واستقراره ونموه ولابد لها من حل
وانا مع الابن العوامى فى ارائه ووجهه نظره فلابد ان تتغير هذه العادات والمعتقدات وياليت كل واحد يبدأ بنفسه
http://www.arabsys.net/pic/zkarf/36.gif
دواما ما نستفيد من اراكم عمو احمد
الله لايحرنا من مروركم :)
اقتباس:
يجزيك الخير اخي احمد
واياكم ساندى
رد: مطلوب عريس على وجه السرعة
موضوعك بيمس الوتر ياعمر
بس أكيد فيه حل
:-?:-?:-?
البساطة
صح هى البساطة
ازاى بقى
1-البيه أبو العروسة مش لازم يبص لبنت فلان اللى جالها دهب بالشئ الفلانى
وفرحها كان فى الخرابة الفلانية
"أقلهن مهوراً أكثرهن بركة"
صدق الرسول الكريم عليه الصلاة والسلام
2-الهانم أم العروسة مش لازم يعنى تقعد فى قعدة الأمهات المتحدة
وتتفشخر بجوازة المحروسة
3-الهانم "العروسة" ماتبصش لصاحبتها بنت البيه الفلانى
والهانم الفلانية
هو حد لاقى عرسان
4-البيه العريس مش لازم يكون فرحه ماحصلش
يقضيها بأى تكاليف ويعف نفسه
5-البيه والهانم أولياء أمر البيه العريس
مايبصوش للناس ويعملو حساب الناس فى كل حاجة
يعنى ببساطة حبة تنازل من كل الأطراف السابقة
هتحل أزمة جيل من الشباب
عايز يعف نفسه من الحرام أو العرفى زى مابيقولو
بس ده هو الكلام المنطقى والحل اللى هتلاقيه بعد فترة بسيطة من الزمن هو اللى ماشى مش اختيارا والله جبر لانه فى ظل ارتفاع الاسعار الرهيب اللى حاصل ( محدش هيكون معاه للجواز والكلام ده) عامة تسلم ابو عمر
محمود فخر من الغردقة بقوللك تسلم
الموضوع مهم جدا وفى مكانه
والله الموضوع مهم وكلنا بدانا نلاقى الحل بس فاضل التنفيذ=((=((=((
ويسلم العوامى كلامه جميل جدا ومنطقىومشاركات الكل كانت فعالة وقيمة وانتظروا الحل العملى قريبا ان شاء الله>:D<>:D<>:D<>:D<
