لو عايز تحرق دم بنت ادخل هنا, اوعى البنات تزعل منى
بسم الله الرحمن الرحيم
--------------------------------------------------------------------------------
اول حاجة انا عملت الموضوع ده علشان نرفه عن نفسنا شوية
تانى حاجة ياريت لا البنات و لا الشباب ياخدوا العملية بشكل شخصى
تالت حاجة اللى عند اضافة ياريت يضيفها فى المشاركات
وتقبلوا تحياتى.....
كيف يرفع الولد ضغط دم البنت؟؟؟
العملية فى منتهى السهولة و سيتم عرضها من خلال من خلال عدة مواقف متتالية و الله المستعان و ربنا يقدرنا على بنت حواء......
1- اذا كنت ماشفتهاش من زمان و قابلتها صدفة و بتسالك انت عامل ايه ازى احوالك ؟
ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى؟
2- ولما ترد و تقول خلاص انا اسفة
ترد و تقول شىء طبيعى
3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها
ميه
4- لو كنت فى عرابيتك و عدى من جنبيك عربية و فيها بنت حلوة افضل باصيصلها و متنح و لما تسالك انت بتبصلى كده ليه شد على الرابع و نفضلها.......
5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك شبه صوت حسنى بالظبط
.
6- لو ماشى مع بنت جميلة جدا و بتسالك عن رايك فى شكلها قولها
هايلة يا حياتى بس لو فيه منك على حريمى!!!!
(اللى مافيهمهاش يسالنى)
7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30
بص فى ساعتك و قوللها تمام الساعة بتاعتك مظبوطة!!!
8- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك.....
9- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) .....
هتنادى عليك........
- احمد .... ممكن لو سمحت......
- بصلها و اضحك فى و شها و بعدين دير وشك و نفضلها خالص و لا كانك شفتها قبل كده......
طبعا و شها هيبقى شبق الطمطماية لكنها بعد كده هتروح تشتكيك لوميلاتها و تقول عليك انك و لد تنك و ماعندكش دم و لا ذوق....
و فاجاة روح كلمها عادى و لا كان حاجة حصلت......
هتحتار فيك و تعجب بيك.... و يمكن تحبك.....
(على فكرة انا لما عملت كده كانت صدفة و الله ماكنتش اقصد)
10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........
و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها
(طبعا اعمل حسابك ان البقال هيضربك باى حاجة فى ايده)
11- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا!!!!
12- لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضرت من شوية رجالة كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما رسبت السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس!!!!!!
13- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟
قولها: هو انتى مين فيهم!!!!!!
14- لو كنت ماشى مع بنت سامرة (على فكرة انا بموت فى السمر ماتفهمونيش غلط انا حتى اللى بمشى معاها شبه سامية جمال) وكانت لابسة فستان احمر و قاليتلك دلعنى....
قولها : يا فحم مولع..!
15- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه
رد عليها و قولها : واعمل زيه ازاى و انا ماعرفش البنت اللى بيمشى معاها!!!!
16- لو بتسالك فى غيرة ( انا عرفت انك ماشى مع بنت تانية غيرى اسمها دعاء و شاقرة) رد و قول لا و الله انا ماشى مع بنت خمرية و اسمها سارة!!!!!
17- لو قالتلك اى بنت مش بزمتك انا مالية عليك حياتك
قولها: ايوة بس لو ماكنتش عرفتك كانت محفظتى هتفضل مليانة
رد: لو عايز تحرق دم بنت ادخل هنا, اوعى البنات تزعل منى
ههههههههههههههههههههههههه ههههههههههههههههههههههههه هههههههههههههههههههههههه
ليه كدا بس يا ماجمان دانت بتحب البنات حب ياااااااااااااااااااااااا ااه محدش يقدر يوصفه
بس لو حد سمع كلامك يبقا رخم ورزل ومعندهوش زوق كمان
ميرسي علي الموضوع الجميل زيك دا
رد: لو عايز تحرق دم بنت ادخل هنا, اوعى البنات تزعل منى
اقتباس:
المشاركة الأصلية كتبت بواسطة young divel
ههههههههههههههههههههههههه ههههههههههههههههههههههههه هههههههههههههههههههههههه
ليه كدا بس يا ماجمان دانت بتحب البنات حب ياااااااااااااااااااااااا ااه محدش يقدر يوصفه
بس لو حد سمع كلامك يبقا رخم ورزل ومعندهوش زوق كمان
ميرسي علي الموضوع الجميل زيك دا
عرف منين يا باشا
شكرا علي مرورك وردك الجميل=D>
رد: لو عايز تحرق دم بنت ادخل هنا, اوعى البنات تزعل منى
ايه يابنى دا كله
انت باين عليك خبره كبيره اوووووووووووى ف الحياه:D
دا كده الناس هتطفش من بعضها
رد: لو عايز تحرق دم بنت ادخل هنا, اوعى البنات تزعل منى
مش عارفه انا فاكرة انى رديت على الموضوع وقلتلك هادى نصائح تطفيش وما بنصح اى حد يسمع كلامك
الزهايمر يمكن خلانى اعتقد انى رديت
شكرا على موضوعك
رد: لو عايز تحرق دم بنت ادخل هنا, اوعى البنات تزعل منى
مع أنى مابحبش الغتاتة
بس الموضوع ضحكت عليه كتير
وطبعاً مش هاجربه
:)):)):))
رد: لو عايز تحرق دم بنت ادخل هنا, اوعى البنات تزعل منى
اقتباس:
المشاركة الأصلية كتبت بواسطة العوامى
مع أنى مابحبش الغتاتة
:)):)):))
يا عم مشكور علي العموم
