حاجه نقصانى ومش عارفها !!!

انا فكرت كتير قوى قبل ما أنزل الموضوع ده

بس بصراحه ما لقيت حد أقرب ليا منكم

انا هفتح معاكم قلبى بكل صراحه

لأنى حاسس انى لو كتمت أكتر من كده

هموت

وانا بجد ماليش حد أتكلم معاه غبركم

المهم

أنا علي طول حاسس ان الدنيا كلها مش معايا

حاسس ان الناس كلها مش جمبى

حاسس ان مش راضى عن الحياه واللى فيها

حاسس ان كل حاجه بتضيع منى

انا بحاول أتظاهر انى فرحان

أو انى مش فارق معايا حاجه

بس
انا بضحك على نفسي

حاسس ان في حاجات كتير ضايعه منى

ومش لاقيها

وفنفس الوقت انا مش عارفها

ومش عارف ايه اللى ضايع منى

بس حاسس ان أنا اللى ضايع من نفسي

حتى وقت ما بفرح

بحس ان قلبى بيبكى

حاسس انى على طول فى حزن

وأنى عايز أبكى فى كل الأوقات

واللى مضايقنى أكتر

انى كنت منضبط بالصلاه العباده

وكنت قريب من ربنا

لكن دلوقتى

بعيد خااااالص عن ربنا

ومش بصلى خالص


وبجد مش عارف أعمل ايه؟؟؟


يا ترا

من وجهه نظركم
اللى أنا فيه ده من إيه ؟؟؟؟



وأنا آسف أنى طولت عليكم
وأزعجتكم

والله دايئنى كلام مودى خاصه عن الصلاه
انت محتاج صديق كويس مخلص يوئف جنبك ويساعدك وينصحك ووقت الصلاة ياخدك من ايدك تصلى او لو عالنت يزكرك ويئلك قوم هلأ نصلى

الله يعينك نحنا حاسين معك ويريتنا نئدر نساعدك اكتر

للأسف يا داليا

أقرب الناس ليا من أصدقائي

باعونى مع أول موقف يتحطو فيه معايا

ما بقدر أنى أثق فى أى حد
حتى فى نفسي

عارف يا مودى انا نفس الحكاية لوحدى خالص بس عن تجربة لما تضيق بيك الدنيا خالص صلى ركعتين وفالسجود قول لربنا كل الى انت عايزة وادعى هتلاقى نفسك استريحت خالص

:-O
ناس كتير حاسين انهم لوحدهم وحياتهم اتغيرت واعتقد ان ده بسبب قعادنا الكتير قدام الكمبيوتر والبعد عن الحياة الإجتماعية في البيت والشارع والبعد عن الأقارب والأصدقاء
الحل اننا نقفل الكمبيوتر شوية وننزل نتمشى في الشارع ونحاول نزور قرايبنا ونقابل أصدقائنا
نقعد مع اللي عايشين معانا في البيت حتى لو ما اتكلمناش مع بعض مش مهم , نقعد نتفرج معاهم على التلفزيون أو من غير تلفزيون و نحاول نتفتح معاهم أى حديث

اخي مودي انت طبعا من خلال طرحك ده بتطلب النصيحة ويارب نستطيع نفيدك
حالتك طبعا من اهم مسبباتها قلة الايمان
اول شئ لازم تعملوا ودون تفكير العودة الى الله عزوجل وذلك بالصلاة وملئ قلبك بالايمان
قال رسول الله عليه افضل الصلاة والسلام :
"احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ...:"

وباذن الله هتحس براحة
ولو عندك رغبة في البكاء لاتحرم حالك ابكي عشان ترتاح وتفجر كل الضغوط الداخلية

وبخصوص خيانة الاصحاب وتخليهم عنك
بقولك
مُخطـيء أنت
أن تكره كل ّالورود
لأنك جُرحت بشوكةٍ واحدة منها

واتمنى اكون افدتك بشئ
واتمنالك التوفيق
وحاول تقعد مع نفسك وتصفى ذهنك وتحدد سير لحياتك

الله يكون ف عونك
اولاًً انت لما تكلمت معنا اكيد حسيت بشوية راحه
هيك كل انسان بيحب يتكلم ويفضفض ويطلع شوي مما بداخله والا بينفجر فعلا من الكبت

بقلك انه تقريبا معظم الناس متلك وكلنا مرينا باوقات صعبة كنا نتمنى فيها اي حد نشكيله ويحس معنا
الحل فعلا انك يكون عندك شخص مخلص يعيد لك ثقتك في الناس من تاني ويساعدك في الرجوع للاهم وهو الصلاة
لازم تجبر نفسك الاول عالصلاة لغاية مترجع تصلي برغبتك زي الاول

المشي علاج رائع انا كتير بلجأ له وعلى طول كل يوم بمشي ربع الى نص ساعه حتى لو برد او مطر مواظبه عليه
لاحظت انه مريح خاصه اني وانا بمشي بعيد سرد احداث اليوم وبفضل اقول
لا اله الا انت سبحانك اني كنت من الظالمين

يالا هلأ حالا قولها ورددها بصوت مسموع
وببقى اردد سبحان الله والحمدلله ولا اله الا الله والله اكبر

على فكرة للاسف انا مش كتير ملتزمة باوامر ديني لكن برضه بلاحظ راحه كبيرة في القرآن والصلاة والذكر

امشي وجرب وكلم ناس جديدة وتعرف على اصدقاء جدد

اخي الحبيب مودي
رب العزة سبحانة وتعالي قال :
ومن اعرض عن ذكري فأن له معيشة ضنك ونحشرة يوم القيامة اعمي قال ربي لما حشرتني اعمي وقد كنت بصيرا قال اتتك اياتنا فنسيتها فاليوم تنسي صدق الله العظيم
غذاء الروح الصلاة والعبادة اخي الكريم
ولو حاولت تصلي وترجع لربنا هتلاقي نفسك مش بتحس بالي انت حاسس بيه

بعيد خااااالص عن ربنا

ومش بصلى خالص دة السبب

ولو قدرت تهزم نفسك وتصلى بانتظام بعد فترة الاعراض دى هتختفى...............

أنا معاكو فعلا ً يا جماعه

انا عارف انى بعيد عن ربنا

بس للأسف

كل ما آجى أقرب شبر
ألاقى حاجه بتبعدى 10 شبر

وبجد انا مخنوق من نفسي

وم طايق نفسى وشاييف كل حاجه وحشه


وبجد شكرا ً لأهتمامكم ومشاركتى المشكله

لو عايز راى بصراحة انا فى فترة من حياتى حسيت كدة لما كنت مسافرة دبى عرفت كل الناس الى كنت مفكراهم اصحابى على حقيقتهم

نصيحة منى متيأسش وفى الاول اقعد مع نفسك وصفى الموضوع مع قلبك و لو لزم الامر ابكى لحد ما تحس انك لازم تشوف نفسك وحياتك

بطريقة مختلفة حتى لو الوضوع طول معلش بس صدقنى دى هى الطريقة الوحيدة

ومن جهه اخرى احمد ربنا انك عندك ناس فى المنتدى يعوضوك عن الى سابوك

ده رأى انا واعزرنى انى حطيتو وانا لسة جديدة ولسه معرفكوش اوى

ادعي الله يفك ضيقك وكربك هو بس بساعدك وهو بس قادر يطلعك من يل انت فيه اخى مودى وراح ندعيلك

اقتباس:

---

المشاركة الأصلية كتبت بواسطة BANOTADALO3A

لو عايز راى بصراحة انا فى فترة من حياتى حسيت كدة لما كنت مسافرة دبى عرفت كل الناس الى كنت مفكراهم اصحابى على حقيقتهم

نصيحة منى متيأسش وفى الاول اقعد مع نفسك وصفى الموضوع مع قلبك و لو لزم الامر ابكى لحد ما تحس انك لازم تشوف نفسك وحياتك

بطريقة مختلفة حتى لو الوضوع طول معلش بس صدقنى دى هى الطريقة الوحيدة

ومن جهه اخرى احمد ربنا انك عندك ناس فى المنتدى يعوضوك عن الى سابوك

ده رأى انا واعزرنى انى حطيتو وانا لسة جديدة ولسه معرفكوش اوى

---

يا بنوته انتى من أول ما بقيتي معانا فى المنتدى
وأنتى أختنا كلنا
وأحنا هنا كلنا واحد مع بعض
وأحنا عايزين نعرف أسمك الحقيقي علشان نبقى نكلمك بيه ... لو سمحتى يعنى؟؟

وبالنسبه للموضوع بتاعى
فأنتى فعلا عندك حق
المشكله عندة مشكله وقت
وأدعيلي

اقتباس:

---

المشاركة الأصلية كتبت بواسطة بنت الاسلام

ادعي الله يفك ضيقك وكربك هو بس بساعدك وهو بس قادر يطلعك من يل انت فيه اخى مودى وراح ندعيلك

---

ربنا يخليكي يا ساندى يارب
ويكرمك ويزيدك طاعه ومحبه من الناس
وأوعى تنسينى بالدعاء

قال الله تعالى:{ إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ}

حاول مودى انك تصبر وتنسى وتلجأ الى الله سبحانة وتعالى ففى الزكر راحة وفى العبادة صفاء للروح

سيتحول جزعك إلى تسليم، وسخطك إلى رضى ...

فاجعل هذه الهموم والأحزان أفراحا لك في الآخرة فهي والله أيامك في الدنياولياليك فاصبر واحتسب:

فالصابر يكب عليه الأجر بلا عد ولا حد، قال الله تعالى: {إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ}
وربنا سبحانة وتعالى يامودى قال فى كتابة الحكيم { َاصْبِرُوا إِنَّ اللَّهَ مَعَ الصَّابِرِينَ}
عاوز يامودى تاخد جزاء صبرك على أحذانك وعدم سخطك وتركك للصلاةعارف جزاء الصبر اية قال الله تعالى: { وَاللَّهُ يُحِبُّ الصَّابِرِينَ} تخيل بقى انك تنال حب الله لك معناها انة ربنا ينادى ملائكتة فى الارض يقولهم حبو عبدى مودى لانى احبة فتنادى الملائكة للبشر حبو عبد الله مودى فيحبك البشر ويطمأن قلبك
العزيز الغالى مودى::::انظر إلى الأشجار في فصل الخريف كيف تتساقط أوراقها ما أروع هذا المنظر!..
إن احتسابك للمصيبة سيجعل ذنوبك تتساقط كما تحط الشجرة ورقهاقال رسول الله صلى الله عليه وسلم: "ما من مسلم يصيبه أذى من مرض فما سواه إلا حط الله [ به] سيئاته كما تحط الشجرة ورقها"
مودى العزيز::::الصبر ليس فقط على أقدار الله المؤلمة… إنما هناك أيضا الصبر على :
طاعة الله وتنفيذ أوامره
مش حقول لك حاول لاء والف لاء
حقولك جاهد على زكر الله والله مع الصابرين إذا صبروا
تحيـــــــــــ لك يامودىـــــــــــــــــــــاتى
ملحزظة هامة جدااا:::انا أعانى اكتر منك شدائد ووحدة ولكنى لجأت لله تعالى فهون والله على والحمد الله وأكرمنى بيكم جميعا

إذا خفت الطريق و قل الرفيق
وابتعدالصديق فلاتقف لأن الجنة أغلي مما يعيق

أبدء وسوف تجد العون من الله عز وجل وأحيك على هذه الوقفة مع النفس أنها مهمة جدا
وفقك الله

اقتباس:

---

حبو عبدى مودى
حبو عبد الله مودى
فيحبك البشر ويطمأن قلبك

---

فعلا ً يا منى أنتى أضحكتينى جدا يا منى فى الكلمه دى
طب قولى أسمى الحقيقي (محمد)
مش تفضحينى مع الملايكه وتقولى مودى

اقتباس:

---

العزيز الغالى مودى::::انظر إلى الأشجار في فصل الخريف كيف تتساقط أوراقها ما أروع هذا المنظر!..

---

فعلا ً يا منى ما أروعه تصوير وتمثيل
وبجد يا منى انتى روعه

اقتباس:

---

ملحزظة هامة جدااا:::انا أعانى اكتر منك شدائد ووحدة ولكنى لجأت لله تعالى فهون والله على والحمد الله وأكرمنى بيكم جميعا

---

طب أنا كده يا منى أزعل منك
أنك تكونى زعلانه من حاجه وماتقوليليش
يا ريت يا منى أعرف أوصلك أكتر من كده
بس للأسف الأدارة ما تسمح

بجد
أنا محتاج حد زيك فى الواقع

وفعلا ً أنا عاجز عن الشكر ليكي

اقتباس:

---

المشاركة الأصلية كتبت بواسطة ibrahimalex

إذا خفت الطريق و قل الرفيق

وابتعدالصديق فلاتقف لأن الجنة أغلي مما يعيق

أبدء وسوف تجد العون من الله عز وجل وأحيك على هذه الوقفة مع النفس أنها مهمة جدا

وفقك الله

---

ميرسي كتير ليك يا إبراهيم
وأدعيلي ان ربنا يعيننى
وبجد نورت التوبيك

اذا عودت نفسك ان انت كل اما تسمع الاذان وتقوم تصلي في ساعتها وتطلب من ربنا انه يفرج همك وتدعي بكل اللي يجي في بالك اكيد باذن الله هتحس براحه نفسيه وهتحس ان جزء كبير من اللي جواك خف......لان انا مريت بنفس الظروف وكتير قالولي ان انتي اذا اتوضيت راح نصف الزعل واذا صليت راح النصف التاني.....ربنا يهدينا جميعا

بجد ميرسي ليكي يا بنوته جامعيه

وأنا بحاول أعمل كده دلوقتى والله

وياريت تدعيلي

وبجد شكرا ليكي قوى