ارجو الردود لاهميه

كنت عاوزة اعرف حاجة
فى كرامه فى الحب؟؟؟؟؟
بمعنى ان لو فى مشاكل بين اتنين بيحبوا بعض والبنت هيه اللى كلمت الولد الاول يبقى كدة يعتبرمعندهاش كرامه ولاهتزيد غلاوه عنده ولاايه بالظبط

بصي يا لولو
الأول سيبك من حكاية الكرامة بين اثنين بيحبوا بعض
ده يعني لو حب حقيقي طبعا
لو فيه مشكلة حتى لو كان الراجل هو السبب فيها
وجه الصلح من طرف الست ده ميعتبرشي اهانة لكرامتها
بالعكس ممكن جدا يزيد حبه ليها ويندم انه زعلها أو حتى خاصمها
وكرامتها طبعا محفوظة بأخلاقها وعفتها لنفسها
انما مع حبيبها وشريك عمرها لالالالا

ميرسى جدا جدا يا شمس تسلمى على كلامك يا قمر

اضافه لما قالته شموسه
اقولك لو انت غلطانه معاه المفروض انك تصلحيح
يعني تعترفي بغلطك
وهذا اعتبره بعيد عن الكرامه
مرسي
وتقبلي مروري

اوكى يا سهر بس لو هو انا بسئل لو هو الغلطان والبنت هيه اللى صالحته يعنى هيه اللى بدأت بالكلام وميرسى يا جميل على مرورك

بصي يالولو لو انتي الغلطانه او هوا اللي غلطان في كلتا الحالتين المفروض انتي اللي تصالحيه ومش فيه حاجه اسمها كرامه في الحب خصوصا في البنت لان شعورها مش بيدي فرصه ل اي حاجه تانيه وبعدين في الاول والاخير ده حبيبيك يعني ممكن تعملي اي حاجه علشانه وانسي موضوع الكرامه في الحب ولو انتي زعلانه منه روحي ياحلوه وصالحيه ومش تضيعي وقت ..........

ثانكس يا قطه يا حببيه قلبى ميرسى ليكى وعلى كلامك الجميل دة

اولا الحب هو قمة الكرامة فابدون الحب تصبحين امراة ليل
ثانيا الحب يحتاج الي طرفين حتي تكتمل الدائرة فلايهم من يبدا اولا مدام للطرف الاخر الرغبة ولاحتياج للطرف الاولي ثم بعدها ينس من كان الاول ومن كان الثاني بسب غمرة الحب
ثالثا حتي يتسني معرفة الخطا من عند اي طرف لازم نعرف الاحداث لان كل طرف بيفتكر انة علي صواب والطرف الاخر هو المخطي

بالعيو ولا الادين بدينا بالسلام مش فاكره يومها مين اللى ابتدى بالكلام

لكن فاكره عنيع لما جريت عليه ولقيت قلبى ف ثوانى مليان منك غرام

يا سلام يا سلام اد ايه حلو الغرام

بالتوفيق

طبعا الكرامة اهم

لكن اللى غلط يعتذر ويعترف بغلطة

ميرسى يا جماعه على الردود وميرسى يا ابو تريكه على الاغنيه وفهمت قصدك ايه

لو حب حقيقي كل واحد منهم رح يحفظ كرامة التاني وممكن يحصل خلافات عادي
وصدقيني الطرف اللي بيبتدي في الصلح بيكبر في عين التاني ومش رح يعتبره ضعف بل زيادة وصدق في الحب

الكرامة مهمة طبعا واساسيه ولكن لازم نتأكد تعريفها ايه ومتى بتلزم ومتى بيحصل خدش ليها
مش اي كلمة اعتبرها اهانة لكرامتي
لا طبعا
تسلمي يا قمر

بصي يالولا مفيش كرامه في الحب نهائي
اي اتنين بيحبوا بعض مفروض ميبقاش في بقي حوار الكرامه والحاجات دي

لو فى كرامة فى الحب يبقى انا كدة ضيعت كرامتى لان كل مرة بنزعل انا اللى بصلحة لانى مش بقدر انا بقول مافيش كرامة بين حبيبين