الحلقه السادسه بعنوان(عريس من عالنت لريهام) بطوله اعضاء المنتدى
معلش مش هنقول الابطال لانهم معرووفين من الحلقه اللى فاتت لان الحلقه ده تعتبر الجزء التانى بتاع الحلقه اللى
و الرجاء الرد عشان مزعلش و انا زعلى وحش يا ريهام:-P:-P:-P:-P
ريهام: يا ماما والنبي افهينى بقي عشان خاطرى
العريس دة لقطة ومفيش زيه فى النت
أنا حبيته من كتاباته
منى: كتاباته ؟؟؟؟ هو مؤلف؟؟؟؟
ريهام: مش مؤلف قوى يعنى بس بيكتب عالنت
منى: ودة بيكتب فى ايه بالضبط؟
ريهام: لالالالالالالالا يا ماما
دا ما شاء الله عليه ماخلاش حاجة إلا لما كتب عنها
منى بخبث :ااااااااااااااااااااااه
مين يشهد للعروسة؟؟؟؟
ريهام: لا والله ياماما بكلمك جد
منى بصوت عالى : اسمعى يا بت انتى أنا لا أعرف نت ولا كتابات
أبوكى زمانه جاى دلوقتي هوبقي يتصرف معاكى
ريهام وفي سرها : ماهيا دى المصيبة
دخل المعلم على مدكور فى هذه اللحظة مبتهجا
مدكور: مساء الخير
منى: يسعد مساك يا خويا
تعالى بقى شفلك حل فى بنتك دى
مدكور: خير يا بنتى؟
ريهام:أبدا يا بابا
مش انتوا عاوزينى اتجوز
اهو جالى عريس ومع كدة ماما مش عاجبهااااااااااااا
مدكور: أكيد مش عاجبها عشان جاهلة
سيبك منها وقوليلى إيه الحكاية؟
ريهام: فى واحد طلب ايدى عن طريق النت
وقالى انه جاد فى طلبه ومستعد يجيي فى أى وقت
مدكور: عال عال
وإيه كمان؟؟؟؟
ريهام: يعنى انت مش معارض يا بابا؟
مدكور: واعارض ليه يا بنتى
ريهام : طب ارد اقوله ايه
مدكور وبصوت خشن:تردي علي مين
ريهام :على شيزو ياباباااااااااااااااااااا اا
مدكور وبصوت خشن:شيزو ميييييين؟
ريهام: العريس يا بابا
مدكور:اااااااااااااااه مش تقوليلى كدة من الصبح
قوليلى الأول هو بيكتب فى أنه صفحة؟؟؟؟
ريهام: يااااااااااااااااه يابابا
دة بيكتب فى صفحات كتيرة اوي اوي
مدكور: عظيم
وياترى بقى هو مشهور كدا يعنى الناس تعرفه؟
ريهام: أكيد يا بابا دة معروف جدا فى المنتديات
مدكور: فين ياختى؟؟؟؟؟
ريهام: فى المنتديات يا بابا
مدكور: ودى تطلع إيه دى كمان ؟؟؟
ريهام:دى صفحات عالنت يا بابا بتجمع أعضاء كتير اوووي
وبيتكلموا فى مواضيع كتير
مدكور: يابت سيبك من النحوى دة وكلمينى كلام افهمه
ريهام في سرها:بقى دة نحوى ياعالم
ريهام: حاضر يا بابا
المنتديات دى زى
زى ايه قعدة المصطبة كدة
كل مجموعة واخدلها ركن وعمالين يتكلموا فى حاجة معينة
وبيبقى لها شروط وقوانين معينة وكدة يعنى
مدكور: ااااااااااااااااااااه فهمت
يعنى زى سوق العجول كدة
ريهام وقد فاض بها:
عجول ايه بس يابا ؟بقى المنتدى زى سوق العجول؟!
مدكور: جرا ايه بقه يابت انتي
مش عاجباكى العجول يا بنت منى؟؟؟؟
مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟؟
ريهام: طيب خلاص يا بابا ...
المهم انه مشهور .. مشهور اوووي
مدكور:طيب نيجى للمهم بقىىىىىى
هو عرفك منين؟؟؟؟
شعرت ريهام بالرعب من السؤال فأجابك بسرعة
ريهام: لا يا بابا اوعى تفهمنى غلط
والله ما شافنى ولا مرة حتى فى أى حتة
مدكور: ماطبعا يا بنتى لأنه لو كان شافك مكانشى اتقدم أصلا
ريهام: وبعدين معاك بقى يا بابا............. هو أنا وحشة اوي كدا ؟؟؟؟
مدكور مبتسما إبتسامة صفراء: يابت بضحك معاكى
انتى زى القمر بس عيبك الوحيد انك شبه أمك
منى: جرالك ايه يا راجل إنت ما تتعدل فى الكلام أحسنلك
مدكور: احم احم
كنا بنقول إيه يا ريهام؟؟؟؟
ريهام: كنت بتسألنى هو عرفنى منين؟؟؟؟
عموما هو عرفنى من النت
واتقدملى عن طريق النت
وإن شاء الله لو وافقتم هييجى يتقدملى على طول
مدكور:وماله يا بنتى خليه ييجى
عرفك من النت عرفك من السلخانة
مش فارقة المهم انه وقع على بوذه
ريهام فى سرها: ياخوفى من ألفاظكم دى الى تطفش 100 عريس مش عريس واحد بس .....!!!!
مدكور: قوليله ييجى يوم الجمعة بعد العصر
ريهام مسرورة: حاضر يا بابا هقوله حالا
ودخلت مسرعة إلى حجرتها فاستعجب المعلم مدكور وسألها مدكور: هتعملى إيه يا بت؟؟؟؟
ريهام: هقوله يا بابا
مدكور: انتى يا بت أخذتى التليفون عندك؟؟؟؟
ريهام: لا يا بابا أبدااااااااا
مدكور: امال هتقوليله إزاى من عندك؟
ريهام: هبعتله إيميل
صرخ مدكور فجأة بصوت مزعج وعالى....................
وإيه الى جاب الواد إيميل عندك فى الأوضة؟؟؟؟
ريهام: يا بابا اهدى إيميل مين بس دة الى عندى
أنا أقصد هبعتله جواب عالنت
تذكرمدكور حواره مع هلال والورق الذى يدخل من خلف الشاشة فقال
ااااااااااااااااااااااااا ااه
أنا بحسب المهم بلغيه بالميعاد
وقبل أن يغادر إلتفت إليها قائلا:بقولك إيه يا ريهام
بعد ما تكتبى الجواب حطيه بالراحة عشان الشاشة ما تنفجرشى
تابعته ريهام بنظرات الدهشة والحيرة وهى تقول فى نفسها
احط إيه وشاشة إيه دى الى هتنفجر؟؟؟؟؟؟؟
وفى اليوم المحدد أتى العريس أنيقا مهتما بنفسه
بشكل ملحوظ وذو رائحة طيبة وفى أبهى صورة
واستبشر الجميع خيرا إلا أنه كما تعلمون هناك سوء تفاهم رهيب
فالأم تعرف أنه طالب فى كلية محترمة والأب يظنه صحفى مشهور
وريهام مرعوبة من طريقة تعامل الوالدين مع العريس خاصة والدها
كما أن المفاجأة غير المتوقعة أن العريس جاء بمفرده
ياترى ايه اللي هيحصل ؟؟؟؟؟؟؟؟؟؟
