علاقات الشباب العاطفية.

لماذا يتباهى الشباب بتعدد علاقاتهم العاطفيه ؟؟



في ظل الانفتاح الاجتماعي الذي تعيشه المجتمعات العربيه تغير الكثير من العادات والمفاهيم والممارسات في حياتنا.
فبعد ان كانت العلاقه بين الشاب والفتاه مرفوضه بشتى أنواعها أصبح أمرا عاديا ومألوفا ان الشباب ينتقلون من علاقه الى أخرى.
وأصبحت كلمة أحبك من أسهل الكلام وليس أسهل منها الا التنصل منها بحجة عدم القدره على الزواج للأسباب الأقتصاديه والأجتماعيه المعروفه , والخطير في الموضوع استسهال العلاقات العاطفيه وتعددها ما يلجأ اليه بعض الشباب في التباهي أمام اصدقائه وأقاربه
بحب الفتيات له ليثبت نفسه محبوبا


1/ لماذا يتباهى الشاب بتعداد علاقاته العاطفيه ؟


2 / هل هي محاوله لاثبات الذات ؟


3 / أم انها عاده تبدأ في سن المراهقه وتبقى ملتصقه بالشاب الى ما بعد المراهقه ؟


4 / هل المجتمع هو المسؤول عن هذه المشكله ؟


5 / هل التلاعب في مشاعر بنات الناس أصبح منطقيا ؟



أتمنى التفاعل

الشباب لازم يجابو بس انا بعتقد انو تسليه ومن الفراغ ومش كلو حب
يسلمو اخ وليد فكرة متميزة

اقتباس:

---

المشاركة الأصلية كتبت بواسطة داليا

الشباب لازم يجابو بس انا بعتقد انو تسليه ومن الفراغ ومش كلو حب
يسلمو اخ وليد فكرة متميزة

---

بتفق معاكى يا داليا ان حب اليومين دول تسلية واستخفاف بالعقول واعتقد الى بيحب لازم يكون شجاع ويدخل البيت من الباب مش من الشباك

ان من رأيى ان مش كل الشباب زى بعضهم
وبيختلف بين كل واحد بيحب بجد واللى بيحب كدة وخلاص
تسليه يعنى فى فرق كبير ومش كل الشباب زى بعضها ..




.. :: وجهة نظر :: ..

>:D<

تمام ياا تريكا بس فيه شى مهم ازاى نعرف انه حب صادق ام تسلية اهو كل بيجيب دموع

بصراحه انا شايفه انها غلطه المجتمع
والاهل خلاص دلوقتى
الى بتشتغل وبترمى العيال للمربيه
والى مش فاضيه تربى وبتكلم صاحبتها
والى منفصله عن زوجها
وبتدى ولادها فلوس كتير عشان تسبت للزوج انها مبسوطه وقادره تعيش من غيره
وده بيفسد الشباب
ومبيبقوش فاضين غير لمعرفه البنات
والكلام فى التلفونات
ومن علاقه للتانيه
ياقلبى لاتحزن
ويعدو يتفشخرو بقى بالى بيعملوه
انت مش متخيل الولاد والبنات بيعملو ايه فى المدرسه
وبيقولو ايه
ولا الموبايلات
والى عليها
صحيح
ده سن المراهقه
لكن لازم حد يحجمهم
الفلوس الكتير مفسده
وربنا يستر على ولادنا

تسلم على طرح الموضوع:)

اقتباس:

---

المشاركة الأصلية كتبت بواسطة jewel_lowis

لكن لازم حد يحجمهم
الفلوس الكتير مفسده
وربنا يستر على ولادنا

تسلم على طرح الموضوع:)

---

قصدك يبا انجى انها مسالة تربوية بترجع للبيت من الاساس راى فعلا منطقى بس البيت يعمل ايه رباهم وعلمهم وهما قدام اهاليهم سوا البنت او الواد محترمين ومؤددبين ومن وراهم ربنا يسترها منتظر التعليق

بص ياوليد
انا بشوف ولاد ادام اهلهم مش متربيين
بص الى بيحصل عندى فى المدرسه وعشان مدرسه خاصه وفيها كبرات البلد زى مابيقولو
البنات بيلبسو لبس استغفر الله
ولو كلمت بنت بينى وبينها تقولك
مامى سمحتلى انزل كده

وطالما قالت مامى هاترد تقول ايه
ده ابوها رئيس المباحث
ده غير ان مامى موافقه
وده فى المدرسه
امال فى الشارع لابسه ايه
ده غير الصبيان الى بيشربو سجاير ادام الام
الحلوه الطعمه الدلوعه
الى اه والله ابنى كبر وبقى راجل
ومش كل الاهل بيربو ويعلمو
انا من واقع شغلى بشوف نماذج
لو فضلت احكيلك من هنا لحد السنه الجايه مش هاتصدقنى
وكله عشان مفيش تربيه اصلا
ده طبعا غير اصحاب السوء
وعدم المتابعه من الاهل
يعنى
مش عارفه وجهه نظرى وصلت ولا ايه:-/

وصلت وجهة نظرك بس على فكرة الى تقلك ماما شافتنى كده والاه ابوها رئيس جمهورية حتى تبقى مش متربيه ومعاكى ان لابس الفتيات واهمال تربية ومتابعة الشباب سبب لبلاوى مش علااقات وبس بس يمكن حد يقول الاهل معذروين ان ديقوا حتقولوا متحجرين ورجعيين والبنت تقلك مخنوقة عاوزة اتنفس والوةالد يخافوا يتشيخ فبيقولوا اهو يتروشن شويه ايه رايكم

هو الموضوع عن الشباب والعلاقات العاطفيه كويس حتى ما اخرج عن الفكرة واطارها :D
بداية بقلك
رائع وليد طرحت فكرة بتخص كل شرائح المجتمع والكل اما عانى او بيعاني منها

اتوقع حتى الاهل ممكن يكونو قدموا تربيه ممتازة لاولادهم ورغم كل شيء تجد الشباب منجرف وراء علاقات عاطفيه
هي اولا واخيرا رغبات موجودة بكل انسان وغريزة الحب والانجذاب للطرف الاخر شيء لا يمكن انكاره

ولكن السؤال هو

لماذا يوجهها الشباب في الطريق الخاطيء ولماذا اصبح الحب والعلاقات العاطفيه عندهم هو غرائز ورغبات لا اكثر

السبب هو تشتت الشباب بين ما يرونه على شاشات التلفاز والسينما والنت وما يسمعونه من رفاقهم الشباب ايضاً

والاهم عدم اقتناعهم بتعاليم الدين

وعدم مقدرتهم على الزواج تجعلهم يتهربون من العلاقه حتى لو كانت فعلا علاقه صادقه
تسلم وليد

هو مفهوم غلط من الاول وانتشر بين الولاد والبنات
ان اللى يعرف بنات واللى تعرف ولاد .... يبقى مخلص وهو اللى فاهم وبيعرف يتصرف زى مابيقولوا مقطعين السمكه وديلها

ممكن الحاجات اللى بنشوفها فى التيلفزيون وان التبادل بين الجنسيين مفييد فى المجلات المختلفه
وكلها حجج احنا طلعناها وصدقناها

جزاك الله خيرا اخى وليد وبارك الله فيك وهادى قضيه من قضايا الشباب ال كنت حابه نقاشها فموضوع قضايا الشباب
والردود حلوة والاهم انو السبب البعد عن الدين وعن مخافة الله

اكيد ان بعدنا عن منهج الله سبب لينا بلااوى كتيرة ومن ضمنها العلاقات التيك اواى يعنى الى مشى حالك بس فيه سؤال مهم مين المسؤال الاهل ام الوالد ام البنت وياترى لو فشلت العلاقة يبقى عيب تربية واهل وبعد عن الله طيب لو نجحت يبقى ايه ؟

هو العيب مش في الاهل بس ولا البنت بس ولا برده الولد بس العيب من كله لكن الولد او البنت ممكن يكونو مش عارفين مصلحتهم وهو فعلا العلاقات التيك اواي انتشرت جدا والسبب البعد عن الدين وانا من رأي تريكه في ان مش الكل بيلعب انما في ناس بتحب بجد

اقتباس:

---

المشاركة الأصلية كتبت بواسطة Locked Heart

هو العيب مش في الاهل بس ولا البنت بس ولا برده الولد بس العيب من كله لكن الولد او البنت ممكن يكونو مش عارفين مصلحتهم وهو فعلا العلاقات التيك اواي انتشرت جدا والسبب البعد عن الدين وانا من رأي تريكه في ان مش الكل بيلعب انما في ناس بتحب بجد

---

انا معاكى فعلا انه فيه حب والحب حقيقة محدش يقدر ينكرها لكن الشباب للاسف اغلبهم مبيفرقشى بين الحب والاعجاب يعنى ممكن يحب واحدة ويعجب ب10 ويبادلهم نفس الشعور يعنى عملية ملخبطة بس يا ترى هى ميزة انك تتباهى بمعرفة بنات كتير ؟

السبب فعلا البعد عن تعاليم ديننا وعشان احنا اصلا مش شاغلين قلبنا بحب أقوى وأطهر وهو حب الله مهو لو قلبنا مشغول فعلا بحب ربنا اللي هو اقوي حب في الدنيا كلها عمر ما حد فينا كان انجرف ورا العلاقات العاطفية المحرمة
ومع ذلك الكل مش بيتسلي بس اللي يفكر في انه يختار واحدة يحبها لازم يفكر الاول انه مش بيختارها ليحبها وبس لكن بيختارها ليتجوزها يعنى بيختار في الاول زوجة حبيبة مش حبيبة بس تقضى معاه وقت فراغه والله اعلم بقي ان كنا هنتجوز ولا لأ
عشان دلوقتى الدخول في التجارب العاطفية اصبح سهل جدا وبرضه الخروج منها اصبح سهل جدا جدا جدا والاعذار مفيش أكتر منها
بس بيخرج الواحد منا من التجربة بعد ما ادمر جواه حاجات كتيييييييييييييييييير وعشان كده ربنا حرم العلاقات المحرمة دى لانه خايف علي قلوبنا
ده حتى في آية في القرآن بتقول وهى "ربنا ولا تحملنا ما لا طاقة لنا به" بعض المفسرين قالوا ان ربنا بقصد هنا العشق
ياااااااااااااااه يعنى العشق ده بجد أخطر ابتلاء ممكن نبتلي بيه فيارب اللي مدخلش في تجارب عاطفية والله وعن تجربة يارب ميدخلها واللي دخلها ومر بيها زى حالاتى كده ربنا يعينه انه ينسى ويدعى نفس الدعوة اللي بدعيها ان ربنا يشغل قلبى بحبه هو عن حب اي انسان آخر
......
وآسفة يا وليد للاطالة
وميرسي يا وليد
موضوع يستحق الاحترام

فكرنى كلامك يا حبيبة بكلام للشيخ الشعراوى رحمه الله كان بيقول هو لازم علشان نعرف ربنا ونذكره ونسبحه يحصل لينا مصيبة او كارثة هو لازم علشان نخس بقدرته نشوف زلاازل وبراكين وسيول وبيوتنا تقع لااله الا الله بالضبط كده هو لازم يحصل الغلط علشان نعرف ونبعد عنه ليه من الاول مبنفكرشى ليه فى كل شى بنحكم العقل الا فى العلاقات بنمشى وراء قلبنا والنتيجة فى الاغلب جروح والالم ونفسية تعبانة امتى نفوق ونبطل العلقات الى تحت بير السلم وزى ما قلت الاول الى بيحب بيدخل من الباب عمرى الى بيحب ما حيدخل من الشباك