مسلسل ست كوم الحلقه الرابعه(هلال الشاعر) بطوله اعضاء المنتدى
بسم الله الرحمن الرحيم
انهارده معايا الحلقه الرابعه من مسلسل الست كوم (بطوله اعضاء المنتدى)
واللى مش متابع معانا ده راوبط الحلقات اللى فاتت
مسلسل ست كوم الحلقه الاولى(العيال اتجننت) بطوله اعضاء المنتدى
مسلسل ست كوم الحلقه التانيه(البطيخه اتسرقت) بطوله اعضاء المنتدى
مسلسل ست كوم الحلقه التالته بطوله اعضاء المنتدى
و نفتكر اننا قولنا ان الحلقات هتكون مختلفه تماما زى مسلسلات الست كووم كده
الحلقه الرابعه بعنوان (هلال الشاعر)
فكره الحلقه
ان هترقع فى مخ هلال انه يبقى شاعر و يرشح نفسه فى اختبارات الشعر فى دار النثر و يحصل مواقف كوميديه
الحلقه بطوله
معنا و لاول مره على الشاشه النتيه:-شيزو
و ايضا و للمره الاولى معنا الفنانه:-مريومه
و معنا ايضا زعيم الشله:-حووودا الجامد
و الممثل الغلبان اوى و الشاعر و المؤلف:- محمود هلال
و مش هننسى الممثله الجامده جدا :-طيف عابر
و اكيد معانا:- ميريت و اللى هتبقى عضو فى لجنه التحكيم اللى دار النثر اللى هيروحه هلال
و معاها ايضا فى لجنه التحكيم:-عاشقه الرومانسيه(سندس)
و معهم ايضا و لاول مره حبيبنا و زعيمنا كلنا:- عـــلى مدكوور فين التصفيق
ملحوظه:- جميع الاشعار اللى فى الحلقه ده من تأليفى الشخصى و ليس مقتبسه
و عذرا انى محطتش منى رشدى فى الحلقه دى عشان انا حطتها بطله فى الحلقه الجايه ان شاء الله
المكان:- العماره الكبيره اللى من دورين
الوقت:-الساعه 4.5 العصر
المشهد:- كلهم قاعدين بيتفرجه على مسلسل ست كوم مصراوى كافيه
و يخرج هلال من الاوضه و يقولهم كلهم
هلال:-انا قررت انى ادخل مسابقه الشعر العربى:-O:-O:-O
حودا:- ههههههههه:-P:-P
شيزو:- انت بتقول ايه يا مان
مريومه:-سيبوه يجماعه ياخد فرصته عشان يحرم
هلال:- و فيها ايه لما ادخل المسابقه هخسر ايه يعنى
حوودا:- انت يابنى عشان تدخل المسابقه ده لازم تكون بتكتب شعر
هلال:-طيب و فيها مانا بكتب شعر
شيزو:- بجد و من امته ده طيب سمعنا كده اى حته
هلال:-طيب ركزه معايا
مره كنت ماشى
حوودا يقاطعه :- ههههه كنت ماشى صدق انا كنت فكرك واقف ههههههههه
مريومه:- اسكت بقه يا حودا خلينا نستمتع بالاداء
طيف:- اداء ايه هو بيلعب متش
هلال:- انا غلطان انى قولتلكم حاجه زى كده
شيزو:- طيب خلاص كمل يا هلالى
هلال:- مره كنت ماشى على الطريق الصحراوى و فجأه
و يقاطعه حوودا تانى مره:- هههه الحق يا عم ده بيقولك فجأه فى مفاجأت فى الصحره انت بتهلس كمااان
مريومه:- حرام عليك يا حوودا سيبه يكمل بقه
حوودا:- طيب خلاص كمل يا عم حافظ ابراهيم
هلال:-مره كنت ماشى على الطريق الصحراوى و طلعلى اسد قولتله و انا مالى فخلانى مكنتش دارى باللى جرالى
شيزو:- انت عبيط رسمى فى اسد فى الصحره:">:">
طيف:- اه يعنى هو فى نمر بيعيش فى الميه
حوودا:- ههههههههههههه انا مش قادر امسك نفسى من الضحك انت طلعت مشكله يا هلال
شيزو:- انا من رأيى متروحش المسابقه دى
مريومه:-بص يا هلال انا واثقه انك هتروح و هتخسر بجداره ههههههه
طيف عابر:- خلاص يا هلال روح و أمرك لله
حودا:-روح يا هلال عشان انا عايز اشوفك و انت بتتهزق من اللجنه
و فعلا رااح هلال المسابقه و واقف قدام اللجنه
سندس:- اسمك ايه
هلال:- محمود محمد هلال
ميريت:- اسمك سداسى
هلال:- ليه هو انا هطلع بطاقه
على مدكور:-انت بتهزر يا ولد طيب مش هتخش المسابقه
سندس:- خلاص يا على خليها المراضى
ميريت:- عندك كام سنه
هلال:- انا مواليد شهر 9
على مدكور:- هو احنا هنخطبلك اخلص عندك كاااام سنه
هلال:- 14 سنه و 4 تشهر و 8 ايام و 4 ساعات
سندس:- ده ناقص يقولنا و ثانيه كاااام
ميريت:- انا متجوز
هلال:- لا بس مش ناوى اتجوز دلوقتى نفسى اتصدت<):)<):)<):)<):)<):)<):)
سندس:- طيب خلاص عندك حاااااجه تقولها
هلال:- اه طبعا
ميريت:- اشجينا و قول
على مدكور:- تعرف لو حاجه و حشه هرميك من هنا
هلال:-سوق الخضار اه يا عينى على سوق الخضار و التفاح و الخزندار
على مدكور:- و ايه اللى جاب الخزندار فى سوق الخضار
هلال:-هو كده بقه عجبك
سندس:- خلاص خلاص انت هتضربنا كمل كمل
هلال:-سوق الخضار اه يا عينى على سوق الخضار و التفاح و الخزندار و الاوطه المجنونه و الخيار المسنونه و المحشى المخرومه و المانجه الملهلبه اه يا عينى عالمانجه لما بتبقى بالموز و الزبده الفلاحى و الكبده و القوانص و الاملاحى
سندس:- طيب شكرا يابنى فوت علينا بعد 20 سنه نكون بيعنا الخضار
على مدكور:- انت معاااك طيب جوافه اصلى بحبها اوى
ميريت:- انا عايزه فراوله مليش دعوه
هلال:- ايه ده شايفنى عم جمال بتاع الخضار قدامكم على العموم شكرا
و لما روح البيت
حووودا:- ههههه ازيك يا بتاع الخضار
هلال:-انت عرفت منين
شيزو:- يابنى مصر كلها شافتك ده اتزاع على قناه مصراوى كافيه
هلال:- يا فضيحتى امى هتشوفها و ابويه هتصرف ازاى دلوقتى
و فجأه يرن التليفون
هلال:- الو مين
التليفون :- انا ابوك يا وله ايه اللى هببته ده
هلال:- انا اسف يابابا اخر مره
التليفون:- امشى يا بتاع الجوافه يا مفعشن
و قفل السماعه فى وشه
طيف:- الا قولى يا هلال كيلو التفاح بكام دلوقتى
شيزو:- ههههههه لا غلى ادلوقتى
مريومه :- حرام عليكم يجماعه ده اتصدم فى الباب
حوووودا:- اتصدم فى الباب ولا الشباك ههههههه
هلال:- وجت الحزينه تفرح ملاقتلهاش مطرح
اتمنى ان اكون قد وفقت فى هذه الحلقه
انتظرنى فى الحلقه الخامسه ان شاء الله
