السلام عليكم ورحمة الله وبركاته
فى ظاهرة غريبة لاحظتها اليومين دول وهى ان فيه بعض الناس
شايفة ان المظهر أو اللبس مالوش علاقة بالدين والإلتزام
نتعايز أعرف رأيكم
هل المظهر واللبس مرتبط بينا كمسلمين وميزنا عن غيرنا؟
ولا لأ؟
عرض للطباعة
السلام عليكم ورحمة الله وبركاته
فى ظاهرة غريبة لاحظتها اليومين دول وهى ان فيه بعض الناس
شايفة ان المظهر أو اللبس مالوش علاقة بالدين والإلتزام
نتعايز أعرف رأيكم
هل المظهر واللبس مرتبط بينا كمسلمين وميزنا عن غيرنا؟
ولا لأ؟
السلام عليكم و رحمة الله
أهلا أخى (عوامى) ومرحبا
سعداء جداا بعودتك و اسال الله ان يديم تواجدك بينا
بخصوص موضوعك
اتصور ان المسلم له سمات معينة و يختلف بها عن باقى الناس و لذا مثلا قال الرسول ان ما سفل من الايزار ففى النار
و هكذا باقى ما ورد عنه صل الله عليه و سلم بشأن الملبس و اللباس
ساعود ثانيه ان لازم الامر :)
بارك الله فيك ورزقك رضاه وجنته
طبعا اللباس يعبر عن الشخصية والا ما كان الاسلام امرنا ان نرتدي الحجاب كمسلمات لنتميز عن سوانا من النساء
وكيف لا يهم اللباس فهل يجوز ان اعصي ربي في لباسي وقد اتسبب في الاثم لغيري ان رآني سافرة
ثم بعد كل هذا اقول لا يهم الملبس
نعم نعترف ان هناك بعض من يسيئون للباس الاسلامي بتصرفاتهم نساء كانو او رجال ولكن هذا لا يعني ان اتخذهم قدوة ومثال
فهم حالات قليلة لا يعبرون الا عن انفسهم والحق والصحة في اللباس الكامل الاسلامي الذي امرنا الله ان نرتديه
تسلم يا رب لي عودة ان شاء الله
أكيد طبعاً اللباس شئ مهم وبيعطى الانطباع الأول عن صاحبه
وبيعرفنا إسلامه من عدمه
شكراً للمداخلة عمر وطيف
ومنتظر عودتكم
وانا من رايك اخى محمد وراي اخى احمد وطيف بردو
انا طبعا معاكو يا جماعه أكيد
بس انا ليا لافته صغيرة
ان فى ناس مسلمين كتير ممكن يكونوا مش محجبين لكن محترمين وعارفين وواثقين من أنفسهم كويس
ومع ذلك فى برضه ناس لابسين خمار وأستغفر الله يفعلون الفحشاء
فأعتقد ان دى بتكون من القلب
أو بين العبد وربه
ولا إي رأيكم ؟؟
بس طبعا ً بالنسبه( للمؤمنين ) اللبس عامل مهم جدا ً
وشكرا أخى أحمد على الموضوع المهم
وفى انتظار الرد ...:)
شكراً أخى مودى لمداخلتك
أولاً احنا بنعرف المسجد ازاى؟؟؟؟؟؟؟
أكيد من شكله ومأذنته
ماينفعش يكون كباريه مثلاً وتقول عليه مسجد صح
وبالتالى المسلم /ة
أما بالنسبة للمحترمة اللى لابسة لبس مش محترم
لايمكن أقتنع انها محترمة
كيف تحترم من لاتغطى إلا شعرها وتظهر باقى جسدها
أما بالنسبة للمحجبات اللى انت بتقول عليهم مش محترمين
فعلاً هما مش محترمين لأنهم مش لابسين الحجاب الصحيح
اللى هو بيحجبها وبيصونها من انك تلمح منها أى شئ
وكمان فى خطأ أغلبنا بيقع فيه
وهو لما أشوف مثلاً أخ ملتحى يخطئ أستهزئ بالملتحين وأقول هذا الملتحى يفعل كذا وكذا
أو هذه المنتقبه صفتها كذا وكذا
الواجب ان أقول هذا فلان مخطئ وفلانة غير محترمة
لأننا بهذا نلصق تهمتهما مباشرة بإسلامهما
وكأننى أقول للناس لاتسلموا فهذه طباع المسلمين
وأخيراً مافيش فرق بين المسلم والمؤمن إلا فى العمل وليس اللباس
أرجوا من الله الإفادة
عندك حق أخى العوامى
والله الحجاب اليومين دول بقى كل واحد حسب هواة وتنناسو الاسلام والمفروض عليهم
اللهم استر بناتنا واستر عوراتهم واهدنا جميعا للحق
شكرا لك على حسن ارشادك بوركت اخى فى الله
صدقت والله أختى منى
ربنا يهدينا والجميع
السلام عليكم ورحمة الله أخى عوامى
الموضوع بجد مهم جدا ويحتاج منا جميعا الى الاهتمام والاحترام فى الردود
أما بالنسبه للباس الاسلامى فان الله سبحانه وتعالى عندما تحدث عن الحجاب والخمار بالنسبه للنساء
فانه سبحانه وتعالى شدد فى هذا الامر وذلك لانه سبحانه وتعالى يعطى للمرأة أحترامها وطهارتها وعفتها
حتى لا تقع فى المحارم من فتنة وليس اللباس هو دليل الايمان والاسلام ولكنه التزام وصلة بين
العبد وربه وليس كل من لبست حجاب كانت محترمه ولكن لابد ان نعترف انه عندما نقول اننا نحب الله
ونحب رسوله صلى الله عليه وسلم فلابد ان نستمع لاوامر الله ورسوله ونبتعد عن نواهيه
وفى النهاية اللهم اغفر لنا زلاتنا وأمن روعاتنا واستر عوراتنا وعيوبنا وتقبل منا صالح الاعمال
واسف للاطالة عليكم
السلام عليكم ورحمة الله وبركاته
ارجو ان تقبلو مداخلتي موضوع مهم جدا وفعلا شايع كتير هاليومين
انا هحكي بالنسبه لهنا السعودية لان مصر مش دايمين فيها المهم
اكيد طبعا المظهر مرتبط بدينا واي مسلمة لازم تتبع الزي الاسلامي وكمان يكون محترم بعيد عن الاشياء اللي انتشرت اليومين دول
وهو مثلا لبس البلوزة والبنطلون وعليه حجاب ماشاءالله طيب على ايه مايخلعو الحجاب احسن ماهما مشوهين صورة الدين
والله العظيم ايام ماكنت في الجامعة كنت بشوف بنت لابسة برمودا وباضي ولابسين طرحه كنت ابصلهم ازاي دول مسلمين ولا لابسينه بس عشان يعرفو الناس انهم مسلمين
بصراحة انا لو اتكلمت للصبح عن المناظر الي كنت بشوفها ماهيكفيني والحمد لله ان انا في السعودية بلد الاحتشام هو اكيد طبعا في ناس مش كويسة هنا برضو بس اسمنا محتشمين مش ملفتين للنظر اسفة عالاطالة والحمد لله على نعمة الاسلام اللي شالت عننا الانظار
دمت بالف خير
الملبس يدل على صاحبه اكيد
وياريت الناس تعرف ده
ساعات اشوف بنت مش محجبه وبتلبس لبس خارج
وتقولك انا بصلى
وانتم متعرفوش علاقتى بربنا
طبعا............
لاتعليق
ربنا يهدى الجميع
جزاك الله خيرا على الموضوع
اقتباس:
وليس كل من لبست حجاب كانت محترمه
صدقت أخى الكريم ولكن انظر لمن تلبس الحجاب كما قلت سابقاً
فإذا كانت غير محترمة ظهر ذلك فى لباسها
لأن لباسها لايمت للشرع بصلة بل هو موضة ولايكاد يغطى سوى شعرها
أرجو أن أكون أوضحت رسالتى
ده أولاً
ثانياً إذا كانت اللى فاكرينها محجبة غير محترمة
ده لايعيب الحجاب الشرعى
لأنها أولاً لم تلبسه وثانياً هى غير محترمة أساساً
أسف على إطالتى وأسعدنى كتير مداخلتك
اقتباس:
المشاركة الأصلية كتبت بواسطة بحر الحنان
أعجبتنى مداخلتك كتير أختى بحر الحنان
فعلاً هذا الصنف موجود بكثرة بيننا
وللأسف هما إحدى حالات ثلاث
جاهلين بالحجاب
أو
مسايرين للموضة
أو
غير محترمات
ربنا يرزقنا الهدى
اقتباس:
وتقولك انا بصلى
اقتباس:
وانتم متعرفوش علاقتى بربنا
كيف تكون علاقتها بربها جيدة
وهى تحمل إثماً كلما يراها شاب أو يفتتن بها
كيف تصلى وهى تهدى شبابنا سبل الشيطان
كيف ترضى لنفسها أن تكون أسهل خطوة من خطوات الشيطان
كيف ترضى لنفسها أن تساعد الرجال على الزنا
بسهولة ويسر
ولا حول ولاقوة إلا بالله
شكراً إنجى على المداخلة