إهداء للمداومات على سورة البقرة..
اليوم حبيت أخبركم عن تجربة من تجارب حياتي اللي استفدت منها واااااااااايد
حبيت احطها لكم علكم تستفيدون مثلي لأني ياما قريت وأستفدت منكم ومن هالمنتدى الغالي علينا..
أحيانا يوم أقراء قراءن تمر علي آيات ما افهما واقول إن شاء الله بعدين بروح أقراها من التفسير .. والشيطان شاطر تميت اقول بعدين بعدين بعدين الين الحمد لله الله هداني وبديت أقراء تفسير..
طبعا ما بديت بسورة البقرة لأن إذا شفت تفسيرها طويل اكيد بتهاون..
من فترة ولله الحمد إني مواظبة على قرآة سورة الملك والدخان والواقعة ويس والرحمن كل يوم واكيد الكهف كل جمعة واكيد أنتوا ما يخفى عليكم الفضل العظيم لهذه السور
المهم بديت بقراءة التفسير لهذه السور كل يوم أو يومين أو ثلاث أخلص سورة.. والله ما عرف كيف أوصفلكم بأحساسي بعد ما صرت اقراها وأنا أعرف تفسيرها
أول ما أبدا القراية أنسى الدنيا وما فيها واحس بمتـــــــــــــــــــعة عـجـــــــــــــــيبة وخشوع وابدا ما اسرح لأني افهم شو قاعدة أقراء
والله يا بنات أن قرآة القرءان راااااااااااااحة وشفاء بس يبالة عقول تفهم
وع فكرة خلال قرآتي لتفسير القرآن وقصصة العجيبة اللي تبين لنا عظمة الله سبحانة وتعالى كنت احس بسعادة وشوق ولهفة وأنا مخصصة كل يوم ساعة بس من كثر ما تشدني هالقصص القرآنية العجيبة أنسى الوقت وأكمل.
والله أني اكتشفت وااااااااايد أشياء ما اعرفها وحتى الأشياء اللي اعرفها كانت ناقصة
مثلا في سورة الكهف كل ما اوصل قصة ذو القرنين أضيع لأني ما عرف من ذو القرنين وشو قصته لكن الحين الحمدلله غير
وحتى قصة أصحاب الكهف اللي كلنا نعرفها بس يوم تقرينها من التفسير ما بتقولين غير يا سبحان الله..
وبعدين بعد كل هذا اكيد ما توقفت وحتى أنتوا اكيد لو بديتوا تقرون التفسير راح تلقون نفسكم تخلصون سورة ورى سورة
ابدي حتى بأقصر سورة من السور اللي تقرينها في الصلاة وما تعرفين معناها وشوفي عمرج بعدين كيف بتقرينها بخشوع
بعدين أنطلقت رحلتي إلى سورة البقرة وما ادراك ما سورة البقرة اللي كنت اقراها كل أسبوع تقريبا بس للأسف حتى قصة البقرة اللي مسماية السورة بأسمها ما كنت أعرفها.. وأنا أأكد لج أول ما تبدين تقرين تفسيرها ما بترتاحين لين ما تخلصينة لأن أعجازها وقصصها الرائعة تخليج متشوقة تكملين للأخر..
والله عجــــــــــــــــيبة عـــــــــــــــــــجيبة هالسورة.
وأنا ملاحظة ما شاء الله عليكم وايد بنات مهتمات بقراءة سورة البقرة يوميا.. والله أنصحكم نصيحة من أختكم أن تقرون تفسيرها والله ما راح تندمون لا دنيا ولا اخرة لأنكم بتفهمون شو قاعدين تقرون وبتكون غايتكم الأولى هي رضى ربكم واكيد الله بينولكم مرادكم.
اقري على الأقل كل يوم ساعة وبالكثير في ظرف أسبوع راح تخلصينها.. أنتي أبدي بس حتى لو ساعة في الأسبوع وما راح تندمين.
والله الحين أستحي من قرايتي الأولية.. أقول في نفسي كيف كنت أقراء وأنا ما فاهمة بس كان همي أني أخلص (أستغفر الله)..
تخيلي عندج امتحان في مادتين وحدة فاهمتها والثانية ما فاهمة أغلبها.. بذمتكم أي مادة بتشجعون ادرسونها أول؟.. اكيد اللي فاهمينها أما الثانية اكيد بتتكاسلين تدرسينها.
نفس الشيء قراءة القرآن يوم تكونين فاهمته ابدا ما بتتكاسلين انج تقرينه .. بل بالعكس بتستمتعين بقراءته.
يا بنات نحن ياما تعبنا وسهرنا الليالي عشان نحصل أعلى الشهادات وبأعلى تقدير
خلونا الحين نعمل لدينا وآخرتنا ونتخرج من هالدنيا بأعمال تبيض ويهنا يوم نقابل ربنا
أرجـــــــوكـــــــم
لا تستكثرون ساعة أو نص ساعة في اليوم عشان نتعلم دينا اللي راح يسعدنا في الدنيا والأخرة إن شاء الله.
ونصيحة أخيرة يا أمهات ويا بنات خلونا نعاهد أنفسنا إنا نربي عيالنا على قصص القرآن بدل قصص سندريلا وسندباد خلونا نربيهم على تعاليم الإسلام وننشئ أمة تعتز بدينها..
شرايكم نعلن حملة ونسميها.
معــــــا لنجعــــــــــــل قراءتنـــــــــــــــــــ ا للقـــــران لــهـــا طعــــــــم آخـــــــر
ليكون القرآن إن شاء الله حجة لنا لا علينا
حاولي ادورين على التفسير اللي تبغينة دوري في النت راح تلقين كل التفاسير
أما عني أنا قريت من تفسير الكتاب على هذا الرابط
http://www.islampedia.com/mie2/tafsir/Tafsirmid.html
تفسيره وااااااايد سهل ومبسط ومختصر
أتمنى تفاعلكم معاي .. واللي حابه تنشر الموضوع إلى منتدى آخر.. اتمنى ذلك علنا نكون سبب في هداية غيرنا ونكون من الآمرون بالمعروف إن شاء الله
أختكم *سندس*
منقوووووووووووووول
الى يستفيد يدعى لى انا وصاحبه الموضوع بالصحه والعافيه
