مايك المنتدى جة ياجماعة الحق امسكة واكتشف نفسك

بسم الله الرحمـــــــ الرحيم ــــــن

×?°مايك المنتدى×?°



لكل عضو صوت لابد أن يُسمع ..
ونحن كأخوة هُـنا من واجبنا أن نستمع لبعضنا ..


* ومن هذا المنطلق *


برزت فكرة [..مــايك المنتدى..]


لذا سيحق في كل يوم لعضو واحد أن يتملك المايك ..
ويفصح من خلاله عما يريد قوله .. أن يُـخرِج مـافي جعبته ويكتب مايشاء ..







][..قواعد المايك..][




للعضو صاحب المايك >> لك أن تقول مايحلو لك ( مقال , خاطرة , قصيدة , تُـعرف بذاتك ..

ولك أن تجمعهم كلهم ) .


للأعضاء >> عدم مقاطعة العضو بالردود ..
يعني ممنوع أي أحد يرد على الموضوع قبل ما يقول العضو اللي معه المايك

"انتهيت"

ومن بعده الكل يقدر يقول رايه ويعلق..

عشان نعطي العضو حرية أكبر ويقول اللي يبي ..!!


(لأن مدة إستلامه للمايك يوم فقط)


شعارنا

من قدك المايك بيدك ^_^

::


بس قبل مــانبدأ الموضوع وقبل مــا نسلم المايك لأحد ..
رايكم يهمني .. فلا تحرموني بصمتكم..!!


اعجبتني الفكره وحبيت انقلها لكم..!!


واول شخص يستلم المايك

منى رشدى

اذا ماكان عندها مانع..!!

ملاحظه..!!

كل شخص يستلم المايك..يختار من بعده يستلمه...‍‍‍‍‍‍‍‍‍‍‍� �‍‍‍‍‍‍‍‍‍‍‍‍!!

في البدايه علي صاحب المايك أن يعطينا نبذة صغيرة عنه

اشته ؟؟

موضوع هايل وانا موافقة
بس يعنى لوكنت تسأل مثلا وأحنا نجاوب
او تحط مجموعة أسألة فكرة حلوة
وان شاء الله لى عودة بعد الرد بتاعك

موافق على اقتراحك يامنى هانم معلش ياجماعة تغيير بسيط انى هضع اسئلة للعضو والعضو يرد بأجابات صريحة وهكذا العضو الذى ينتهى يقول انتهيت ويدعو اللى بعدة ويكتبلة اسئلة يالا ياشباب وياشبات

الله ينور يا شوووووووووووو

بس مش كنت اخترتنى فى الاول

ده انا كنت بقولك على الفكرة دى النهارده

ولا يهمك

تقبل مرورى

وأسألتى ليكى يامنى طالما انا اخترتك .............


اولا ... هابى فالنتين داى

س1_ اسمك وسنك وعنوانك (المدينة بس)
س2_انتى مرتبطة ولا لأ؟
س3_ باقة ورد لمن تهديها؟
باقة شوك لمن تهديها؟
س4_ ما هي التجربة التي تتمنين تكرارها؟
س5_مواصفات فتى احلامك هل تجدينها فى احد بالمنتدى؟
س6_هل سبق ومرت بتجربة حب من طرف واحد؟
كلمة اخيرة لكل اللى يشوف موضوعك

دورك جاى ياسلامة بية ومش هتترحم منى متستعجلش

ماشى يا شووووووووووووووو

انت فاهم

اقتباس:

---

المشاركة الأصلية كتبت بواسطة شووو

وأسألتى ليكى يامنى طالما انا اخترتك .............


اولا ... هابى فالنتين داى

هابى فالنتين داى شووو
س1_ اسمك وسنك وعنوانك (المدينة بس)
منى رشدى----اسكندرية
س2_انتى مرتبطة ولا لأ؟
تقدر تقول قدمت رسالتى والحمد الله
س3_ باقة ورد لمن تهديها؟
لكل انسان وانسانة بيقولى كلمة طيبة
باقة شوك لمن تهديها؟
متعودتش ارد الاساءة
س4_ ما هي التجربة التي تتمنين تكرارها؟
رجوعى تانى سويسرا لنهاية عمرى اللى جاى
س6_هل سبق ومرت بتجربة حب من طرف واحد
لاء طبعا من طرف واحد مش بيكون حب
كلمة اخيرة لكل اللى يشوف موضوعك
كل سنة وانتم طيبين وكل يوم بتحبو بعض أكتر من اليوم اللى قابلة ويارب مايحرمنا من بعض كلنا ونكون معا على طول ومحدش يزعل من حد لان الدنيا مش مستحملة وعيد حب سعيد ان شاء الله

---

http://iraqnaa.com/ico/image2/f/n/ros152.gifشكرا لك كتير شووو

طبعاااا نقول متشكرين للزميلة منى بس هى نسيت تدعى غيرها للمايك وتكتبلة اسئلة فممكن نسيب الفرصة شوية لحد ماهى تدعى ولو محصلش ممكن انا ادعى حد جديد

انا بعطى الميكرفون لأخى شووو
وأكون سعيدة لو جاوب على الاسئلة دى
معلش هى كتير بس انت حربقى خلاص انت معاك الميكرفون:D

الاسم :
المهنة :
الشهادة الجامعية او مجال الدراسة :
الهواية :
البلد:

1- معاك 3 وردات تهديهم لمين ؟
2- لو خلصوا ال3 وردات وفضل وردة واحدة بس في العالم تهديها لمين (متهيألي اكيد يعني حد غير الثلاثة الاولانيين)؟
العبارات دي تقولها لمين وامتى ؟
3-(والله العظيم آسف )
4- (كفاية جرح واحد )
5-(اموت ومتزعلش مني)
6-(فرحتك عندي بالدنيا كلها )
7- (اتقي الله فنفسك)
8-(يا ظالم )
9-(الاحترام من طبعك )
10-ايه أكتر حاجة بتزعلك ؟
11-ايه اكتر حاجة بتفرحك؟
12-دموعك مين بيمسحها ؟
13-انسان تفتقده بشدة .
14- انسان تتمنى تنساه ؟
15 طموحك ايه في الحياة
16لو عرفت ان أغلى الناس عندك زعلانين منك هتعمل ايه
17 هل سبق ودخلت المطبخ وعملت لنفسك حاجة تاكلها ..ولا بتستنى اما والدتك تحضر لك او اختك
18اكيد مر عليك موقف مضحك احكيه

19 اما تحس بالظلم بتعمل ايه

20 اما تحس انك مش عارف تاخد قرار بتعمل ايه

وأخيراااااااا

21اول مرة اضربت وانت صغير وهل حصل انك اضربت وانت كبير
http://iraqnaa.com/ico/image2/f/n/ros152.gif
اتفضل شووو

ايه يا شوووووووووووووووووووووو

المايك وصل فين

معلهش ياسلامة
خلى شوووو بس علشان كدة هو اتحط فى
المفرمة خلية يجاوب وبعدين انت:D

بصراحة مكنتش متوقع اكون انا اللى انتى اخترتية بس شكراا لأختيارك ليا على العموم انا هرد بسس مكنش العشم دى كلها اسئلة دانا كنت رقيق عليكى تجلدينى انتى مش مهم انا هرد وبصراحى عشانانا متعود عليها

الاسم :emary ahmed(شووو)
المهنة :مدرس جديد فى المهنة
الشهادة الجامعية او مجال الدراسة :بكالوريوس خدمة اجتماعية
الهواية :يعنى الكورة واااكيد النوم بموت فية
البلد:بنها / قليوبية



1- معاك 3 وردات تهديهم لمين ؟اهدى لاولى طبعاااا لأصحابى كلهم
والتانية ليى انتى يامنى

والتالتة لخطيبتى اللى لسة مخطبتهاش لما اخطب اااكيد اهدى لخطيبطى وردة

2- لو خلصوا ال3 وردات وفضل وردة واحدة بس في العالم تهديها لمين (متهيألي اكيد يعني حد غير الثلاثة الاولانيين)؟

اكيد حد غيرهم طبعاااا اهديها لكل افراد اسرتى فرد فرد كل واحد شمة

العبارات دي تقولها لمين وامتى ؟
3-(والله العظيم آسف ) لنفسى امتى لما اضحك عليها
4- (كفاية جرح واحد ) طبعااااا لكل البنات اللى فكرت انى بحبهم وطلع كلة كلام فاضى
5-(اموت ومتزعلش مني) واحد صاحبى
6-(فرحتك عندي بالدنيا كلها ) اى حد بحبة بجد
7- (اتقي الله فنفسك) ااااكيد لواحد نويلى على شر
8-(يا ظالم ) لحد كنت بعزة وبجدظلمنى(حصل كدة)
9-(الاحترام من طبعك )تقصدينى انا ايوة الاحترام من طبعى
السؤال10-ايه أكتر حاجة بتزعلك ؟لما ااقدم خير ولاقى شر
11-ايه اكتر حاجة بتفرحك؟ااااكيد لما اكون محتاج حاجةوالاقيها
12-دموعك مين بيمسحها ؟ ايدى اللى بتمسحها (والمنديل)
13-انسان تفتقده بشدة .اخويا فى الغربة
14- انسان تتمنى تنساه ؟ بصراحة عمرى مافكرت انسى حد بس ممكن اضايق اووووى من حد
15 طموحك ايه في الحياة زوجة احبها وتحبنى ومصدر رزق يكون كويس ورضا اهلى عنى والناس تحبنى
16لو عرفت ان أغلى الناس عندك زعلانين منك هتعمل ايه اااااكيد اول حاجة اعملها اصالحهم وابوس على اديهم وانول الرضا كل دة يحصل لو انا غلطان اوووىوالغلط يستاهل
17 هل سبق ودخلت المطبخ وعملت لنفسك حاجة تاكلها ..ولا بتستنى اما والدتك تحضر لك او اختك ايوة دخلت المطبخ ومبعرفش اعمل غير البطاطس المقلية والمهروسة والبيض
18اكيد مر عليك موقف مضحك احكيه بصى معظم الوقت فية مواقف مضحكة وكلهم احسن من بعض



19 اما تحس بالظلم بتعمل ايه بجد بزعل اوووووى لدرجة انى ممكن ادمع بس الموضوع دة نادران الواحد يتظلم اوووى كدة

20 اما تحس انك مش عارف تاخد قرار بتعمل ايه باخد رأى اصحاب واقرب الناس فيهم ليا وطبعاااا رأى اهلى فى البيت بس الحمد للة ربنا بيسهل الامور


وأخيراااااااا

21اول مرة اضربت وانت صغير وهل حصل انك اضربت وانت كبير بصى المرة الوحيدة اللى فاكرها وانا صغير انى انضربت جاااامد اوى بس واناكبير صعب كتير الضرب فى الكبر اااكيد فى فترة وبينتهى موضوع الضرب دة





طبعااااا ياريت اكون جاوبت اجابات مقنعة على قدر المستطاع وبقدم الشكر ليكى يامنى وبما اننا وصلنا لنهاية الحلقة ممكن اطلب اغنية (سيدى لى لى) وبهديها ليكى ولكل المنتدى

هةهةهةهةهةهة

اجهز ياعم( سلامة 10) انا اخترتك تكون ضيف المكرفون(المايك) الجاى

ايه يا شوووووووو

المايك راح فين!

المايك جايلك ياعم سلامة اصبر

الدور دلوقتى جة على سلامة 10 ودلوقتى هيمسك المايك وهنسألة شوية اسئلة خفيفة وهو هيجاوب مستعد ياريس يالا على الاسئلة..

1- عرف نفسك لجمهورك ؟؟؟اسمك وسنك وعنوانك

2-مؤهلك الدراسى وشغال اية دلوقتى؟

نخوش بقة على الاسئلة الرخمة........

1- لو كنت في مظاهرة ماهي العبارة التي تهتف بها ولمن تهتف ؟؟



2-من تكون الانثى التي تقف امامها ضعيفاً . ( متقولش امي ) ؟؟



3-عندما تكون معجبا بها .. ماهي طريقتك في الوصول الى قلبها ؟؟





5- في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك ؟؟



6-كم مرة تنازلت عن مبادئك من اجل انثى ؟؟



7- ماهو الموقف الذي تضبط فيه نفسك متلبسا بالتناقض ؟

8- هل تتزوج من تحبها .. ام تحب من تتزوجها وايهما تراه اجمل ؟

9- ايهما اجمل المراة في الواقع ام في الخيال ؟؟

10- هجرتك من تحبها .. هل تبادلها الهجر ام تودد لها حتى تنعم بوصالها مرة اخرى ؟؟
11- لو كانت مديرتك امراة .. بماذا تهمس لها في كل صباح ؟؟

12- هل خضت يوما حربا من اجل الوصول الى قلب انثى .. وهل ظفرت بقلبه ؟؟ا



14- ماهي الكلمة التي تربكك من الانثى ؟؟



كلمة بسيطة لجمهورك اللى بيشوفك .....

واخيرا تحب تسمع اية فى البرنامج ؟؟؟ وتهدى الاغنية لمين؟؟

انت فين ياعم سلامة ولا ندى المايك لغيرك

مساء الخير يا شوووووووووووو

جاوب يامعلم اتأخرت كتير

1)اسمى سلامه سيف , السن 25 سنه،بنها

2) انا خريج تربية انجلش وشغال مدرس تحت التمرين

3)لو فى مظاهرة ههتف واقول " عربيه يا ارض فلسطين"
من تكون الانثى التي تقف امامها ضعيفاً . ( متقولش امي ) ؟؟

4)بصراحه خطيبتى لانى بحبها جدا وما تفهمش كلمة ضعيف دى غلط
3-عندما تكون معجبا بها .. ماهي طريقتك في الوصول الى قلبها ؟؟

5)بالنسبه ليا طبعا النظرات اقوى من اى كلام
5- في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك ؟؟

6)بصراحه هزعل بس فى الاخر هتمنى لها السعاده
كم مرة تنازلت عن مبادئك من اجل انثى ؟؟
7)ولا مرة عمرى ما تنازلت عن مبادئى علشان اى حد مهما كان
- ماهو الموقف الذي تضبط فيه نفسك متلبسا بالتناقض ؟
8)بص التناقض فى الحب هيا غريبه شويه بس لو لاحظت ان الانسان لما يبقى عايز حاجه يبقى هيموت عليها ولما تيجى لحد عنده بيمل منها ويزهق منها
هل تتزوج من تحبها .. ام تحب من تتزوجها وايهما تراه اجمل ؟
9)بالطبع اتزوج من احبها مفيش حاجه فى الدنيا تجبرك تتجوز واحده وبعدين تفكر تحبها
ايهما اجمل المراة في الواقع ام في الخيال ؟؟
10)فى الخيال طبعا بتبقى من غير ديفوهات ورتوش وانا ما قصدتش ديفوهات فى الشكل لا فى كل حاجه
هجرتك من تحبها .. هل تبادلها الهجر ام تودد لها حتى تنعم بوصالها مرة اخرى ؟؟

11)كنت الاول ممكن اتودد لها بس دلوقتى الوضع اتغير واللى يبعنى لازم ابيعه
لو كانت مديرتك امراة .. بماذا تهمس لها في كل صباح ؟؟
12)صباح الخير
هل خضت يوما حربا من اجل الوصول الى قلب انثى .. وهل ظفرت بقلبه ؟؟ا
13)اجل خضت حربا ولكننى لم اظفر بالهدف
ماهي الكلمة التي تربكك من الانثى ؟؟
14)بحبك
كلمة بسيطة لجمهورك اللى بيشوفك .....

15)طبعا انا نفسى اقول للموجودين فى المنتدى كل سنه وانتم طيبين ويارب يكون فى حب على طول وبشكر كل من ساهم فى انشاء هذا المنتدى
واخيرا تحب تسمع اية فى البرنامج ؟؟؟ وتهدى الاغنية لمين؟؟
واحب اسمع اغنيه زيدينى عشقا وبهديها لخطيبتى ولابو تريكه ومتعب وعمروووو ولحضرتك يا استاذ عمرى

ياريت تكون اجاباتى شافيه ليك يا شوووووووووووو

الرد وصل ولا لسه

طبعا المفروض انى اختار اللى يمسك المايك بعدى

اللى عليه الدور هو متعب

اجهز يا حاجِ

وصل ياكبير ومتشكرين على الصراحة المتناهية ودة كان على غير المتوقع وشكراااااا ليك ياعم سلامة على الاهتمام بالموضوع

اتفضل ابعتلة الاسئلة دلوقت ونسيبة يوم لحد مايجاوب مااااااااااااااااشى

ايه رايك يا شوووووووو

جاااامد س اكتب بقة الاسئلة لمتعب حالا عشان اشوفها

ياعم سلامة فين الاسئلة انت ااخرت الدور قوى اشوف غيرك ولا هتكتب الاسئلة بلاش العطلة دى انت اتعديت من شمة ولا اية

خنقتنى وطلعت......................

فينك يا كبيييييييييير

معايا يا متعب
1)اسمك وسنك وعنوانك

2)اكتر واحده حبيتها فى حياتك وتتمنى تعيش جنبها

3)لو بتحب واحده عندك الجرأة تكلمها ولا هتتصرف ازاى

4)لو بتحب واحده اووى بس هي مش بتحبك سهل تنساها

5)عتاب عند انسان بس مش قادر تعاتبه

6)اكتر حاجه بتجذبك فى البنت

7)احكى لنا عن ايام الغربه

8)لو حد خانك ممكن تنتقم منه ولا تسامحه

9)اكتر فاكهه بتحبها

10)شعورك وانت ضيف المايك

11)كلمه تقولها لاصحابك ولكل اللى بيشوفك فى المنتدى

12)اغنيتك المفضله وطبعا بتهديها لمين

الحمد لله اخيرا رضيت عننا يسلامة انا كنت فقدت الامل رد بقة يامتعب عشان بجد ممسكش فى خناقك

فينك يا متعب

1)اسمك وسنك وعنوانك

عماد الشعراوى 25 بنها

2)اكتر واحده حبيتها فى حياتك وتتمنى تعيش جنبها

والدتى طبعا

3)لو بتحب واحده عندك الجرأة تكلمها ولا هتتصرف ازاى

هحاول اعرف شعوها الاول تجاهى بس من غير كلام

4)لو بتحبىواحده اووى بس هي مش بتحبك سهل تنساها
طبعا واتمنى لها التوفيق

5)عتاب عند انسان بس مش قادر تعاتبه

واحد صاحبى اسمة عادل رمضان بس انا لو شفتة مش هعاتبة انا هضربة بالشبشب

6)اكتر حاجه بتجذبك فى البنت

• خجلها
  
  7)احكى لنا عن ايام الغربه
• اسود ايام حياتى بالمختصرالمزيد
  
  8)لو حد خانك ممكن تنتقم منه ولا تسامحه
• اكيد هنتقم من ابوة
  
  9)اكتر فاكهه بتحبها
• الموز
  
  10)شعورك وانت ضيف المايك
• حاسس بسعادة كبيرة طبعا شكرا ياباشا
  
  11)كلمه تقولها لاصحابك ولكل اللى بيشوفك فى المنتدى
• اتمنى لكم التوفيق والسعادة فى الدارين
  
  12)اغنيتك المفضله وطبعا بتهديها لمين

انا وليلى واهديها لحضرتك ولكل اعضاء المنتدى

طبعا انا عندى حرية الاختيار مين يمسك المايك اجهز ياعمروووووووو

الأسئلة:
1- مــــن انـــــــت ...؟؟

2-باقة ورد لمن تهديها ...؟؟

3- باقة شوك لمن تهديها ...؟؟

4- اسوأ خبر سمعته...؟؟

5- شخص لاترفض له طلبا ..؟؟

6- مـــــن يطـــــربك ...؟؟

7- ماهي التجربه التي تتمنى تكرارها ...؟؟

8- من هو توأم روحك ...؟؟

9- ماهو اكثر شئ تخشاه...؟؟

10- مالذي يشعرك بأكثر قدر من الحرج...؟؟

11- نزار شاعر المرأه.... وانت شاعر من ...؟؟

حمامة زاجل استقرت على نافذتك تحمل رسالة من

مجهول فممن تتمنى ان تكون...؟؟

13- جريمه تتمنى ارتكابها...؟؟

14- قطعة فحم صغيرة وجدار نظيف ماذا سترسم عليه ,,

وماذا ستكتب تحت الصورة...؟

15_ لو فكرت تتجوز من تكون سعيدة الحظ

16- اية المواصفات اللى تتمنى تكون فيها

17-موقف حصلك مش ممكن تنساة

18-شخصية كنت تتمنى تكون زيها

18--..كلمه اخيره .. تقولها لاصحابك فى المنتدى
19-اغنيتك المفضلة ولمين تهديها

تسلم متعب مشاركة صريحة جدااا
وانسان متفاهم بارك الله فيك
http://www.s7r.net/up/uploads/41793e8a66.gif

شكرااا لمرورك يامنى خلصنا ورد ياخ عمرو

عمرى برنس الليالى هو الدور مش هيجى عليه ولا ايه

محمود سيف