حكاية أحمد وضحى

القصة تبدأ من هنا


الحلقة الأولى :)




هبة

بطلي رغي بقا ياضحى وقومي شوفي شغلك شوية اشتغلي بذمة بقا :-P



ضحى

ماشي هقوم اهو بس قوليلي ايه الشغل اللي ورايا الاول:-> ...هبة مين ده :-/؟؟؟؟؟!!!!




هبة



ده أحمد مهندس صيانة جديد جه من فترة كده لما كنتي واخدة اجازة وبعدين قلتلك بطلي رغي وامشي على شغلك يلا بقا X-(...عندك جهاز في الاوضة اللي هناك دي محتاج صيانة خديه وادخلي على اوضة الصيانة وشوفي شغلك فاهمة بدل ما افتن عليكي ....>:)



ضحى



ماشي اديني رايحة اهو ياساتر عليكي ....#:-S



ضحى

-السلام عليكم ....O:-)





أحمد ...بعد ما بص باستغراب أوي كده/:)



وعليكم السلام ورحمة الله وبركاته /:)



أحمد بيكلم نفسه : " ايه البنت دي شايلة جهاز كده وداخلة اوضة الصيانة اللي المفروض محدش يدخلها ..:-?:-?.؟؟؟!!!



ضحي بادرت بالكلام بسرعة لأنها شافت نظرات عينه عاوزة تقلها ايه اللي دخلك هنا وانتي مين ؟؟:-&



-على فكرة انا بشتغل هنا في الصيانة معاك :-SS بس كنت واخدة أجازة بقالي فترة وعرفت من هبة انك جيت من مدة كده عموما اسمي ضحى ...:D

أحمد : اه اهلا ضحي ....:-/



--- ودار حديث بينهم عن الدراسة والشغل إلخ .......المهم إنهم في الاخر اتعرفوا وزال سوء التفاهم:)

وبعد شوية من الكلام :->




ضحى



-بجد يا أحمد والدك بيشتغل في الشركة دي فعلا ...؟؟؟:-O8-|



أحمد

- آه والله بيشتغل هناك فعلا بس ليه بقا هو انتي تعرفيها ؟؟؟:-/



ضحي

---- اه اعرفها ..



وطلعت ضحى تجري على هبة وتقلها على الشركة بتاعة بابا احمد



ضحى

شوفتى ياهبة احمد طلع باباه بيشتغل في الشركة اللي بقلك عليها



هبة :

طب كويس اوي اوي



ضحى :

هو ايه اللي كويس اوي انا بقلك عشان اخد رأيك ياترى اسأله ولا بلاش انا محرجة اوي:">



هبة :

بصي هو احمد انسان كويس اوي ومحترم جدا قوليله وشوفي رأيه ايه وكمان عشان تخلصي بقا وتعرفي الحقيقة فين .B-)



ضحى :



خلاص انا هقوله وزي ما تيجي بقا انا بس مش عاوزاه يقول عليا هبلة كده من اول مرة يعرفني فيها هقله بكرة ان شاء الله:-S:-S


يتبع إن شاء الله



حقوق التأليف والطبع والنشر والتحميض وكل حاجة محفوظة



لنمنومة :D




مستنية رأيكم بمنتهى الصراحة ولو عجبتكو هكمل على طول ;;)

روعه يا نمنمة وطبعا كملي يالا منتظرين الباقي بسررررررررررررررررررعه
او نخاصمك :D

متظرين:):):)

شكلها جميل اوى
متابعه معاكى:)

ماشي ياحبايبي والله رفعتوا معنوياتي >:D< هكمل اهو معلش اتأخرت عليكو

الحلقة الثانية

ضحى : صباح الخير يااحمد:)

أحمد : صباح النور ياضحى عاملة ايه ؟
ضحى : الحمد لله وإنت عامل ايه ؟
أحمد : تمام الحمد لله
ضحى : كنت عاوزة اسألك على حاجة كده يااحمد:-S
احمد : اتفضلى ياضحي اسألي
ضحى : انا كان ليا حد اعرفه شغال في شركة تبع الشركة اللي بيشتغل فيها والدك كنت عاوزة اتأكد اذا كان فعلا بيشتغل هناك ولا لا ؟؟8-|
أحمد : أوي أوي هاتي اسمه وانا هخلي والدي يسأل بكرة بالكتير ان شاء الله
-بس خير هو في حاجة هو متقدملك مثلا وعاوزة تتطمني ولا ايه:-B ؟؟
ضحى : يعني حاجة زي كده ..
احمد : اها واضح انك مش حابة تحكي او تقوليلي حاجة عادي والله انا بفهم بس طبيعة الموضوع عشان اقدر افيدك صح ....مقصدش اتطفل عليكي ابداً اسف جدا ً..
ضحى : لا والله يااحمد مش حكاية اني مش حابة احكي بس انا مش عاوزة اوجع دماغك بحكاية ملهاش لزمة .#:-S
أحمد : لا بالعكس انا حابب اسمع مش هتوجعي دماغي ولا حاجة ها يلا قولي بقا فيه ايه :->...؟؟

ضحى عنييها دمعت كده ووشها لونه اتغير:(:(


ضحى
بصراحة يااحمد انا مخنوقة اوي بجد وتعبت ومبقتش عارفة اعمل ايه انا بحب واحد على الانترنت بقالي حوالي سنة ونص ولا شفته ولا اعرف شكله ايه حتى ولا بكلمه ولا بيكلمني مجرد على الماسنجر بص انا عارفة انك هتقول عليا هبلة وعبيطة ومجنونة كمان بس اهو ده اللي حصل المهم انه قايلي شوية حاجات عن نفسه زي ساكن فين وبيشتغل فين وكده فانا لما عرفت ان والدك بيشتغل في الشركة دي بقا عندي امل اني بكده ممكن اوصل للحقيقة وهل هو صادق في كلامه ولا كداب وكل الكلام كان صدق ولا كدب .....:((:(

أحمد :
طبعا هبلة وعبيطة :Dمع احترامي ليكي اسف بس الكلام اللي بتقوليه ده ميتعقلش نهائي يابنتي:-O ازاي تفضلي متعلقة بشخص كل المدة دي من غير حتى ما تشوفيله صورة حتى من غير ما تعرفي شكل اللي بتحبيه ده ايه انتي بتفكري ازايX-(

ضحى
خلاص بقا بجد انا مش مستحملة انا مخنوقة لوحدي8-| وعارفة ان كده الحكاية مش تمام بس اعمل ايه يعني اديني حبيته وخلاص متسألنيش ازاي وليه اهو اللي حصل بقا وخلاص بس المهم دلوقت اني تعبت من الموضوع ده بجد وعاوزة اوصل لحاجة تخليني اخد قرار صح بجد=((

أحمد بعد ما شاف ضحى بتعيط جامد اوي حس بيها اد ايه هي موجوعة[-(

أحمد :
أنا اسف اوي ياضحى مقصدتش بجد اضايقك:| انا حاسس بيكي بجد وهساعدك لحد الاخر وبكرة هعرفلك هو في الشركة فعلا ولالا متزعليش بقا خلاص8-|

ضحى :
انا متشكرة اوي يااحمد بجد تعبتك معايا وتقلت عليك معلش بقا :(

أحمد :
متقوليش كده يابنتي عيب عليكي ده احنا زمايل ....اضحكي بقا:D

يتبع بإذن الله :-B

اقتباس:

---

المشاركة الأصلية كتبت بواسطة طيف عابر

روعه يا نمنمة وطبعا كملي يالا منتظرين الباقي بسررررررررررررررررررعه
او نخاصمك :D

---

لا ياطيف ياحبيبتي مقدرش على خصامك اهو نزلت حلقة اهو عشان خاطرك ياسكر :D

اقتباس:

---

المشاركة الأصلية كتبت بواسطة أحمد عمر

متظرين:):):)

---

مشكور على الرد اخي عمر :)

اقتباس:

---

المشاركة الأصلية كتبت بواسطة jewel_lowis

شكلها جميل اوى
متابعه معاكى:)

---

مشكورة انجي حبيبتي نورتيني والله >:D<

ايه ياجماعة مش عجبتكوا :( بلاش اكمل

طب انا هنزل الحلقة الجديدة ولو مش عجبتكو مش هكمل :)
الحلقة الثالثة

أحمد :ضحى صعبانة عليا اوي ياهبة ومش عارف اقلها اللي عرفته ده ازاي دبريني...:-S

هبة : بص يااحمد انا صراحة من ساعة ما ضحى حكتلي على الموضوع ده وانا زعقتلها كتير وقلتلها انه مينفعش وانت لو عايز مصلحة ضحى بجد لازم تقلها اللي عرفته ده لازم لأنك لو مش قلتلها هتفضل تتعذب كده اكتر واكتر كل يوم لازم تعرف الحقيقة عشان تاخد قرار صحL-)

احمد : انا مقصدش اني مش عايز اقلها لا انا هقلها انا بس خايف عليها من الصدمة بجد ومش عاوز اكون سبب في ألم ليها بس هقلها بقا وامري لله..:(

هبة : طب الحق بقا اهي جت اهي شوف هتقلها ازاي ..:-B
ضحى:
صباح الخير ياجماعة عاملين ايه ......؟؟:-/

أحمد وهبة : صباح النور احنا الحمد لله المهم انتي عاملة ايه:-/

ضحى :أهو زي كل يوم الحمد لله8-|

أحمد :ضحى انا عاوزك في موضوع كده ..L-)

ضحى : خير يااحمد قول فيه ايه:-/:-S


هبة : طب انا هقوم انا اشوف الأجهزة اللي جوا اخبارها ايه;;)

أحمد : ماشي روحي ;).....ضحى بصي انا مش عاوزك لا تزعلي نفسك ولا ا شوفك بتعيطي بالله عليكي#:-S ...انا هقلك بس بجد بلاش تعيطي:-<

ضحى :خير يااحمد فيه ايه بجد وقعت قلبي:-S قلي بقا بالله عليك بدل ما اعصابي مش هقدر امسكها اكتر من كده:(

أحمد : بصي ياضحى انا خليت بابا يسأل عن الشركة اللي قولتيلي على اسمها سأل عليها فعلا هي موجودة اه بس مش في المكان اللي هو قلك عليه في مكان تاني خالص8-|

ضحى :انا كنت حاسة ان كل حاجة هتطلع كدب في كدب=(( لأني ياما اكتشفت قبل كده لكنه كان بيسكتني ويهديني وكنت بتنيل اسكت:-$ لكن المرة دي خلاص بجد عمري ما هسكت تاني انا تعبت واتخنقتX-(

لون وش ضحى اتغير خالص وصوتها اتخنق بالعياط :(وبتحاول تمسك نفسها ومش قادرة=((

ضحى : اانا متشكرة اوي يااحمد انك عملت كده عشاني كتر الف خيرك
بعد ازنك انا هدخل البلكونة شوية بس لأني مخنوقة عاوزة اشم شوية هوا:(

أحمد :ضحى انا اسف اوي اني سببتلك زعلك كده بس والله ما كان قصدي حاجة انا كنت اقصد انك ترتاحي من الدوامة دي وتاخدي قرار صح بقا ضحى انا حلفتك انك متعيطيش ارجوكي بلاش عياط ...
-ضحى انا ممكن اطلب منك طلب بلاش تتكلمي معاه تاني على الانترنت كفاية اوي كده بجد انتي كده بتعذبي نفسك على الفاضي بجد ارجوكي مش تكلميه تاني8-|

ضحى والدموع كانت غلبتها خلاص :((:((:
انا مش زعلانة منك ولا حاجة يااحمد انا بس زعلانة من نفسي[-( ومن اللي عملته فيها واني صدقت الانسان ده سنة ونص واستنيته وهو كان بيخدع وبيكدب عليا طب كان عاوز مني ايه ده لا طلب من انه يقابلني ولا يشوفني ولا حاجة من دي ولا حتى كان مديني رقم موبايله عشان اكلمه ويكلمني طب كان عايز مني ايه بس وليه ده كله:(
-معلش يااحمد انا هروح البلكونة بس اشم شوية هوا مخنوقة اوي8-|

أحمد : ماشي ياضحى روحي جايز ترتاحي شوية ...

هبة : ها يااحمد قولتلها ولا لسة وهي فين امال ؟؟؟

أحمد : اه ياهبة قولتلها انا قلقان عليها اوي دخلت البلكونة تعيط مش قلتلك انا مش عاوز اقلها عشان متعملش كده ...
هبة : معلش يااحمد اكيد هتاخد شوية وقت عشان تقدر تنسا الحكاية دي لازم بس نقف جمبها دي اهم حاجة وكان لازم تقلها مكانش ينفع نضحك عليها احنا كمان ........ أنا رايحلها متشغلش بالك انت وادخل شوف اللي وراك وانا هروحلها ...

هبة :مالك ياضحى بس يعني انتي كنتي متوقعة انه هيطلع صادق ازاي بس طب كان مخبي نفسه كل ده ليه طب ولا حتى تعرفي شكله ايه ده انتي كنتي بتقوليله اتصل بيقلك لا بتقوليله طب وريني صورتك يقلك تشوفيني على الطبيعة احسن X-(
يابنتي كل ده وانتي مش قادرة تفهمي ان الموضوع ده مينفعش خلاص ياضحى بقا كفاية عياط حاولى تنسي ياحبيبتي عشان تقدري تكملي حياتك واحنا اهو جمبك لحد ما تعدي الازمة دي ..


ورمت ضحى نفسها في حضن صاحبتها وبكت بحرقة اوي=((وقالت :

انا تعبانة اوي ياهبة اوي مخنوقة ومش قادرة بجد=((

هبة :كفاية بقا عشان خاطر نفسك يابنتي هو ميستاهلش والله/:)

ضحى : انا عارفة ياهبة انا صعبانة عليا نفسي والله مش هو صعبان عليا اتخدع كل ده وافضل مصدقة وكل ما اقول ابعد يرجعني هو ويطلب مني اصبر شوية طب ليه كل ده كان ليه من الاول........اااااااااااااه ياهبة:((

هبة : كفاية بقا بجد بتقطعي في قلبي =((واحمد كمان مضايق عشانك اوي كفاية ياضحى بالله عليكي وبعدين مش تكلميه على الماسنجر تاني انتي فاهمةX-(

ضحى : حاضر ياهبة مش هكلمه هحاول والله اعمل كده بس لو كلمته تاني مش هيكون زي الاول دنا هطلع كل اللي كنت مخبياه في قلبي وساكتة هواجهه بكل ده واشوف المرة دي هيقلي كدبة جديدة ولا هيعمل ايه

هبة :ما بلاش ياضحى بقا كفاية يابنتي انتي غاوية عذاب ولا اقلك اعملي كده جايز ترتاحي بس اللي مش هقبله منك انك تقوليلي انه وعدك تاني وانتي صدقتي بجد ممكن اضربك ساعتها بحاجة على دماغك عشان تفوقي ..

ضحى : لا خلاص ياهبة متقلقيش ......

أحمد : ايه ياضحى لسة زعلانة يلا يابنتي بقا تعالى عشان تشوفي شغلك ولا ايه ما صدقتي عشان تزوغي من الشغل لا ياماما معندناش الكلام ده يلا قدامي

ضحى ابتسمت ابتسامة بسيطة كده:) :
حاضر انا جاية اهو ......

ضحى في البيت قدام الكمبيوتر ومنتظرة الوقت اللي بيدخل فيه ودخل فعلا زي كل يوم

الحوار اللي دار بينهم :

محمد : ضحى ازيك عاملة ايه وحشتيني جدا:x
ضحى : مش كفاية بقا لحد كده ولا ناوي تكدب اكتر من كده
محمد : فيه ايه ياضحى مالك ؟؟ وكدب ايه وبتاع ايه:-O
ضحى : مالي انت لسة بتسأل ولسة هتكدب ايوة انت انسان كداب وغشاش كفاية بقا لحد كده
محمد : فيه ايه ايه اللي حصل تاني هترجعي للكلام ده همشي ياضحى عشان اريحك[-(
ضحى : امشي اتفضل بس اقسملك بالله دي هتكون اخر مرة تكلمني فيهاX-(
محمد : فيه ايه يابنتي مالك انا عملت ايه تاني ؟؟؟
ضحى : سنة ونص وانت بتكدب عليا وانا بصدق واعدي عشان حبيتك بجد حتى من غير ما اشوفك ولا اعرف شكلك ايه حتى وبصدق واصدق من كتر هبلي وعبطي لكن خلاص كفاية اوي لحد كده تقدر تقلي انت بتشتغل فين بالظبط ؟؟
محمد : ضحى فيه ايه ايه اللي جرالك ما احنا كنا كويسين امبارح ايه اللي حصل وبعدين منا قلتلك انا بشتغل فين بتسألي ليه تاني
ضحى : لأنك كدبت عليا في دي كمان قلتلي انك بتشتغل في مكان والشركة دي طلعت في مكان تاني خالص طلعت في ".........."
محمد : تاني ياضحى بتدورى ورايا تاني وبتشكي فيا تاني يابنتي الشركة دي ليها فروع كتيرة هنا وهنا وانا بشتغل في المكان اللي قلتلك عليه وبطلي بقا طريقتك دي دايما بتشكي فيا وفي كلامي

ضحى : بطل كدب بقا كفاااااااااااااااااااايةX-( انا ااتصلت بالشركة دي وسألت وقالولي ملهاش اي فرع تاني هي في المكان ده وبس ايه بقا الكدبة الجديدة اللي انت محضرهالي كان لازم تعرف ان هيجيلك يوم وهتتكشف قدامي والحق هيظهر انا معملتش فيك حاجة وحشة ليه عملت فيا كل ده

محمد : ضحى انا مش هتكلم تانيX-( اكتر من كده انا مش بكدب عليكي وانتي عارفة اني بحبك جدا وقلتلك اني عندي ظروف معطلاني عن اني اجي اتقدم رسمي واول لما الظروف دي تخلص هاجي ياضحى من غير ما تطلبي ولا تقوليلي حاجة
ضحي : واانا مليووووووون مرة سألتك وقلتلك قولي الظروف دي ايه كنت بتهرب مني وتقلي انا مش بحب احكي يعني ايه هفضل طول العمر احب انسان مجهول لا شفته ولا بكلمه ولا بيكلمني ولا حتى اعرف عنه اي حاجة لا كفاية عليا اوي كده احنا كده وصلنا للنهاية يامحمد كفاية كده

محمد : انا قلتلك مليون مرة اوعى تقولي الكلمة دي تاني انتي مش عارفة انتي ايه بالنسبة لي انا همشي ياضحى عشان منقفلش واحنا متخانقين اكتر من كدهX-(

ضحى : هتهرب من الكلام كالعادة كل ما ازنقك في الكلام تعمل كده لكن خلاص كده بجد وصلنا لنهاية كل حاجة كفاية كده اوي كده والمرة دي انا اللي هقلك سلام
محمد : طب انا هسيبك ترتاحي وبكرة نتكلم ان شاء الله تكوني هديتي شوية
ضحى : ههههههههه انت لسة برضه بتتكلم وانت واثق اوي من نفسك ومش قادر تصدق انه خلاص انتهى /:)........سلام يا مجهول

محمد : طب انا مش هزعل منك النهاردة وبكرة نتحاسب على الكلام ده سلام ياضحى ..X-(

ضحى قفلت الكمبيوتر ودخلت اوضتها وانهارت بالعياط لحد ما نامت من كتر التعب:((


يتبع بإذن الله لو عجبتكو ;;)





منتظرة الأراء:->

كده انا فهمت انها مش عجبتكو خلاص مش هكمل ومعلش غلست عليكو بقا :D

يجزيكى الخير كملى هى حلوه كتير

اقتباس:

---

المشاركة الأصلية كتبت بواسطة بنت الاسلام

يجزيكى الخير كملى هى حلوه كتير

---

مشكورة حبيبتي والله لردك عليا اخيرا حسيت ان في حد متابع خلاص هكمل مدام انتي متابعة حبيبتي :)

انتي بتتلككي يا بت ولا ايه مين قال انها مش عجبانا
يلا انا بحب المسلسلات دي جدا كمليها بسرعه واوعي تتأخري والله اضربك برباط الكوتشي الجديد;;)

واياكي تنسينا

اقتباس:

---

المشاركة الأصلية كتبت بواسطة Locked Heart

انتي بتتلككي يا بت ولا ايه مين قال انها مش عجبانا
يلا انا بحب المسلسلات دي جدا كمليها بسرعه واوعي تتأخري والله اضربك برباط الكوتشي الجديد;;)

واياكي تنسينا

---

مقدرش انساكي ياقمر نورتيني والله واديني بكلمها اهو حاضر من عونيا وبقلك ايه بلاش رباط الكوتشي الجديد احسن يضيع وكده الكوتشي يبوظ :D

متابعينك نمنمة بس نسينا نحط الرد
تسلمي يا رب
ممتعه يالا استمري

وااااااااااادي الحلقة الرابعة عشان خاطرك ياشيطونة انتي وبنت الإسلام وكل اللي متابعين


الحلقة الرابعة



-بعد فترة من الحزن والتعب اللي عاشتهم ضحى بس صحابها كانوا جمبها اوي وبرضه للأسف مقدرتش تقاوم قلبها وفضلت في تواصل مع محمد على الماسنجر اصله كان بيصبرها بكلامه وبيطلب منها تستناه بس رجوعها ليه المرة دي كان باهت الملامح وضحى من جواها برضه تعبانة اوي بص هي محكتش لزمايلها في الشغل انها لسة بتكلمه على الماسنجر وفي يوم وهي في شغلها رن موبايل ضحى وكانت بنت عمها بتتصل بيها



ضحى : الو ازيك ياوفاء

وفاء : الحمد لله تمام انتي عاملة ايه ياقمر

ضحى : الحمد لله تمام كويسة

وفاء : ضحى انا عاوزة اكلمك في موضوع كده واخد رأيك فيه

ضحى : خير ياوفاء قولي ؟؟

وفاء : بصي ياضحى عارفة على ابن عم باباكي ايه رأيك فيه ؟

ضحى : رأيي فيه ازاي يعني من ناحية ايه ؟؟

وفاء : اصل بصراحة بقا عاوز يجي يخطبك وكلمنا أكتر من مرة انا وبابا عشان نتوسط في الموضوع ده وافقي بقا ياضحي بالله عليكي

ضحى : انتي بتهرجي ياوفاء انتي مش عارفة يعني الموضوع اللي انا فيه واني بحب محمد انسى الكلام اللي بيتقوليه ده مش هيحصل وبعدين انا مش بحس بأي حاجة ناحيته يبقا ازاي ارتبط بيه ويبقا جوزي !!!!:-O

وفاء : يابنتي بطلي هبل بقا يعني لو هو جد مجاش ارتبط بيكي ليه انسيه يابنتي وبعدين ده قريبنا نعرفه كويس اوي وعارفين أخلاقه لكن ده واحد غريب وكمان قايلك ان شقته في بيت عيلة ياعالم هيعملوا معاكي ايه يابنتي احنا منعرفهوش واللي نعرفه أحسن من اللي منعرفهوش وده انسان كويس اوي وانتي عارفاه والحب هيجي بعد الجواز متقلقيش

ضحى : ايه ياوفاء هو سلق بيض ما تهدي كده شوية مينفعش يابنتي انا مش عاوزة ارتبط دلوقت

وفاء : ياضحى العمر بيجري ولازم تنسي الوهم اللي انتي عايشة فيه ده بقا وبعدين احنا ضامنينه ياستي وعارفينه كويس وعاوزين نفرح بيكي بقا انا كنت بشتري شبكتي النهاردة عاوزينك انتي كمان تكوني بتشتري شبكتك الأسبوع الجاي عشان خاطرنا بقا عاوزين نفرح سوا ونعيش قريبين من بعض وافقي بقا طب أقلك هديكي وقت تفكري بس هو وبابايا عاوزين يجولكو في اسرع وقت وافقيييييييييي بقا

ضحى : خلاص ياوفاء مش وقته روحي دلوقت عشان انا في الشغل بس انسي الموضوع ده ها مش هنيفعععععععع بس هفكر عشان خاطرك مع اني عارفة نفسي كويس جدا وبقلك ايه متخليهومش يجوا ها ماشي

وفاء : بصي اانا مليش فيه مقدرش أقلهم متروحوش بس ياضحى بالله عليكي توافقي مش هتلاقي احسن منه



( وطبعا الزن على الودان وكمان ضحى كانت مخنوقة اوي ونفسها تفرح زي بقية البنات لكن متعذبة بحبها لكن تعالوا نشوف هيحصل ايه )



ضحى : شوفت يااحمد جالي عريس

أحمد : :-O......عريس مين ؟؟؟؟!!!!

ضحى : ابن عم بابا بس انا مش هوافق طبعا هو كويس وكل حاجة بس صعب ارتبط دلوقت

أحمد : عين العقل خدي فترة عشان تهدي شوية ..8-|

ضحى : عندك حق8-|



ضحى روحت البيت وطبعا لقيت عمها كلم باباها



والد ضحى : ايه ياضحى رأيك في العريس اللي متقدملك ده

ضحى : عريس مين يابابا

والدها : ياسلام قال يعني البت مش عارفة

ضحى : اها ابن عمك

والدها : ايوة ابن عمي ها إيه رأيك:-/

ضحى : لا يابابا مش هينفع انا صراحة مش عاوزة اتجوز من العيلة عشان الأمراض الوراثية والحاجات دي:(

والدها : يابنتي ان شاء الله مفيش أمراض ولا غيره الواد كويس ومحترم وبيكسب تمام وهيجبلك شقة محترمة في مكان حلو انتي تختاريه ومتدين الحمد لله عاوزة ايه تاني

ضحى : يابابا لا مش عاوزاه مش هينفعني بجد

والدها : طب خدي وقت وفكري وبعدين قرري واعملي استخارة كمان وعلى فكرة هما جايين بكرة

ضحى : ايه جايين بكرة ليه يابابا بس مش قلتلي اخد وقتي

والدها : اهم اتصلوا وقالوا جايين اقلهم لا يعني وبعدين الولد مستعجل اعمله ايه

ضحى: ماشي يابابا انا داخلة اوضتي تؤمرني بحاجة حضرتك

والدها : لا يبنتي بس فكري كويس عشان دي فرصة كويس مترجعيش تندمي عليها

ضحى : حاضر يابابا:(



ودخلت ضحى أوضتها وقعدت تفكر وكده لازم بقا اخينا ده يتصرف ولا يعمل حاجة فقعدت تستناه على النت في نفس معاد كل يوم8-|



محمد : ضحى ازيك وحشتيني

ضحى : محمد الحقني لازم تتصرف وتعمل اي حاجة

محمد : خير ياضحى فيه ايه ؟؟ خضتيني

ضحى : جايلي عريس وأهلي موافقين عليه وبيضغطوا عليا لازم تتصرف وتعمل حاجة

محمد : ايه اللي بتقوليه ده:-O ازاي الكلام ده ضحى خدي موقف وارفضي انتي مستحيل تكوني لحد غيري ولا انا هتجوز واحدة غيرك

ضحى : هو ده اللي قدرت عليه عشان تقولهولي انا بقلك اتصرف انت اعمل حاجة تعالى لبابا او حتى خليني اشوفك عشان اقدر اقولهم لا

محمد : حاضر ياضحى هتصرف متقلقيش بس انتي مش هتكوني لحد غيري ابدا مهما حصل

ضحى : مش بالكلام يامحمد مينفعش الكلام المرة دي لازم تعمل حاجة

محمد : صدقيني حاعمل وبعمل انا مش ساكت

ضحى : ماشي يامحمد وانا اهو مستنية انك تعمل حاجة على الأقل وريني نفسك وانا هقف قدام الكل

محمد : حاضر ياضحى متقلقيش

ضحى : انا هقفل دلوقت سلام

محمد : سلام ياضحي خلي بالك من نفسك وارجوكي مش تعيطي انا مش هسيبك بجد ومش هتضيعي مني

ضحى : سلام يامحمد



وراحت ضحى الشغل تاني يوم



ضحى : شفت يااحمد بابا موافق على العريس وعمال يقنع فيا شكلهم كده هيجوزوني ليه بالعافية:(

أحمد : هو باباكي مستعجل كده ليه قوليله يصبر شوية8-|

ضحى : وانا اعمل ايه بس عمالين يزنوا على دماغي بنت عمي من ناحية وعمي كمان كلمني امبارح ومش مديني فرصة اصلا اقول اه او لا وكمان بابا من الناحية التانية والله منا عارفة هلاقيها منين ولا منين:((

أحمد : لا ان شاء الله خير مش تقلقي المهم بس انتي تعرفي تاخدي قرار مش هما

يتبع إن شاء الله بس بجد عاوزة أرائكم ياجماعة أنفع ولا لا :D

اقتباس:

---

المشاركة الأصلية كتبت بواسطة طيف عابر

متابعينك نمنمة بس نسينا نحط الرد
تسلمي يا رب
ممتعه يالا استمري

---

مشكورة حبيبة قلبي طيف ومشكورة كمان على الرسالة الحلوة دي على الصبح ومعلش حبيبتي اعذريني مخدتش بالي طيف ;;):D

روووووووووووووووووووووووع ه نمنمة الحلقه الجديدة كتير حلوة وتنفعي طبعااااااااا
والتوقيع الجديد بياااااااااااااااخد العقل:x:x:x
ممكن استعيره منك >:D<>:D<>:D<

اقتباس:

---

المشاركة الأصلية كتبت بواسطة طيف عابر

روووووووووووووووووووووووع ه نمنمة الحلقه الجديدة كتير حلوة وتنفعي طبعااااااااا
والتوقيع الجديد بياااااااااااااااخد العقل:x:x:x
ممكن استعيره منك >:D<>:D<>:D<

---

بجد انفع ;;) الله يكرمك يارب ومشكورة ياحبيبتي على رأيك المشجع ده وبالنسبة للتوقيع فده بيتأجر في الساعة بخمسة جنيه ينفعك على كده:-?=)) بس برضه مش هيكون اجمل من توقيعك ياحبيبتي

روووووووووووووووعة روووووووووووووووووووعة روووووووووووووووووعة
أنا لسة شايفة الحلقات دى دلوقتى وبجد مستنية الباقي
ربنا يخليكى متتأخريش علينا
وتسلمىىىىىىىىىىىىىىىىىى نمنمة

اقتباس:

---

المشاركة الأصلية كتبت بواسطة حبيبة

روووووووووووووووعة روووووووووووووووووووعة روووووووووووووووووعة
أنا لسة شايفة الحلقات دى دلوقتى وبجد مستنية الباقي
ربنا يخليكى متتأخريش علينا
وتسلمىىىىىىىىىىىىىىىىىى نمنمة

---

الله يخليكي ياحبيبة يارب ومش هتأخر ان شاء الله ربنا يسهل يارب ومنورة الحكاية ياحبيبة >:D<

الحلقة الخامسة


ضحى على النت8-|

ضحى : محمد انا هستناك بكرة في الشغل تجيلي عشان نتكلم في الورطة اللي انا فيها دي معادش النت ينفع خلاص
محمد : هحاول اجي ياضحي
ضحى : مفيش هحاول لازم تيجي يامحمد انا هستناك الساعة اتنين لازم تيجي لو مجتش يبقا انت بايعني يامحمد
محمد : انا عاوز اجي ويكون في ايدي حل مش اجي كده من غير ما اكون عملت خطوة
ضحى : يعني هتسبني اضيع من ايدك برضه؟؟؟
محمد : لا ياضحي انا مقلتش كده خلاص ياضحى هحاول اجي بجد
ضحى : هستناك يامحمد ارجوك تيجي مش زي كل مرة
محمد : مش تقلقي ياضحي بس ارجوكي انتي خليكي على موقفك متضعفيش
ضحى: حاضر يامحمد
محمد : سلام ياضحى
ضحى : سلام

وتاني يوم كان المفروض ان محمد هيجي لضحي وكمان عمها والعريس جايين البيت و.......

هبة : ما تهدي يابنتي مالك مش على بعض ليه كل شوية رايحة جاية على البلكونة فيه ايه ياضحى مالك ؟؟؟!!!
ضحى: لا مفيش ياهبة متاخديش في بالك
هبة : طب سايبة احمد من الصبح شغال لوحده ليه ادخلي شوفي اللي وراكي بقا
ضحى : ماشي ياهبة هدخل اهو ........هي الساعة كام قدامك
هبة : الساعة اتنين وخمسة
ضحى : اتنين وخمسة ......=((
وفاتت نص ساعة كمان وكمان ساعة وضحى واقفة في البلكونة بتكلم نفسها

ضحى : ده اللي هتيجي ده اللي مش هتسبني اضيع من ايدك انا اللي هبلة وبضحك على نفسي من زمان واستاهل أكتر من كده بجد مش هقول غير منك لله وخلاص كده كفاية عليا هبل كده ياكداب ياغشاش عمرك ما صدقت معايا في كلمة كلهم كان عندهم حق:(:-S

وروحت ضحى من شغلها و....

والدة ضحى : جهزي نفسك ياضحى عشان زمانهم جايين



ضحى : والله ياماما انا ما ليش نفس اصلا
والدتها : طب ما تقولي لابوكي وبلاش الموضوع ده
ضحى : منا قلتله ياماما وبرضه مفيش فايدة شايف انها فرصة وبلاش اضيعها ما تقوليله انتي ياماما
والدتها : لالالالالالا ابعديني انا مليش دعوة خليني بعيد مقدرش اقوله بلاش انتي عارفة ساعتها ابوكي هيفتكر اني مش عاجباني عيلته والحاجات دي بلاش انا ادخل في الموضوع ده قوليله انتي بنفسك
ضحى : ماشي يماما ربنا يستر بقا
والدتها : ربنا يقدملك اللي فيه الخير
ضحى : يارب

والناس جت وقعدوا مع ضحى ووالدها ووالدتها وقالوا اللي عندهم وطلبوا رأي ضحى وخدها والدها على انفراد وكلمها و....

والد ضحى : ها يابنت ايه رأيك في الكلام اللي اتقال اهو قالك هيعملك كل حاجة انتي عاوزاها واطلبي وهو ينفذ
ضحى : انا مش عاوزة يابابا بجد مش هقدر مش هينفع يابابا انا تفكير وهو تفكير
والدها : طب يابنتي جربي مش هتخسري حاجة وحرام تضيعي الفرصة دي من ايدك وبعدين بقا انتي مش موافقة ليه كده يبقا في اكيد حد تاني X-(في دماغك اكيد X-(
ضحى: لالالالالالالا حد تاني مين :-Sيابابا مفيش حد تاني ولا تالت خلاص يابابا اللي تشوفه:(
والدها : أيوة كده يابنتي الف مبروك ياحبيبتي:)

وخرج والدها بشر العريس ونزلوا في نفس اليوم هي والعريس وهبة كمان وجابوا الدبل واتفقوا على يوم الاتنين اللي جاي يعلنوا الخطوبة

وضحى بتقول لنفسها خلاص بقا هو ده نصيبي وزي ما تيجي:-S

وتاني يوم في شغل ضحى :

أحمد : مبروك ياضحى :(...ربنا يوفقك
ضحى : الله يبارك فيك يااحمد عقبالك
أحمد : الله يخليكي بس بجد ليه باباكي استعجل اوي كدهL-)
ضحى : اهو بقا يااحمد اللي حصل عاوز يطمن عليا انت عارف ان كلنا بنات
أحمد : ماشي ياضحى ربنا يوفقك المهم تكوني مرتاحة8-|
ضحى: بحاول أرتاح واريح اللي حواليا:(

وجه معاد خطوبة ضحى وتمت الخطوبة وعدت على خير و.....

نكمل الحلقة الجاية بقا
يتبع بإذن الله .....

دايما كده بتعلقينا:D
كملي
كملي
كمليييييييييييييييييييييي ييييييييييييييييييييييي
:((:((:((:((:((

براحة عليا ياحبيبية دنا لسة بكتب فيها مش لما الوحي ينزل :D

ماشي بس بسرعة
:((:((:((:((

وأقولك براحتك عشان ايديكى متوجعكيش:D
بس برده متتأخريش
:D:((:((:((:((:((:D

ماشي ياحبيبة من عونيا :-B:D

الحلقة السادسة


الحلقة السادسة



بعد الخطوبة في الشغل :



هبة : ضحىىىىىىىىىى مبروووووووووك كنتي امورة امبارح

ضحى : الله يخليكي عقبالك ياهبة بقلك ايه هو احمد مجاش ليه امبارح

هبة : قالي انه عنده مشوار كده بليل مش هيقدر يجي

ضحى: طيب ماشي انا داخلة اشوف شغلي

هبة : استنى أخبار النفساوية ايه ؟؟؟

ضحى : الحمد لله اهو عايشة يابنتي عادي

هبة : لا انا اقصد انتي وعلي يعني عاملين ايه مع بعض

ضحى : اهو هو طيب والله ياهبة وكويس بس انتي عارفة الجرح لسة جوايا مش قادرة انسا:(

هبة : روحي يابت جتك نيلة امشي شوفي شغلك

ضحى : ازيك يااحمد عامل ايه انا زعلانة منك;;)

أحمد : ليه بس ياضحى معلش والله غصب عني مقدرتش

ضحى : ماشي يااحمد هسامحك المرة دي بس المرة اللي جاية بقا لازم تيجي

أحمد : ان شاء الله



ورن موبايل ضحى وكان علي :



على : ضحى ازيك عاملة ايه



ضحى : الحمد لله تمام وانت



على : الحمد لله كويس وتمام جدا من يوم ما بقيتي معايا وانا الحمد لله تمام اوي



ضحى : الله يخليك ده من زوقك بس



على : لا والله دي حقيقة فعلا انتي نورتي حياتي

ضحى : متشكرة

على : طب تؤمريني بحاجة

ضحى : الله يخليك متشكرة اوي

على : طب خلي بالك من نفسك

ضحى : وانت كمان سلام



هبة : ايه ياضحى ايه الأخبار

ضحى : ولا حاجة لا جديد عارفة ياهبة ولا حاسة بأي شيء ناحيته نهائي مهما قال مش عارفة وبعدين بقا

هبة : انتي هبلة يابت هو على طول كده يابت اصبري مش على طول بياخد وقت على ما قلبك ياخد عليه

ضحى : شكلها حكاية صعبة اوي ياهبة ربنا يستر:(



وبعد أسبوعين من الخطوبة والحال على ما هو عليه لكن كان في حاجة غريبة بتحصل مع ضحى وأحمد

ضحى حاسة بفرحة غريبة جدا طول الوقت اللي بتقضيه في الشغل دايما هي واحمد وهبة مش بيبطلوا هزار وضحك سوا حاسة انها بتنسى الدنيا وهمومها معاهم وبقت نفسها وقت الشغل يطول شوية كمان عشان تفضل معاهم على طول معاهم بتنسا الوقت فعلا



وجت هبة في يوم بتقول لضحى :



هبة : ضحى انا مسافرة أسبوع للمصيف وانتي هتمسكي مكاني

ضحى : اممممممم طب ما تاخديني معاكي يابت انتي انتي هتروحي تتفسحي لوحدك كده:D

هبة : تعالي والله بس كده هنسيب المركز لوحده مش هينفع طبعا المدير هيخرب بيتنا ده مخليني اسافر عشان مطمن انك هتمسكي مكاني

ضحى : ماشي ياختي سافري بالسلامة:-P



وفي الأسبوع ده أحمد قرب من ضحى أكتر بس مكانتش ضحى فاهمة أي حاجة ضحى كانت بتتعامل مع أحمد كأخ وبس وأخ عزيز عليها جدا إنما أحمد الوضع عنده كان مختلف وطبعا كان بالنسبة له مفيش أي أمل في شيء لكن هيعمل ايه قلبه بقا



وبعد أسبوع على كلم ضحى وقلها



على : ضحى عاوزين نروح نشتري الشبكة كمان يومين

ضحى : انت مستعجل اوي كده ليه لا بلاش شبكة دلوقت

على : ليه ياضحى ما الفلوس موجودة وكده ولا كده هنشتريها يبقا ليه التأجيل

ضحى : بلاش دلوقت معلش

على : لا هنروح نشتريها خلاص انا قررت

وراحو فعلا اشتروا الشبكة وبدأ على بعدها كمان يتكلم في كتب الكتاب



ضحى : اييييييييييييه كتب كتاب بسرعة كده لالالالالالالالالالالالا مقدرش مينفعش

والد ضحى : ليه بس يابنتي ما الولد كويس اهو وجاهز وعاوز يعمل خطوة كويسة وبصراحة انا مبحبش انه يجي كل شوية بخطوبة بس وكمان ده اشترالك الشقة

ضحى : بلاش يابابا دلوقت

والدها : بصي يابنتي احنا دلوقت في شهر رمضان المفترج اهو يخلص ونكتب الكتاب بعدها وان شاء الله خير

ضحى استسلمت للأمر الواقع :(وبدأت بالفعل تحضر لكتب الكتاب



ضحى : هبة تعالي معايا النهاردة عشان نشوف فستان كويس عشان كتب الكتاب

هبة : ايييييييه كتب كتاب بسرعة كده يابنتي

ضحى : اهو هما عاوزين كده بابا اصله غيور شوية مش بيحب الدخول والطلوع من غير حاجة رسمي

هبة : طيب ماشي هاجي معاكي بعد الفطار ان شاء الله هو امتى صحيح

ضحى : تالت يوم العيد ان شاء الله ..........أحمد هتيجي بقا مش زي المرة اللي فاتت

أحمد : ان شاء الله ربنا يسهل



وفضلت ضحى تعمل استخارة كتييييير طول شهر رمضان لحد الأسبوع الأخير من شهر رمضان نامت يوم الخميس وصحت يوم الجمعة كان عندها احساس فظيييييييييع انها مش عاوزاه ومش هتقدر تكمل معاه ولو للحظة تانية وطبعا كلمت هبة وقالتلها احساسها ده وهبة فورااااااا قالتلها



هبة : بصي ياضحى بصراحة بصراحة هو مش لايق عليكي خالص حاسة انه بعيد عنك اوي بس مرضتش اقلك كده من الأول

ضحى : هبة انتي حمارة بجدX-(

هبة : انا حمارة ياضحى بقا كده ماشي كتر خيرك

ضحى : ايوة حمارة لأني من الأول سألتك على رأيك كنتي بتقوليلي كويس يامنى ياحمارة انتي ما تقوليلي بصراحة من الأول بدل ما كنت ادبس كده امال صاحبتي ازاي ؟؟؟!!!!

هبة : ماهو مكانش ينفع اقلك كده وانا شفتك سلمتي بكلامهم يعني كنت هقلبك عليهم المهم لو مش عاوزاه فعلا الحقي نفسك قبل ما تخشي في تدبيسة أكبر وأكبر

ضحى : طب روحي انتي دلوقت

هبة : ماشي سلام



وراحت ضحى فورا كلمت والدها وقالتله على اللي هي حاساه طبعا والدها اتصدم بس مقدرش يغصب عليها أكتر من كده لأن العملية دخلت في كتب كتاب كمان بس طبعا سمعت كلام من الكلام كان صعب عليها اوي لدرجة انه هو كمان سمعها كلام صعب أوي لكنها كانت على يقين من جواها انها لو كملت معاه كان هو اللي هيتظلم أوي ومن المنطلق ده استحملت الإهانات واللي سمعته وخدت قرارها بإنها تسيبه بلا رجعة وسابته فعلا لكنه حاول مرة واتنين وتلاتة عشان يرجعوا لبعض وساق عليها الدنيا بحالها لكن مفيش فايدة كانت رافضة تماماً





واتفسخت الخطوبة وفي يوم قبل ما يخلص شهر رمضان كانت ضحى قاعدة على النت مخنوقة شوية ففجأة لقت حد بيرن عليها على الماسنجر

لقيت مييييييييييييين :-/:-/:-/:-/ ونكمل الحلقة الجاية ان شاء الله كفاية كده النهاردة :D

اكيد محمد الرخم نمنمه قوليلها تنفض للواد دا وتحب احمد;;)

تسلم ايديكي كمليها بقي لحسن انا هموت من الفضول عايزه اعرف ايه اللي حصل والا............../:)

:((:((:((:((:((:((
انا هقوم كمان شوية ومش هشوف الحلقة الا بكرة

يلا يا نمنمه بقي ايه التأخير داX-(

؟؟؟؟؟؟؟؟؟
نمنمة انتى اتأخرتى ليه؟
X-(:-/:-/:-/X-(

يا نمنمه يلا بقي انا زعلي وحش اتقي شري احسن:-O

حاضر والله بجهزها اهو اصبروا شوية ياحبايبي حالا اهو :D

الحلقة السابعة :



وضحى قاعدة مخنوقة كده فجأة لقت حد بيرن عليها على الماسنجر بتبص لقت إيميل أحمد زميلها في الشغل ودارت المحادثة دي :

أحمد : ضحى ازيك عاملة ايه

ضحى: الحمد لله تمام وانت عامل ايه

أحمد : الحمد لله كويس تمام المهم انتي

ضحى: اهو مخنوقة والله يااحمد شوية

أحمد : من ايه يابنتي بس فيه ايه

ضحى: لوحدي والله كده .....8-|

-ايه ده الساعة ستة ونص الصبح بسرعة كده امال انت مش نمت ليه لحد دلوقت:-/

أحمد : فضلت قاعد في الشغل مرضتش أروح

ضحى : طب أحمد ممكن أقلك حاجة ؟؟

أحمد : طبعا ياضحى اتفضلي

ضحى : انا مخنوقة وعاوزة انزل من البيت دلوقت حالا ينفع تقابلني دلوقت في محطة مصر8-|

أحمد : بجدددددددددد:D طبعا انا جي دلوقت حالا يلا قومي البسي وأول ما تجهزي قوليلي عشان اركب انا

ضحى: ماشي يااحمد انا متشكرة اوي انك وافقت

أحمد : انتي عبيطة ولا ايه دنا مبسوط والله :Dاني هقابلك دلوقت

ضحى: ماشي انا رايحة ألبس

وجهزت ضحى نفسها بسرعة وقالت لأحمد عشان يروح يركب هو كمان

واتقابلوا فعلا و....

ضحى : ازيك يااحمد عامل ايه

أحمد : انا كويس الحمد لله مدام شفتك النهاردة كده على الصبح:D

ضحى: الله يخليك يااحمد

أحمد : هو احنا هنروح على فين ...تيجي نروح نقعد في أي كافيتيريا

ضحى: لا احنا هنروح على شارع جرين

أحمد : ايه؟؟؟؟!!!:-O وهنروح الشارع ده ليه:-/

ضحى : عشان نسأل عن محمد هناك هو قايلي اسمه بالكامل وكمان قايلي ان الشارع كله يعرفهم

أحمد :.........................:-O:-O:-OX-(X-(X-(ماشي ياضحى زي ما تحبي/:)

-هو انتي لسة برضه بتفكري في الموضوع ده يابنتي ده ندل متفكريش فيه:|

-ضحى: اصله كلمني مرة وانا مخطوبة وانا سألته سؤال قلتله انت عيطت عشاني يامحمد ؟؟ قلي طبعا ياضحى انتي متعرفيش انا بحبك اد ايه وشخصية محمد انا عارفاها كويس من النوع اللي ميعترفش بسهولة لحد انه ضعيف وبعدين انا هنته كتير اوي وهو اتحمل مني كل ده .

أحمد : ياضحى فوقي بقا كفاية كده اوي لكن عشان متزعليش ومتروحيش لوحدك تسألي انا هاجي معاكي:(

ضحى: متشكرة ليك اوي يااحمد;;)

وراح أحمد هو وضحى يسألوا عن محمد فعلا في الشارع اللي قلها انه ساكن فيه وطبعا أحمد كان ماشي مصدوم جدا جدا مش قادر يستوعب اللي حاصل بعد ما كان فرحان جدا جدا لطلب ضحى ده رجع اتصدم اوي وماشي وهو مجروح جدا ومش قادر طبعا يقلها حاجة لأن مفيش حاجة تتقال:(

وبعد ما لفوا الشارع كله ملقوش أي حد ساكن في الشارع ده بالاسم ده نهائي:->

ورجعت ضحى المرة دي وهي مصدومة أكتر من الأول لكنها المرة دي خدت قرار نهائي بأنها تنساه وشكرت لأحمد وقفته جمبها وفي أخر يوم في شهر رمضان بليل في ليلة العيد بالتحديد أحمد كان رن على ضحى مرة كده الصبح وهي بتقلب في تليفونها لقيته رن عليه فردلته الرنة بليل الساعة اتنين مفيش خمس دقايق ولقيت اتصال من رقم التليفون بتاع بيت أحمد وكانت المكالمة دي

أحمد : أيوة ياضحى ازيك عاملة ايه يابنتي انا مكنتش مصدق ان ده رقمك اللي بيرن عليا:D:x

ضحى: ليه يعني وفيها ايه هو انا صحيتك من النوم:-/

أحمد : لالالالالالالالالالالا ابدا انا كنت لسة قاعد كده بفكر انام بس أصلك عمرك ما رنيتي عليا ولا مرة فانا استغربت لما لقيتك بترني بس انا فرحان اوي والله انك فكراني:D

ضحى: انا مخنوقة أوي يااحمد على عمال يزن عليا عشان نرجع واهلي مش راضيين يسبوني في حالي انا اتخنقت من كتر الزن وخايفة اضعف تاني وحاسة ان ضميري بيعذبني:(

أحمد : لالالالالا ياماما وانتي ايه اللي يخليكي ترجعي لحد انتي مش حاباه خليكي على موقفك مدام مش مستريحة يبقا بلاش ترجعي طبعااا;)

ضحى: بجددددددددددد طب ربنا يخليك يارب متتصورش كلامك ده ريحني أد ايه بجد متشكرة اوي

أحمد : أه يابنتي هتعذبي نفسك ليه بس انتي أمورة وحلوة وطيبة أوي اوي وألف من يتمناكي بس انتي انسي اللي فات كله وافتحي صفحة جديدة في حياتك وان شاء الله خير

ضحى: انا متشكرة ليك اوي يااحمد وكل سنة وانت طيب يلا روح نام بقا

أحمد : وانتي طيبة ياضحى وتصبحي على خير

ضحى : وانت من أهله سلام

وأحمد بعد التليفون ده مكانش مصدق نفسه ان ضحى رنت عليه دي عمرها ماعملتها وكمان اهي بتستشيره في موضوع مضايقها ....أحمد بينه وبين نفسه : آآآه ياضحى لو تعرفي أنا اد ايه بحبك طب اعمل ايه عشان تحسي بيا اقلك خايف تقوليلي لا ..........:-S



وأول يوم العيد بليل أهل ضحى خرجوا وهي كانت نايمة وقامت فتحت الكمبيوتر ولقيت أحمد على النت اتكلموا شوية وفي وسط الكلام كده ضحى قالت لأحمد انا جعانة اوي يااحمد:D

أحمد : بجد جعانة طب بصي انا هقفل دلوقت وهكلمك كمان شوية ماشي

ضحى: هههههههههه طب ماشي انا بقلك جعانة تقولي هقفل ماشي انا موجودة اهو:D

أحمد : طب سلام دلوقت

-مفيش نص ساعة بالظبط وضحى لقيت أحمد بيرنلها على الموبايل وطول أوي ففتحت عليه قالتله أيوة يااحمد انت رحت فين قالها

أحمد : قالها ضحى ممكن تنزليلي السبت بتاعكوا ...

ضحى: ايه ليه انت فين

أحمد : أنا تحت بيتكو يلا بسرعة نزلي السبت

ضحى: طيب حاضر سلام

ونزلت ضحى السبت ولقيت احمد حطلها كيس كبير كده هي مش عارفة فيه ايه ولما فتحته لقيت أحمد جابلها أكل كتير اوي ساندويتشات ياما

فورا اتصلت بيه على الموبايل وقالتله

ضحى: أحمد انت مجنون بجد:-O ايه اللي انت عملته ده

أحمد : ما اعمل ايه ما انتي قولتي جعانة قلت أجبلك أكل حرام انتي قاعدة لوحدك واكيد مفيش أكل يلا كلي بالهنا والشفاء

ضحى: تقوم تسيب شغلك وتقفل السيبر وتيجي لحد هنا عشان تجبلي أكل والله انت مجنون بس متشكرة اوي يااحمد بجد مش عارفة أقولك ايه

أحمد : تقوليلي انك كلتي بالهنا والشفا

ضحى: ........ربنا يخليك طب لما توصل السيبر ابقا كلمني على النت

أحمد : اوك سلام

واستغربت ضحى من الموقف اللي عمله أحمد معاها ده ومبقتش فاهمة أي حاجة بس ضحى عمرها ما فكرت ولا جه في بالها حتى بعد الموقف ده ان احمد بيحبها دايما كانت بتقول لنفسها أحمد انسان جميل أوي وأمور والف بنت تتمناه وفي نفس الوقت عمره ما هيفكر فيا لأنه عارف حكايتي كلها استحالة يفكر فيا بجد8-|

و.............نكمل الحلقة الجاية بقا

ها ياحبيبة انتي وشيطونة مبسوطين اديني حطيت الحلقة اهو :D ياترى قريتوها بقا ولا لسة طمنوني ايه الاخبار ؟؟؟>:D<

>:D<>:D<>:D<>:D<>:D<
روووووووووعه
متابعين

اقتباس:

---

المشاركة الأصلية كتبت بواسطة طيف عابر

>:D<>:D<>:D<>:D<>:D<
روووووووووعه
متابعين

---

وحشتيني طيوفة وحشتيني كتييييييييير مشكورة ياقمر على ردك وانا هكمل اهو دقيقتين بس ;;)