محتاج مساعدة بجد

اولا - يا جماعة انا اول مرة او تانى مرة اخش على المنتدى الجميل من ساعة مااشتركت فيه لانى كان عندى ظروف كده بس بصراحة الناس اللى موجودة على المنتدى ده ناس بصراحة جميلة جدا فى كل حاجة والموضيع كمان جميلة بذات فى القسم
ثانيا - انا عندى مشكلة عاطفية جامدة جدا جدا وهى انى بحب واحده معايا فى الاكاديمية من تالت سنين ومش قادر اقولها انى بحبها او حتى اصرحلها عن حبى ليه وبصراحة خايف تضيع منى لاقدر الله لانى مش متخيل حياتى من غيرها
ثالثا - اريد من الجميع ان يحس بيا لانى بجد تعبت ومش عارف اعمل ايه وشكرا لكم جميعا :x

طب ما تحاول تتعرف على واحدة صحبتها
وتقولها على انك بتحب التانية .. وهى تقولها
وتشوف ايه رد فعلها ..

>:D<

شكرا على نصحتك الجميلة يا تريكة وهحاول انفذها شكرا ليك مرة تانية

يا أحمد
طيب انت ليك كلام معاها كأصدقاء
وواللا انت مالكش كلم معاها خالص ؟؟

علشان نعرف نرد عليك

اخي الكريم من خلال تجربتي في الحياة تعلمت أن الحب فعل وليس كلمة تقال ومعنى هذا الكلام هو أن تنظر إلي ظروفك أنت هل هي مناسبة الان لاعلان حبك أم لا أم ستعلنه فقط بدون أي فعل فإذا كان كذلك فاحتفظ به بداخلك أفضل حتى تكون الظروف مواتية لإعلانه ومصارحتك لها ...........أو هناك حل آخر إذا كنت تحبها حباً قويا وظروفك الآن غير مناسبة فمن الممكن أن تصارحها بحبك وإذا كانت تبادلك نفس الشعور بالفعل فصارحها بظروفك كلها واطلب منها أن تصبر معك حتى تستطيع التقدم للأهل بشكل رسمي ........والله الموفق أخي :) وياريت تطمنا على الأخبار :)

ماهو انت لو معترفتش ليها هتخسرها برضه
وبعدين هقولك على حاجة الحب مش عيب ومفيش بنت هتكسف ولد نيته سليمه وكويسه ... يبقى انت اتكل ع الله واتشجع وصارحها باللى جواك

وعرفها انت ناوى على ايه وايه هى ظروفك ومش تخاف من حاجة

بصراحة يا جماعة انا مش عارف اقولكم ايه والله انتو ريحتونى بكلمكم الجميل ده بشكركم جمعيا وانا فعلا بحبها جدا وبحترامها وعلشان كده انا متردد اصرحها وخايف تضيع منى وهى برده حاسه بكده بس انا بصراحة كنت متردد اقولها انى بحبكى ونفسى ارتبط بيكى اول مانخلص دراسة باذن الله بس بعد النصائح الجميلة دية انا هحاول اصرحها باللى فى قلبى وبشركم مرة تانية واسف على الاطالة :">

ابقى طمنا اول بأول
>:D<

وربنا معاك ويوفقك
:)

ربنا معاك يا نجم

ويوفقكم ويخليكو لبعض

ولو أحتاجت مساعده

كل الكافية معاك ماتقلقش
:):):):):):):):):):):):):):):)

بس يا حبيب قلبي
لو انت مش قادر تقولها انك بتحبها لانك خايف تضيع منك يبقي متخفش وشجع نفسك وجمد قلبك ومتستناش واختار انسب وقت وقولها
اما لو انت مش قادر تقولها والكلام بيوقف عندها شوف مين اكتر واحد حاسس بيك من اصحابكوا انتوا الاتنين وخليه يتوستلك عندها وربنا يوفقك

الحب كعبير الزهور لابد له من أن ينشر رحيقه بالظهور
ومعنى كلماتى أن الحب له عطر خاص وأكيد هى حاسه
وتتنفس عطر حبك وتستطيع أن تراجع نفسك تصرفاتها معك حواركما
تستطيع ا ن تستنتتج هى عندها الأستعداد لسماع ماتشعر به ام لا
وحكم قلبك لن يخدعك
وأخيرا بكل الحب أفتعل مناسبة بين الأصدقاء وادعوها وحاول من خلال حوارك معها عن المناسبة أن تتكلم وترى مدى أهتمامها بمناسبتك ام ترفض الحضور وتمنتنع عن مجاملتك
ولك مطلق الحرية فى تأويل رد فعلها
ومتنساش تطمنا
جينا

شكرا ليكم يا جماعة والله من كل قلبى وانا اقتنعت فعلا انى لازم اصرحها بحبى ليها بشكرمكم مرة تانية :x

يلا اتشجع كده وقولها
وابقى طمنا بالاخبار:)

بص
انا مش هعقدك بس خلينا واقعيين
انت بتحبها وده حلو جدا
بس هتعمل ايه عشان الحب ده يكمل؟
هل ظروفك حاليا تسمح انك تتقدم وتعمل حاجه رسمي وصح
ولا هتقضي سنتين تلاته حب علي ماتعمل حاجه وتكون حاجه؟
انا والله مابعقدك
بس عشان انت بتحب صح مش عايزياك تتعب او انها يجي يوم وهي تمل او تزهق وانت مفيش في ايدك حاجه
لو انت روحت وصارحتها وهي كمان كان الشعور متبادل وبعدين
هيحصل ايه
؟؟؟؟؟؟؟؟
فكر كويس الاول وشوف ظروفك ايه
الحب مش بيمشي بالقلب وبس
لازم بالعقل والقلب مع بعض
فاهمني
متزعلش من صراحتي بس لازم نشوف المواضيع قبل ماندخلها

فورا تصارحها بمشاعرك وتقول لها كل اللى ف قلبك

علشان مضعش منك

بالتوفيق

انا مش بملك غير انى اقولك مقولة سمعتها كتير لو قدرت تصدقها من جواك هتتحل المشكلة صدقنى [شرط الحب الجسارة]