عيون بنتك بتشبهنى وانا عمرى ف مرة ايديا ما لمست ايدك او حتى خرجنا بكلمة ف مرة برة حدود المنطق معقولة عيونك طبعت صورتى جوا القلب الطاهر زيك معقولة تكونى الخاينة لصاينك غصبن عنك فاكرة عيونى وفاكرانى فاكرة الحلم الساكن فيهم سبحان الله نفس الحلم ف عين البنت ندمت ازاى اتفرقنا ازاى الدنيا تغرقنا ف هموم بتكسر ف ضلوعنا ازاى ضيعنا ف مشاكل ياما ماتدعدش انا ما كفرتش لكن افكارى بتتجدد ما بتتهدش مش قادر افكر ف اللحظه لما هتمشى وتسيبى الحلم بينزف منى لحد ما اموت مش قادر اتخيل رمشى بيحضن بعضه والحب ما بين ننى عيونى ماهوش موجود مش قادر اشوفك بين ايدى وف نفس الوقت ما بينى وبينك الف حدود وف نفس الوقت اتمنى اعدى حدودى وافوت واضم البنت ما بين احضانى واتوضى بدمع العين واموت
