عفوا .. الشاب المصرى غير متاح حالياً !!

http://img140.imageshack.us/img140/1...6d77140iu1.gif

هل أنت - ولامؤاخذة - مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟

عندك مصدر بتجيب منه معلومات غير قعدة القهوة؟؟

تعرف يعني إيه حزب؟؟

هل تعلم ماهى الليبرالية والفيدرالية والإشتراكية ؟؟

يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات .. فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!

-يعني احنا شباب تمام .. في العصر التمام ..

حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون .. أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% -لا شباب متدين صحيح-

أما في الصحافة .. الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية" .. وإذا كانت علاقة الشباب بالإعلام كأحد مكونات المجتمع المصري تبدو ضعيفة .. فإن علاقته بالمؤسسات السياسية تبدو مصيبة .. ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس - يا حلاوة !! .. و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني - وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من الشباب أن عدد الأحزاب في مصر هو ثلاث أحزاب .. وأكتشف البحث أن 50% من الشباب لا يعرفون عدد الأحزاب الموجودة في مصر .. مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) .. مع إن الأحزاب في كل بلاد العالم تعتمد أصلاً على الشباب بشكل أساسي .. ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم .. وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم ..

طب تعالوا نشوف ازاى الشباب المصرى بيستفيد من الإنترنت:

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات .. والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي !!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !! .. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. عشان كده بيتقدموا ..

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

فى الحقيقه الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ورفعوا شعار عمار يامصر وبلدنا لسه بخيرولازم يطمنوا علي الأرقام دي بنفسهم .. وعلى الشباب الجامعي المثقف .. فنزلوا للجامعة وعملوااستطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل - الحمد لله أهو لقينا حد بيقرا حاجة -

طبعاً مش لازم تبقى محمد حسنين هيكل .. ولا لازم تكون فهمي هويدي - مصيبة لا تكون مش عارف دول كمان - لكن على الأقل تكون فاهم .. وعارف .. وداري باللي بيجرا حوليك فاهم العالم ماشي إزاي ومين عايز إيه ؟؟ ومين بيعمل إيه عشان يكسب إيه؟؟وقبل كل ده تكون عارف كويس .. أنت عايز إيه ؟؟

لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة .. ولا أي قضية .. ولا عايشين لهدف .. وكل اللي نعرفه في حياتنا .. وكل معلوماتنا .. عن الممثلين والكورة .. حتى ديننا منعرفش عنه إلا الوضوء والصلاة اللي اتعلمناهم واحنا صغيرين .. فحين إن العالم كل بيتقدم بسرعة جنونية .. واحنا لسه محلك سر !! .. يا ترى الفكرة وصلت ؟؟ ولا لسة ؟؟

وملحوظة بسيطة :

"هاري بوتر" هو اللذي اعاد الشباب المصري لقرائة الكتب وهو الكتاب اللي حقق اعلي مبيعات في مصر ..

منقول

تيتيتيتيتيتيتيتييتتيييت
ههههههههههههههههههههههههه ههههههه
مصر كلها خارج الخدمة عفوااا

الارقام والدراسه مؤسفه لكن واقعيه
للاسف يكون معظم او غالبية شباب العرب هيك

شكرا للموضوع

شكراً ليك على الموضوع
بس انا عايز اقولك حاجة من واقع انى شاب مصرى خلصت الجامعة وقضيت جيشى وشغال دلوقت
وفى زحمة الدنيا وغلاء الأسعار مع المرتب القليل الواحد مش فاضى لأى حاجة من اللى انت قولت عليها الا بعض المواقع اللى بتفيدنى
فى شغلى وطبعا انا دلوقت 25 سنة يعنى عايز اتجوز وبالتالى مطلوب منى اقتل التنين علشان افوز بالأميرة طبعاً مفيش داعى اوضح التنين دة يبقى ايه فى حياتنا ومين اعوانه وانت برده مش غريب انت من نفس البلد اللى احنا منها ولآ انت لسة ماوصلتش للوضع بتاعى
انا أسف اذا كنت طولت فى الرد

اقتباس:

---

المشاركة الأصلية كتبت بواسطة نجم النجوم

تيتيتيتيتيتيتيتييتتيييت
ههههههههههههههههههههههههه ههههههه
مصر كلها خارج الخدمة عفوااا

---

فعلا ..[-(
شكرا لردك ..:)

اقتباس:

---

المشاركة الأصلية كتبت بواسطة طيف عابر

الارقام والدراسه مؤسفه لكن واقعيه
للاسف يكون معظم او غالبية شباب العرب هيك

شكرا للموضوع

---

فعلا طيف الدراسة اكتر ع المصريين

بس فعلا اغلب الشباب العربى كدة

شكرا لاهتمامك طيف
:) :) :)

اقتباس:

---

المشاركة الأصلية كتبت بواسطة العوامى

شكراً ليك على الموضوع

بس انا عايز اقولك حاجة من واقع انى شاب مصرى خلصت الجامعة وقضيت جيشى وشغال دلوقت
وفى زحمة الدنيا وغلاء الأسعار مع المرتب القليل الواحد مش فاضى لأى حاجة من اللى انت قولت عليها الا بعض المواقع اللى بتفيدنى
فى شغلى وطبعا انا دلوقت 25 سنة يعنى عايز اتجوز وبالتالى مطلوب منى اقتل التنين علشان افوز بالأميرة طبعاً مفيش داعى اوضح التنين دة يبقى ايه فى حياتنا ومين اعوانه وانت برده مش غريب انت من نفس البلد اللى احنا منها ولآ انت لسة ماوصلتش للوضع بتاعى

انا أسف اذا كنت طولت فى الرد

---

لا انت مطولتش ولا حاجة
وكلامك دة دخلنا ع نوع اخر من الشباب
انت وانا منهم - بس انا اصغر منك
ب 3 سنين لانى اخدت تاجيل من الجيش -
والدليل على كدة ان انا وانت تلاقينا فى
المنتدى دة ،والا كنا فى اى حتة تانية ..

بس فعلا اغلب الشباب ف الجامعة كدة
مصريين وباقى العرب
وانا لمست الواقع دة بنفسى ..[-(
واكيد لما كنت انت ف الجامعة لاقيت شباب كدة ..[-(

شكرا لردك المهم جدا جدا
:) :) :)

عموما يعنى لما كنت اكلم حد عن السياسة او الاحزاب او احوال البلد فى الكليه يقولى باقولك ايه سيبك من الدوشة دى خلينى اقعد مع البت حبتين قبل ما امشى او ياراجل سيبك سياسة ايه و كتب ايه خلينا مريحين دماغنا دا حال الشعب المصرى و حال الشباب المصرى حاليا و اغلب اعضاء الحزب الوطنى حتى بيدخلوا علشان المصالح و الرحلات المدعمة بتاعة عمو جمال و ماما سوزان يعنى حتى مش علشان يشتغلوا سياسة و الحشيش كتيير فى السوق و كل الشباب او اغلبهم بيشربوا بقى عادى جدا موضوع الحشيش دا بيوزعوه على بعض فى الشارع و فى العلن كانه بيعزم ببسكوت او لبان مثلا الحال اصبح كارثى بكل المقاييس
مشكور affaanعلى موضوعك المهم

اقتباس:

---

المشاركة الأصلية كتبت بواسطة احمد التيتى

عموما يعنى لما كنت اكلم حد عن السياسة او الاحزاب او احوال البلد فى الكليه يقولى باقولك ايه سيبك من الدوشة دى خلينى اقعد مع البت حبتين قبل ما امشى او ياراجل سيبك سياسة ايه و كتب ايه خلينا مريحين دماغنا دا حال الشعب المصرى و حال الشباب المصرى حاليا و اغلب اعضاء الحزب الوطنى حتى بيدخلوا علشان المصالح و الرحلات المدعمة بتاعة عمو جمال و ماما سوزان يعنى حتى مش علشان يشتغلوا سياسة و الحشيش كتيير فى السوق و كل الشباب او اغلبهم بيشربوا بقى عادى جدا موضوع الحشيش دا بيوزعوه على بعض فى الشارع و فى العلن كانه بيعزم ببسكوت او لبان مثلا الحال اصبح كارثى بكل المقاييس
مشكور affaanعلى موضوعك المهم

---

مقدرش اقول غير انك وصفت حال أغلب الشباب
اللى انا وانت وغيرنا بنشوفهم كل يوم

شكرا لمرورك الجميل ..:) :)

انت حزنتنى بارقامك دى
بس خلتنى اخد بالى من حجات كتيره زى انا مين , وعايش ليه , وهدفى الحياه هو ايه ؟
وتصدق انا فعلا مكنتش اعرف مصر كام حزب ..
لانى مش عاوز ادخل فى السياسه
لان السياسه فى بلدنا بقت حرام علينا ..
وانت اكيد عارف كده ولا انت ما بتشفش اللى بيتخدوا من الجامعات .
كل يوم يخدوا جماعه واكيد بردوا ا نت عارف ليه وعشان ايه ..
فممكن يكون هو ده السبب انى مش عاوز اعرف اى حاجه عن السياسه
ولا احب اتكلم فيها وطبعا لانى تركت السياسه فبالتالى مش هعرف
معظم الناس اللى انت ذكرتهم فى الموضوع
واشكرك لانك عرفتنى مين هما فى موضوع خارج عن السياسه

وفى الاخر احب اشكرك على الموضوع لانه موضع رائع وكافى بكلام كتير جدا
بس انا كنت عاوز اعرف مين الناس دى

اقتباس:

---

مش لازم تبقى محمد حسنين هيكل .. ولا لازم تكون فهمي هويدي

---

معلش انا عارف انك هتقول عليا غبى لاكن بردوا انا عاوز اعرف مين هما ..
لان فى الاول وفى الاخر محدش بيتعلم ببلاش ..

اقتباس:

---

المشاركة الأصلية كتبت بواسطة عصام نت

وفى الاخر احب اشكرك على الموضوع لانه موضع رائع وكافى بكلام كتير جدا

بس انا كنت عاوز اعرف مين الناس دى

معلش انا عارف انك هتقول عليا غبى لاكن بردوا انا عاوز اعرف مين هما ..
لان فى الاول وفى الاخر محدش بيتعلم ببلاش ..

---

اولا اشكرك كثيرا على كلامك الرائع دة

ثانيا بالنسبة لسؤالك :
فمحمد حسنين هيكل كل ما أعرفه عنه فى هذا الرابط :
http://haykal.jeeran.com/index.html
اما فهمى هويدى لا أعرف عنه الا انه كاتب صحفى ومفكر اسلامى
يعمل بجريدة الاهرام ..

ثالثا اللى عايز يتعلم مش لازم يكون غبى ، انا كنت زيك معرفش
وبعد كدة عرفت ..

شكرا ليك مرة تانية ..:) :)

محمد حسنين هيكل .. دا يا عصام واحد صحح تاريخ مصر .. و كتير من الناس بتحربه .. و مش بتبحبه .. مع انه كاتب و صحفى ناجح جدا .. انا بصراحه لما بعد اسمعلو ساعات بحس ان مش فاهمه حاجه من اللى بيقوله بس عشان هو فى منتهى الثقافه ..
و بردو فهمى هويدى صحفى مشهور بيعمل فى جريده الاهرام . . . .


اما عن الموضوع الشاب المصرى غير متاح .. و خارج نطاق الخدمه .. و رصيده خاااالص ..
و قليل جدا جدا تلاقى شاب مدرك .. و مثقف بح و حقيقى .. مش ثقافه طيارى ..


تسلمـ ..
:)
ورقــــــــ ,, ـــــه

اقتباس:

---

المشاركة الأصلية كتبت بواسطة ورقه

محمد حسنين هيكل .. دا يا عصام واحد صحح تاريخ مصر .. و كتير من الناس بتحربه .. و مش بتبحبه .. مع انه كاتب و صحفى ناجح جدا .. انا بصراحه لما بعد اسمعلو ساعات بحس ان مش فاهمه حاجه من اللى بيقوله بس عشان هو فى منتهى الثقافه ..

و بردو فهمى هويدى صحفى مشهور بيعمل فى جريده الاهرام . . . .

اما عن الموضوع الشاب المصرى غير متاح .. و خارج نطاق الخدمه .. و رصيده خاااالص ..
و قليل جدا جدا تلاقى شاب مدرك .. و مثقف بح و حقيقى .. مش ثقافه طيارى ..

تسلمـ ..
:)

ورقــــــــ ,, ـــــه

---

فعلا كلامك صحيح عن "هيكل" ..
بس كلمة هو اللى "صحح تاريخ مصر" ..
تاريخ مصر كبير جدا ..
فما الذى صححه بالضبط ؟؟ .. ارجو التوضيح ..

شكرا لمرورك الكريم ..:)

بص يا عفان ..

انا لا انكر انى لما بتفرج عليه فى حاجات كتيره اوى اوى بحس انى مش فاهمه

بس بابايا دايما بيقولى لو فهمتى كلمه واحده و طلعتى بيها اديكى استفدتى

اما عن اللى هو صححه .. فانا مش فى دماغى حاجه معينه دلوقتى .. او تقدر تقول انا نسيت لانى جيت فى فتره كنت متابعه و بعد كدا قطعت ..

بس بابايا دايما بيتكلم عنه اما عن المعلومات هجبهالك ان شاء الله فى اقرب فرصه

مش هعمل ام العريفه يعنى :D


تقبل مرورى


ورقــــ , ,ـــــــه

اقتباس:

---

المشاركة الأصلية كتبت بواسطة ورقه

بص يا عفان ..

انا لا انكر انى لما بتفرج عليه فى حاجات كتيره اوى اوى بحس انى مش فاهمه

بس بابايا دايما بيقولى لو فهمتى كلمه واحده و طلعتى بيها اديكى استفدتى

اما عن اللى هو صححه .. فانا مش فى دماغى حاجه معينه دلوقتى .. او تقدر تقول انا نسيت لانى جيت فى فتره كنت متابعه و بعد كدا قطعت ..

بس بابايا دايما بيتكلم عنه اما عن المعلومات هجبهالك ان شاء الله فى اقرب فرصه

مش هعمل ام العريفه يعنى :D

تقبل مرورى

ورقــــ , ,ـــــــه

---

مرورك اكثر من رائع ..:)

وانا مستنى المعلومات اللى هتجيبيها ..:-?

:) :) :)