اولا وقبل اى شىء احب اقول ان والله اللى بيحصل ده حرام حرام
والله ما هينفع كدة اقسم بالله انا بكتب الكلام ده وجسمى بيقشعر وبالرغم من اللى بيتقال وبيحصل طب ما تيجوا نفكر شوية
كلامى هيزعل ناس كتير بس اقسم بالله ده واقع
اولا : بالنسبة لحكاية ان مصر هى اللى اعطت لاسرائيل الضؤ الاخضر لاسرائيل عشان تشن هجوم على غزة اللى بيقول كدة يبقى اهبل بكل ما تحمله الكلمة من معان
مصر هى اللى اعطت الضؤ الاخضر ليه وازاى وبناء على اى اساس يعنى مش مصر دى هى اللى طالع عينها مع فلسطين من ايام حرب 48 مش مصر دى هى اللى عمالة تبعت معونات للصبح وبعدين هنتفترض جدلا وجدلا فقط ان مصر بتفرط فعلا فى فلسطين وسمحت بالضربة طب معلش احنا يا مصر فى حالة وجود حرب زى دى فى فلسطين وتوتر فى الشرق الاوسط مصر بتكون من اول الناس واول الدول اللى بتتاثر سياسيا وعلى الاقل اقتصاديا مهى الحاجات دى بتفرق كتير فى حركة السياحة ز يعنى لا بالاخوة والدين ينفع نفرط ولا بالعقل وتفكير المصلحة ينفع نفرط
ثانيا حركة حماس انا كنت متوقع انها هترد باى حاجة وان الاداء بتاع حركة حماس هيكون احسن من كدة لكن برضه انا ما اقدر احمل حركة حماس الضعيفة مواجهة دولة زى اسرائيل بكل جبروتها ووحشيتها
لكن مثلا كلنا اكيد فاكرين حزب الله عملوا ايه كنت اتمنى حماس تكون زيهم
وبالنسبة بقى للاخوة العرب اللى عمالين يقولوا مصر ومش مصر , قرات امبارح مانشيت فى احدى الجرائد حرق دمى بقول ان وزراء الخارجية العرب يجتمعون فى القاهرة الاربعاء لبحث مدى امكانية عقد قمة عبية طارئة ههههههههههههههههههههههههه ههههههههه
طب والنبى دى حاجة محتاجة بحث ولسة اجتماعا حسبنا الله ونعم الوكيل
على جانب اخر لى واحد زميلى كان شغال فى هيئة ديبلوماسية
( واقسم بالله الكلام ده على لسانه بيقسم انه حقيقى )
صاحبى ده بيقول الاتى : الفلسطينين انفسهم هم اول ناس عاوزين اسرائيل متخرجش من فلسطين وده من لسان واحد فلسطينى هو يعرفه قاله ان الفلسطيني ليهم بزنس ونسب مع اليهود يبقى يخرجوا ازاى وبعدين اللى يرجع بذهنه للماضى شوية ايام الانتفاضة الاولى ايام ما كانت مصر اكتر الدول مساعدة ووقوفا الى جانب فلسطين لدرجة ان سوزان مبارك نفسها راحت معبر رفح وارسلت معونات فى الوقت ده الفلسطينين كانوا بيحرقوا علم مصر فى فلسطين وبيقولو علينا خونة
كمان هما الفلسطينين دول مش المفروض انهم لاجئين طيب هاتولى لاجىء واحد فى العالم بيصرف 7 الاف دولار شهريا فيه فلسطينين كتيييير فى مصر واقسم بالله انهم بيصرفوا ببذخ غير طبيعى وكمان الفلسطينين فيهم ناس عندها اموالا طائلة طب ما يعاونوا بعض ويدفعوا لبعض
كمان مثلا نفس الصديق بيقولى انه على علاقة بناس فلسطينين ليس لهم دخل فى الموضوعات دى اطلاقا وفى حوار تم بين نفس الاشخاص تصادف وجود شخص يمنى تتخيلوا قال ايه :
قال النتوا يا مصريين مالكم بتدخلوا نفسكم فى كل حاجة ليه وكمان راح متكلم على ايام حرب اليمن اللى احنا اتدخلنا فيها لصالح اليمنيين قال احنا يا يمنيين عملنالكم مقبرة جماعية وانتوا وانتوا انتوا عاملين نفسكم الكبير ليه
على جانب اخر للمتابع اتمنى انكم تكونوا عرفتوا تعليق اوباما على اللى بيحصل الراجل قال ان امريكا ليها رئيس واحد هو بوش لكن لو سالتونى عن رايى الشخصى هقول ان انا اولادى نايمين فى البيت وطبيعى مش هسكت لاى حد يحاول يقلقهم
ال يعنى حماس بتقلق نوم الاسرائيلين ما علينا
بس هو مش ده باراك اللى الدنيا كلها صقفت لفوزه
اسف للاطالة وياريت محدش يزعل من كلامى ده رايى
بسام الصواف
