اهلا وسهلا باحسن اعضاء
اعضاء مصراوي كافيه
طبعا كلنا كان لينا اختيارات لرئيس الجمهوريه مننا اختار الرئيس الحالي ومننا اختار غيره لكن في النهايه اراده الصندوق الانتخابي قررت ان يكون رئيسنا
السيد محمد مرسي
فهل انتم كمواطنين راضيين حتي الان عن قرارته عموما ؟؟
وبنسبه كام في الميه ؟؟
وياتري هتحاولوا تدعموه ازاي ؟؟ وتساعدوا في رقي بلدكم ؟؟
وهل انتو راضيين عن قراراته في تشكيل الحكومه ؟؟؟
منتظره ارائكم
و
د
م
ت
م
:)
[IMG]http://im13.***********/2012-08-04/1344091604911.gif[/IMG]
[IMG]http://im24.***********/2012-08-04/1344092027161.gif[/IMG]
اها انا لحد ما موافقه بيه
انا كان نفسى يكون حمدين
بس اهو السيد محمد مرسى احسن من شفيق
وربنا يحفظ مصر يااااااااااارب
ويوصلها لبر الامان
[IMG]http://im13.***********/2012-08-04/1344091604512.gif[/IMG]
تسلمي يا بنوبون لمشاركتك مهما كان المرشح اللي دعمناه في البدايه ورغم ان انا كمان لا انتخبته في الاولي ولا التانيه (ابطلت صوتي)
المهم حاليا رئيسنا السيد محمد مرسي عشان كده واجب عليا احترامه
وان شاء الله ربنا يقدم الاصلح لبلدنا
السلام عليكم ورحمه الله وبركاته
مبروك عالاشراف الاول السياسي نور
انا شايف ان الناس فضلت عايشه علي حكم مبارك 30 سنه وكان عندها امل انه يتحسن او يرفع مستوي البلد ف صعب جدا احكم علي حكم الاخوان في كام يوم عدو
الله يبارك في حضرتك
هو فعلا مينفعش نحكم حاليا علي الحكم كامل او اسلوب الحكم لان دا مظهرش
لكن في قرارات اتاخدت في مواقف كتير عدت بيها البلد تحت رايته وحكمه علي الاقل نكون راضيين او لا عن اللي حصل وبيحصل كل يوم
والله انا اصلا من مؤيدين صباحي :) لكن لما كنا بنختار بين الثورة واللا ثورة كان لازم نختاروا مرسي يعني كنا مضطرين لكن بجد هو اثبت انه كويس جدا وكل قرراته لحد دلوقتي سليمه بنسبه كبيره جدا وخصوصا انه شال طنطاوي وعنان والكهربا بعدها مبقتش بتقطع خالص :)) الريس بيحاول يرضي كل الاطراف وطبعا مش هيقدر وفي ناس ضده لكن ان شاء الله خير وانا متفائله جدا جدا وحاسه ان قريب هترجع مصر ام الدنيا :) واكيد احنا هنساعده عن طريق ان كل واحد يعمل اللي عليه في شغله ويرضي ضميره لان بجد اسوء حاجه ان اغلب الناس مبقاش عندها ضمير لو كل واحد عرف دوره وعمله صح اكيد البلد دي هتتقدم ان شاء الله لان النهضه مش هيقوم بيها شخص واحد لازم كلنا نكونوا ايد واحده عشان نبني بلدنا من جديد واكيد اللي حصل امبارح في "ثورة " 24 اغسطس مع الاعتذار عن كلمه ثورة وضح للعالم كله حجم الثورة المضاده وان الناس مقتنعه بأداء مرسي لحد دلوقت ولو بشكل جزئي :)
دعاء
حمد الله ع السلامه
نورتى المنتدى من جديد
ياااااااااااااااااه غيبه طويله اوى
يارب تكونى بخير وصحه وسرمه وكل سنه وانتى طيبه
كلامك زى الفل وفعلا حتى لو مكناش اخوان احنا مصريين واللى يحط مصلحه مصر اولا احنا معاه وجنبه وف ظهره
ولازم كلنا نكون جنبه كل واحد ف مجال عمله كل واحد يؤدى الواجبات اللى عليه الاول قبل ما يفكر يطالب بحقوقه
وان شاء الله مصر راجعه واقوى مما كانت بس لازم نصبر شويه ونستحمل شويه
وربنا يوفق الجميييييييييييييع
دمتى ف طاعه الرحمن
فعلا نور النهضه هنقوم بيها كلنا
تسلمي لمشاركتنا برايك
يارب فعلا يا محمود مصر ترجع سواء بايده او بايد غيره بس ترجع وخلاص:D
تسلم لمرورك
اين الامن والامان يارئيس يمنتخب
اان شاء الله ربنا يرزقنا بيهم ... نورت :)
على ما اظن دلوقتى الرد على موضوعك ده بقى سهل جدا
يا ساره
اللى وصلناله دلوقتى بيرد رد قاطع انه اداء لا يرتقى بالثورة
ولا بشهداء الثورة
ولا بالشعب اللى بيدفع الان ثمن حاجات هو اصلا مش عارف هى ايه واخرتها ايه
وبينى وبينك كده
وحشتينى يا وحشه:-*