:::: يا ريت كل الأعضاء تدخل هنا للأهمية ::::
السلام عليكم ورحمة الله وبركاته
لاحظنا في الفترة اللى فاتت تسيب في المنتدى والمنتدى كله بقي مواضيع ملهاش اي لازمه اللى بيعتذر لده واللى بيشتكى من ده
واللى زعلان من ده واللى بيهني ده وللأسف فقدنا المواضيع الهادفه اللى علشانها عاملين المنتدى
واصبح ركن خمسه فرفشة وركن الترحيب والمناسبات اهم ركنين في المنتدى !!! رغم انهم في اي منتدى تاني اركان فرعيه
علشان كده من النهاردة هناخد شوية قرارات يا ريت كله يلتزم بيها
اي موضوع عضو عامله بيقول انه هينسب من المنتدى هيتم حذفه نهائياً
لازم عنوان الموضوع يدل على المحتوي وممنوع المواضيع اللى فيها ادخل يا كذا هيتم حذف الموضوع او تعديل عنوان الموضوع
المواضيع والردود اللى هتوقع بين الاعضاء هيتم حذفها وايقاف العضوية وكل العضويات الآخرى اللى بيستخدمها نفس العضو
مواضيع خمسه فرفشة هيتم دمج المواضيع المتشابهه مع بعض و دمج المواضيع المتسلسلة ( المسلسلات )
قسم الشكاوي والاقتراحات معمول علشان لو في شكوي او اقتراح رجاءاً استخدام لو في شكوى او اي اقتراح وعدم استخدام اى منتدى عام لأن اي موضوع فيه شكوي على المنتدى هيتم حذفه
كمان موضوع التواقيع يا ريت الاعضاء اللى عامله اكتر من صورة تعديل التوقيع لأننا هنعدل كل التواقيع اللى فيها اكتر من صورة علشان حالة الانترنت في مصر ،
شكراً ليكم وكل عام وحضراتكم بخير ،
